ఫిరాయింపులపై మాట్లాడే నైతిక హక్కు బీఆర్​ఎస్​కు లేదు : మంత్రి శ్రీధర్ బాబు - Minister Sridhar Babu on BRS - MINISTER SRIDHAR BABU ON BRS

Minister Sridhar Babu on BRS : ఫిరాయింపులపై మాట్లాడే నైతిక హక్కు బీఆర్​ఎస్​కు లేదని రాష్ట్ర ఐటీ శాఖ మంత్రి శ్రీధర్ బాబు అన్నారు. పార్టీలోకి వస్తాం అంటే ఎవరైన వద్దంటారా అని ప్రశ్నించారు. ఫిరాయింపులను ప్రోత్సహించేలా తాము ఒక్క అడుగు కూడా ముందుకు వేయడం లేదని పేర్కొన్నారు. గతంలో బీఆర్​ఎస్​ ఒకరకంగా చేరికలు చేసుకుందని, భయపెట్టి అనేక రకాలుగా తమ ఎమ్మెల్యేలను చేర్చుకున్నారని తెలిపారు. 

స్వచ్ఛందంగా మా పార్టీలోకి వస్తున్నారు : ఇప్పుడు బీఆర్​ఎస్​ నేతలు స్వయంగా వారే కాంగ్రెస్​లోకి వస్తున్నారని, ప్రజలకు సేవ చేస్తున్న తమ ప్రభుత్వం​తో కలిసి పనిచేసేందుకు మొగ్గుచూపుతున్నారని మంత్రి శ్రీధర్​ అన్నారు. గులాబీ పార్టీలో మిగిలే ఆ నలుగురు ఎమ్మెల్యేలు ఎవరో వారే చెప్పాలని ఎద్దేవా చేశారు. అంతకముందు రవీంద్రభారతిలో తెలంగాణ సంగీత నాట్య అకాడమీ అధ్యక్షురాలిగా బాధ్యతలు స్వీకరించిన కేంద్ర నాటక అకాడమీ పురస్కార గ్రహీత, కూచిపూడి నృత్య గురువు ఆలేఖ్య పుంజాలను మంత్రి అభినందించారు.