కమల్ హాసన్ బర్త్​డే స్పెషల్ - 'థగ్​ లైఫ్' టీజర్ చూశారా?

కమల్ హాసన్ 'థగ్​ లైఫ్' టీజర్ చూశారా?

Kamal Haasan Thug Life Teaser : కోలీవుడ్ స్టార్ హీరో, లోకనాయకుడు కమల్​ హాసన్​ బర్త్​డే సందర్భంగా ఆయన అప్​కమింగ్​ మూవీ 'థగ్ లైఫ్​' నుంచి మేకర్స్​ ఓ సాలిడ్ టీజర్​ను విడుదల చేశారు. అందులోనే ఈ సినిమా రిలీజ్‌ డేట్‌ ప్రకటించి అభిమానులను సర్​ప్రైజ్ చేశారు. వచ్చే ఏడాది జూన్‌ 5న ఈ సినిమా విడుదల కానున్నట్లు తెలిపారు.

ఇక 'థగ్​ లైఫ్'​ సినిమా విషయానికి వస్తే, సముద్రపు దొంగల నేపథ్యంలో సాగే ఓ యాక్షన్‌ డ్రామాగా ఈ మూవీ రూపొందుతోంది. 'నాయకన్‌' (నాయకుడు) లాంటి హిట్‌ తర్వాత కమల్‌- మణిరత్నం కాంబోలో తెరకెక్కుతోన్న రెండో చిత్రం ఇది. సుమారు 36 సంవత్సరాల తర్వాత ఈ ఇద్దరూ కలిసి పని చేయటం వల్ల ఈ చిత్రంపై ప్రేక్షకుల్లో భారీ అంచనాలే నెలకొన్నాయి.

36 ఏళ్ల తర్వాత క్రేజీ కాంబో
ఇక 'థగ్ లైఫ్' సినిమా విషయానికి వస్తే, కమల్ హాసన్​తో పాటు కోలీవుడ్ సీనియర్ నటి త్రిష కృష్ణన్, ఐశ్వర్య లక్ష్మి కీలత పాత్రల్లో నటిస్తున్నారు. వీరితో పాటు జోజూ జార్జి, జయం రవి, నాజర్, పంకజ్ త్రిపాఠి, గౌతమ్ కార్తిక్ తదితరులు నటిస్తున్నారు. కమల్​ తన సొంత బ్యానరైన రాజ్​కమల్ ఇంటర్నేషనల్ ఫిల్మ్స్​ ఈ సినిమా నిర్మాణ బాధ్యతలు చేపట్టగా, ఆయనతో పాటు మద్రాస్ టాకీస్ బ్యానర్​పై శివ అనంతి, ఆర్ మహేంద్రన్ కూడా ఈ చిత్రాన్ని సంయుక్తంగా నిర్మిస్తున్నారు. ఆస్కార్ అవార్డ్ విన్నర్ ఏఆర్ రెహమాన్ ఈ సినిమాకు చక్కటి స్వరాలు అందిస్తున్నారు.

లిరిసిస్ట్​గా మారిన కమల్
మరోవైపు కమల్ ఈ సినిమా కోసం తాజాగా లిరిసిస్ట్​ అవతారమెత్తారు. 'థగ్​ లైఫ్'​లో కమల్ ఓ పాట రాశారు. అయితే ఇందులో మరింత ఇంట్రెస్టింగ్ విషయం ఏంటంటే ఆయన ఈ పాటను కేవలం 2 గంటల్లోనే రాశారు. అలాగే దీనికి సంబంధించిన రికార్డింగ్ పనులను కూడా కంప్లీట్ చేశారట. ఇది విన్న సినీ లవర్స్ ఆయన ప్రతిభను కొనియాడుతున్నారు.