వైఎస్సార్సీపీ ఓటు బ్యాంకు షర్మిల ఖాతాలోకి: విఘ్ణకుమార్​ రాజు

BJP Leader Vishnu Kumar Raju Comments on YSRCP : షర్మిల రాకతో వైసీపీ పనైపోయిందని బీజేపీ రాష్ట్ర ఉపాధ్యక్షుడు విఘ్ణకుమార్​ రాజు అభిప్రాయపడ్డారు. మెజార్టీ నాయకులంతా ఆ పార్టీని వీడేెందుకు సిద్ధంగా ఉన్నారని చెప్పారు. రాష్ట్రంలో బీజేపీ - జనసేన, జనసేన - తెలుగుదేశం మధ్య పొత్తు ఉందని ఈ మూడు పార్టీలు కలవాల్సి ఉందని పేర్కొన్నారు. ఈ మూడు పార్టీలు కలిస్తే 150 సీట్లు వస్తాయని జోస్యం చెప్పారు.

వైఎస్ షర్మిల ఏపీసీసీ అధ్యక్షురాలుగా బాధ్యతలు తీసుకోవడం వల్ల వైఎస్సార్సీపీకి​ గట్టి దెబ్బ తగులుతుందని విఘ్ణకుమార్​ వ్యాఖ్యానించారు. వైఎస్​ షర్మిల తీసుకున్న నిర్ణయం వైసీపీలో ప్రకంపనలను రేకెత్తించిందని ఉద్ఘాటించారు. సీఎం జగన్​ ఓటు బ్యాంకు షర్మిల ఖాతాలోకి వెళ్లిపోయిందని పేర్కొన్నారు. రానున్న ఎన్నికల్లో కాంగ్రెస్​కు 10 శాతం వరకు ఓట్లు రావచ్చని ఆశాభావం వ్యక్తం చేశారు. అధికార పార్టీ ఎమ్మెల్యేలను సీఎం జగన్​ కలవడానికి విముఖత చూపుతున్నారని వెల్లడించారు. దీంతో అధికార ఎమ్మెల్యేలు పార్టీని వీడేందుకు సిద్ధంగా ఉన్నారని తెలియజేశారు.