Suzuki e Vitara: ప్రపంచ వ్యాప్తంగా ఎలక్ట్రిక్ వాహనాల వినియోగం రోజురోజుకూ పెరుగుతోంది. పర్యావరణానికి అనుకూలంగా ఉండటంతో వీటిని వాడేందుకు చాలామంది ఆసక్తి చూపిస్తున్నారు. దీంతో మార్కెట్లో వీటి సేల్స్ మంచి జోరందుకుంటున్నాయి. ఈ నేపథ్యంలో ప్రముఖ వాహన తయారీ సంస్థలు అన్నీ ఎలక్ట్రిక్ వాహనాలపై ఫోకస్ చేస్తున్నాయి. కస్టమర్ల అభిరుచి, ఆసక్తికి అనుగుణంగా కొంగొత్త వాహనాలను లాంచ్ చేస్తున్నాయి. ఈ క్రమంలో భారతదేశపు అతిపెద్ద కార్ల తయారీ సంస్థ మారుతీ సుజుకి ఇండియా లిమిటెడ్ (MSIL) మాతృ సంస్థ అయిన జపాన్‌కు చెందిన సుజుకి మోటార్ కార్పొరేషన్ కూడా తన ఫస్ట్ బ్యాటరీ విద్యుత్ వాహనాన్ని ఆవిష్కరించింది.
ఇటలీలోని మిలన్‌లో సోమవారం 'ఇ విటారా' పేరుతో ఈ బ్యాటరీ ఎలక్ట్రిక్ వెహికల్ (BEV) మోడల్‌ను పరిచయం చేసింది. మన దేశంలోని సుజుకీ మోటార్ 2025 వసంత కాలంలో గుజరాత్‌లో ఈ మోడల్‌ ఉత్పత్తి ప్రారంభించబోతున్నట్లు తెలిపింది. కొత్త 'ఇ విటారా' సేల్స్ను.. ఐరోపా, భారత్, జపాన్‌ తదితర దేశాల్లో 2025 వేసవి నుంచి ప్రారంభించనున్నట్లు కంపెనీ పేర్కొంది.
వచ్చే ఏడాది ఈ మోడల్‌ను రిలీజ్ చేసేందుకు మారుతీ సుజుకీ ఇండియా ప్లాన్ చేస్తోంది. మారుతీ సుజుకీ ఇండియాలో సుమారు 58% వాటా సుజుకీదే. ఈ 'ఇ విటారా' బ్యాటరీ ఎలక్ట్రిక్ వెహికల్ కాన్సెప్ట్‌ మోడల్‌ 'ఈవీఎక్స్‌' ఆధారంగా తీసుకొస్తున్నారు. ఈ కాన్సెప్ట్‌ను 2023 జనవరిలో మన దేశంలో జరిగిన ఆటో ఎక్స్‌పోలో, అదే ఏడాది అక్టోబరులో జపాన్‌లో జరిగిన మొబిలిటీ షోలో ప్రదర్శించారు.
"ఇ విటారా మా మొదటి బ్యాటరీ ఎలక్ట్రిక్ వెహికల్. దీన్ని మా ఖాతాదార్లు సులభంగా వాడుకునేలా రూపొందించాం. కార్బన్ న్యూట్రల్ సొసైటీ కోసం బీఈవీలతో పాటు హైబ్రిడ్‌ వాహనాలు, సీఎన్‌జీ వెహికల్స్ను వివిధ ప్రాంతాల్లో విడుదల చేస్తాం. కర్బన తటస్థాన్ని సాధించేందుకు ఈ ఇ విటారా బ్యాటరీ విద్యుత్ వాహనంతో అడుగులు వేశాం." - తొషిహిరో సుజుకీ, సుజుకీ మోటార్ కార్పొరేషన్ ప్రెసిడెంట్, రెప్రజెంటేటివ్‌ డైరెక్టర్‌
బైక్ లవర్స్కు గుడ్న్యూస్- హీరో మోటోకార్ప్ నుంచి నాలుగు కొత్త టూ-వీలర్స్
