వారికి మంచు విష్ణు స్ట్రాంగ్ వార్నింగ్​ - రెండు రోజులే టైమ్ ఇస్తున్నానంటూ!

Vishnu Manchu Strong Warning to the Youtubers : నటీనటులపై అసభ్యకర, అశ్లీల వీడియోలు చేస్తున్న యూట్యూబర్లను మా అధ్యక్షుడు మంచువిష్ణు హెచ్చరించారు. నటీనటులు, వారి కుటుంబసభ్యులపై అశ్లీలంగా పెట్టిన వీడియోలు, పోస్టులను 48 గంటల్లో తొలగించాలని సూచించారు. లేదంటే ఆ యూట్యూబర్లపై క్రిమినల్ కేసులు నమోదు చేసి ఛానల్స్​ను మూసివేయించనున్నట్లు పేర్కొన్నారు. ఇటీవల ఓ చిన్నారిపై అసభ్యకరంగా మాట్లాడిన యూట్యూబర్ ఉదంతంపై స్పందించారు మంచు విష్ణు. ఆ వీడియోలోనే మహిళలను కించపరిచేలా వ్యవహారించిన ఆ యూట్యూబర్​పై చర్యలు తీసుకున్న ప్రభుత్వానికి ప్రత్యేక కృతజ్ఞతలు తెలిపారు. ఈ ఘటనతో మా అసోసియేషన్​కు చాలా మంది నటీనటులు లేఖలు, మెయిల్స్ రాస్తున్నారని, తమ వీడియోలు తొలగించేలా చర్యలు తీసుకోవాలని కోరుతున్నట్లు విష్ణు పేర్కొన్నారు. వారి అభ్యర్థనపై స్పందించిన విష్ణు సామాజిక మాద్యమాల ద్వారా నటీనటుల వ్యక్తిత్వాన్ని కించపరిస్తూ వీడియోలు చేస్తున్న యూట్యూబర్లకు హెచ్చరించారు.