పప్పులు, పెరుగు, సోడా ఏదీ వద్దు - బియ్యంతోనే "కమ్మటి చిట్టి పునుగులు" ఇలా చేయండి!

- ఈవెనింగ్ స్నాక్స్​ కోసం బెస్ట్​ ఆప్షన్​ - ఈజీగా ఇంట్లోనే తయారు చేసుకోండిలా!

How to Make Punugulu at Home : పునుగులు.. మనలో చాలా మందికి ఇష్టం. ఉల్లిపాయ ముక్కలు, పల్లీ, టమాటా చట్నీ కాంబినేషన్​గా ఉంటే ఇక వాటికి తిరుగుండదు. అయితే.. ఇంట్లో పునుగులు చేయాలంటే చాలా ప్రాసెస్​ ఉంటుందని.. ఎక్కువ మంది బయటకు వెళ్లి రోడ్ సైడ్ బండ్ల దగ్గర తింటుంటారు. కానీ.. ఈ స్టోరీలో చెప్పిన విధంగా చేస్తే ఏ పప్పులూ నానబెట్టకుండానే, మైదా లేకుండానే పునుగులు తయారైపోతాయి. మరి, ఆ ప్రాసెస్ ఏంటో ఇప్పుడు చూద్దాం.

కావాల్సిన పదార్థాలు :

• బియ్యం - 1 కప్పు
• బంగాళదుంపలు - 3
• పచ్చిమిర్చి - 2
• కొత్తిమీర తరుగు - కొద్దిగా
• జీలకర్ర - 1 స్పూన్
• ఉప్పు - రుచికి సరిపడా
• నూనె - వేయించడానికి సరిపడా

తయారీ విధానం :

• పునుగులు చేయడం కోసం.. ముందుగా రేషన్ బియ్యాన్ని మూడు గంటలపాటు నానబెట్టుకోవాలి. (అయితే, ఇక్కడ మీరు నార్మల్​ రైస్ కూడా తీసుకోవచ్చు. కానీ, రేషన్ బియ్యమైతే పునుగులు సూపర్ టేస్టీగా ఉంటాయి.)
• అలాగే బంగాళదుంపలను ఉడికించి పొట్టు తీసుకోవాలి. వాటిని ముక్కలుగా కట్ చేసుకొని పక్కన పెట్టుకోవాలి.
• ఆపై నానబెట్టుకున్న బియ్యాన్ని తీసుకొని శుభ్రంగా కడిగి వాటర్ వడకట్టాలి. తర్వాత మిక్సీ జార్​లో వేసుకోవాలి.
• ఇప్పుడు కొద్దిగా వాటర్ యాడ్ చేసుకొని కాస్త గట్టిగానే ఉండేలా మెత్తని పేస్ట్​లా మిక్సీ పట్టుకోవాలి. ఆపై పిండిని ఒక మిక్సింగ్ బౌల్లో తీసుకొని పక్కన పెట్టుకోవాలి.
• తర్వాత ఉడికించి పక్కన పెట్టుకున్న ఆలూ ముక్కలను మిక్సీ జార్​లో వేసుకొని కొన్ని వాటర్ యాడ్ చేసుకొని మెత్తని పేస్ట్​లా గ్రైండ్ చేసుకోవాలి.
• ఇప్పుడు ఆలూ పేస్ట్​ని ముందుగా మిక్సీ పట్టుకున్న బియ్యప్పిండిలో వేసుకొని బాగా కలుపుకోవాలి.
• తర్వాత పిండిలో ఉప్పు, సన్నగా తరిగిన పచ్చిమిర్చి, కొత్తిమీర తరుగు వేసి అన్నీ కలిసేలా బాగా కలుపుకోవాలి.
• చివరిగా జీలకర్ర కూడా వేసి మిక్స్ చేసుకోవాలి. (పిండి మరీ పల్చగా ఉండకుండా కాస్త గట్టిగానే ఉండేలా చూసుకోవాలి.)
• ఇప్పుడు పునుగులు వేయించడం కోసం.. స్టౌపై పాన్ పెట్టుకొని ఆయిల్ వేసుకోవాలి. ఆయిల్​ హీట్ ​అయ్యాక.. చేతితో కొద్ది కొద్దిగా పిండిని తీసుకుంటూ పునుగుల మాదిరిగా నూనెలో వేసుకోవాలి.
• ఇప్పుడు స్టౌ మీడియం ఫ్లేమ్​లో ఉంచి గరిటెతో వాటిని రెండు వైపులా టర్న్ చేసుకుంటూ అవి మంచిగా వేగే వరకు ఫ్రై చేసుకోవాలి. (అయితే, ఇలా బియ్యం పిండి, ఆలూతో చేసిన పునుగులు.. మామూలు పునుగుల మాదిరిగా గోల్డెన్ బ్రౌన్​ కలర్​లోకి రావు. కాస్త తెలుపు రంగులోనే ఉంటాయి.)
• అంతే ఇలా సింపుల్​గా చేసుకుంటే.. సూపర్ టేస్టీగా ఉండే "చిట్టి చిట్టి పునుగులు" రెడీ!
• ఈ పునుగులను ఆనియన్స్, టమాటా చట్నీతో తింటుంటే ఆ టేస్ట్ భలే ఉంటుంది!

ఇవి కూడా చదవండి :