Electricity Bill MyJio App: జియో భారతదేశంలోని అతిపెద్ద టెలికాం ఆపరేటర్లలో ఒకటి. ఈ కంపెనీ అన్లిమిటెడ్ వాయిస్ కాల్స్, హై-స్పీడ్ డేటాతో పాటు వివిధ జియో యాప్లకు యాక్సెస్ను అందించే సరసమైన ప్రీపెయిడ్, పోస్ట్ పెయిడ్ ప్లాన్లకు ప్రసిద్ధి చెందింది. ఇక మీ జియో మొబైల్ నంబర్కు రీఛార్జ్ చేసుకునేందుకు ఫాస్టెస్ట్ ప్లాట్ఫామ్ ఏదంటే 'MyJio' యాప్ అని నిస్సందేహంగా చెప్పొచ్చు.
అయితే ఈ యాప్ ద్వారా మీరు యుటిలిటీ బిల్లులు కూడా చెల్లించొచ్చని మీకు తెలుసా? మీరు మీ విద్యుత్ బిల్లు చెల్లించేందుకు ఇప్పటికీ ఎలక్ట్రిసిటీ ఆఫీస్కు వెళ్తున్నారా? అయితే ఇకపై అలా చేయాల్సిన అవసరం లేదు. మీరు కేవలం కొన్ని క్లిక్‌లతోనే ఇంట్లో కూర్చొని మీ విద్యుత్ బిల్లులను 'MyJio' యాప్ ద్వారా సులభంగా చెల్లించొచ్చు. అదెలాగో తెలుసుకుందాం రండి.
MyJio యాప్‌లో విద్యుత్ బిల్లులు చెల్లించడం ఎలా?:
- ముందుగా యాపిల్ యాప్ స్టోర్ లేదా గూగుల్ ప్లే స్టోర్‌కి వెళ్లి 'MyJio' యాప్ను డౌన్‌లోడ్ చేసుకుని ఇన్‌స్టాల్ చేయండి.
- తర్వాత మీ మొబైల్ నంబర్‌ను ఎంటర్ చేసి లాగిన్ అవ్వండి.
- ఇది పూర్తయిన తర్వాత, మీ స్కీన్ను కొంచెం కిందికి స్క్రోల్ చేస్తే దిగువన 'Finance' సెక్షన్ కన్పిస్తుంది. దానిలో 'Bills'పై ట్యాప్ చేయండి.
- ఇప్పుడు అందులో కన్పిస్తున్న 'Electricity' ఆప్షన్ను సెలెక్ట్ చేసుకోండి. అప్పుడు అది మీ సపోర్టెడ్ విద్యుత్ ఆపరేటర్ల లిస్ట్ను చూపిస్తుంది.
- అక్కడ కన్పిస్తున్న మీ విద్యుత్ ఆపరేటర్‌ పేరును సెలెక్ట్ చేసుకోండి. ఒకవేళ మీకు ఇది తెలియకపోతే, మీ కరెంటు బిల్లులో ఉన్న పేరును చెక్ చేసుకుని సెలక్ట్ చేసుకోవచ్చు.
- ఆ తర్వాత కస్టమర్ IDని ఎంటర్ చేసి, 'Proceed' బటన్పై క్లిక్ చేయండి.
- ఇప్పుడు విద్యుత్ బిల్లు అమౌంట్ను ఎంటర్ చేసి, పేమెంట్ కోసం మీ డెబిట్ కార్డ్, క్రెడిట్ కార్డ్ లేదా UPI నుంచి ఏదైనా ఆప్షన్ను ఎంచుకోవచ్చు. తద్వారా అవసరమైన వివరాలను ఎంటర్ చేసి పేమెంట్ పూర్తి చేయొచ్చు.
అంతే ఇలా సింపుల్గా మీ MyJio యాప్‌లో విద్యుత్ బిల్లులను హాయిగా ఇంట్లోనే కూర్చునే చెల్లించొచ్చు.
JioMoney యాప్ ఇకపై అందుబాటులో ఉండదు: మీరు ఆన్లైన్లో బిల్లుల చెల్లింపు కోసం 'JioMoney' యాప్ గురించి ఆలోచిస్తుంటే.. రిలయన్స్ జియో ఈ యాప్ను యాపిల్, గూగుల్ స్టోర్ల నుంచి తొలగించిందని గమనించాలి. అయితే ఈ 'JioMoney' యాప్‌లోని అదే ఫీచర్ ఇతర ప్లాట్‌ఫామ్‌లలో కూడా అందుబాటులో ఉంది. కానీ మీరు జియో యూజర్ అయితే 'MyJio' యాప్ సహాయంతో బిల్లులు చెల్లించొచ్చు. ఇది ఆన్‌లైన్ బిల్ పేమెంట్స్ను గతంలో కంటే చాలా సులభతరం, సౌకర్యవంతంగా చేస్తుంది.
'మేం వదిలేశాం, వాళ్లు పట్టుకున్నారు'- మైక్రోసాఫ్ట్ చేసిన అతిపెద్ద తప్పు ఇదే!
ఓపెన్ఏఐ నుంచి 'ఏఐ ఏజెంట్'- దీని స్పెషాలిటీ ఏంటో తెలుసా?
యాపిల్ లవర్స్కు క్రేజీ అప్డేట్- ఆండ్రాయిడ్ ఫోన్లకు ధీటుగా ఫోల్డబుల్ ఐఫోన్!
