TVS Raider iGo Variant Launched:దీపావళి వేళ మార్కెట్లోకి సరికొత్త బైక్ వచ్చింది. దేశీయ బైక్ తయారీ సంస్థ టీవీఎస్ మోటార్ తన స్పోర్టీ కమ్యూటర్ మోటార్సైకిల్ రైడర్ 125లో కొత్త వేరియంట్ను రిలీజ్ చేసింది. కంపెనీ దీన్ని TVS రైడర్ iGo పేరుతో ఈ వేరియంట్ను తీసుకొచ్చింది. ఇది కంపెనీ iGo అసిస్ట్ టెక్నాలజీతో వస్తుంది.
కంపెనీ ఇటీవల ప్రారంభించిన TVS జూపిటర్‌తో ఈ iGo అసిస్ట్ టెక్నాలజీని కూడా పరిచయం చేసింది. ఇది TVS రైడర్ ఆరో వేరియంట్. రైడర్ 10 లక్షల యూనిట్ల సేల్స్ మైలురాయిని చేరుకోవడాన్ని పురస్కరించుకుని రైడర్ iGoని తీసుకొచ్చారు. ఈ సందర్భంగా TVS రైడర్ iGo ధర, ఫీచర్లపై మరిన్ని వివరాలు తెలుసుకుందాం రండి.
- కలర్ ఆప్షన్స్: రైడర్ ఈ వేరియంట్ కొత్త నార్డో గ్రే కలర్ ఆప్షన్లో మాత్రమే వస్తుంది. ఇది లైట్ గ్రే, బ్లాక్ కలర్స్ మిక్సింగ్ కలర్. ఈ బైక్లో రెడ్ కలర్ అల్లాయ్ వీల్ అమర్చారు. ఈ మోటార్సైకిల్ TVS SmartXonnectతో కూడిన LCD డిజిటల్ క్లస్టర్‌తో వస్తుంది.
- కనెక్టింగ్ ఫీచర్స్:ఈ బైక్ వాయిస్ అసిస్ట్, టర్న్-బై-టర్న్ నావిగేషన్‌తో సహా 85కి పైగా కనెక్టింగ్ ఫీచర్లకు సపోర్ట్ చేస్తుంది.
- పవర్‌ట్రెయిన్: ఈ వేరియంట్‌లో అతిపెద్ద మార్పు ఏంటంటే రైడర్ 124.8cc, 3-వాల్వ్ ఇంజిన్ ఇప్పుడు ఇంటిగ్రేటెడ్ స్టార్ట్ జనరేటర్ (ISG)తో వస్తుంది. ఇది పవర్ మోడ్‌లో అడిషనల్ బూస్ట్‌ను అందిస్తుంది. ఈ ఇంజన్ సాధారణంగా 11.22bhp పవర్, 11.3Nm టార్క్ ఇస్తుంది. కానీ పవర్ మోడ్‌లో మొత్తం టార్క్ 11.75Nm వరకు పెరుగుతుంది. దీని ఇంజిన్ 5-స్పీడ్ గేర్‌బాక్స్‌తో వస్తుంది. ఇతర వేరియంట్స్ కంటే రైడర్ iGo 10 శాతం ఎక్కువ ఫ్యూయెల్ సామర్థ్యాన్ని కలిగి ఉంటుందని కంపెనీ చెబుతోంది.
- మెకానికల్ ఫీచర్స్:ఇది దాని పాత మోడల్లా ముందు వైపున టెలిస్కోపిక్ ఫోర్క్ సెటప్, వెనుకవైపు మోనోషాక్ను కలిగి ఉంది. బ్రేకింగ్ కోసం దీని ముందు భాగంలో డిస్క్ బ్రేక్, వెనుక భాగంలో డ్రమ్ బ్రేక్ అమర్చారు. ఈ బైక్ 17 అంగుళాల చక్రాలపై నడుస్తుంది.
- మార్కెట్లో దీనికి పోటీ:ఇండియన్ మార్కెట్లో ఈ కొత్త TVS రైడర్ iGo బైక్.. హీరో ఎక్స్‌ట్రీమ్ 125 R, హోండా SP125, బజాజ్ పల్సర్ N125 లతో పోటీ పడుతుంది.
- ధర:ఇండియన్ మార్కెట్లో ఈ బైక్ రూ. 98,389 (ఎక్స్-షోరూమ్) ధరకు రిలీజ్ అయింది.