టెక్నో నుంచి సూపర్ స్మార్ట్​ఫోన్- ధర ఎంతో తెలిస్తే కొనకుండా ఉండలేరంతే!

టెక్నో మిడ్​-రేంజ్ స్మార్ట్​ఫోన్ వచ్చేసిందోచ్- అదిరే ఫీచర్లతో బడ్జెట్ ధరలో లాంచ్..!

Tecno Camon 30s Launched: ప్రముఖ స్మార్ట్​ఫోన్ల తయారీ సంస్థ టెక్నో అద్భుతమైన ఫీచర్లతో మార్కెట్లోకి కొత్త ఫోన్ తీసుకొచ్చింది. తన మిడ్​ రేంజ్ టెక్నో కెమన్ 30ఎస్ స్మార్ట్​ఫోన్​ను బడ్జెట్ ధరలో లాంచ్ చేసింది. మరెందుకు ఆలస్యం దీని ధర, ఫీచర్లపై మరిన్ని వివరాలు తెలుసుకుందాం రండి.

టెక్నో కెమన్ 30ఎస్ ఫీచర్లు:

• డిస్​ప్లే: 6.78-అంగుళాల AMOLED స్క్రీన్‌
• బ్యాటరీ:5,000mAh
• రిఫ్రెష్ రేట్: 120Hz
• బ్రైట్​నెస్: 1,300 నిట్స్
• చిప్‌సెట్: MediaTek Helio G100
• మెయిన్ కెమెరా: ఆప్టికల్ ఇమేజ్ స్టెబిలైజేషన్ (OIS)తో కూడిన 50-మెగాపిక్సెల్
• ఫ్రంట్ కెమెరా: 13-మెగాపిక్సెల్

కలర్ ఆప్షన్స్:

• సెలెస్టియల్ బ్లాక్
• డాన్ గోల్డ్
• నెబ్యులా వైలెట్

కనెక్టివిటీ ఫీచర్స్:

• Wi-Fi
• బ్లూటూత్
• NFC
• GPS
• 4G LTE
• USB టైప్-సి పోర్ట్‌

టెక్నో కెమన్ 30ఎస్​ మొబైల్​ మరిన్ని ఫీచర్లు: ఈ కొత్త టెక్నో కెమన్ 30ఎస్ స్మార్ట్​ఫోన్​లో యాక్సిలరోమీటర్, గైరోస్కోప్, యాంబియంట్ లైట్ సెన్సార్, ప్రాక్సిమిటీ సెన్సార్‌ కూడా ఉన్నాయి. ఇది అథెంటికేషన్ కోసం ఫింగర్‌ఫ్రింట్ స్కానర్‌తో వస్తుంది. ఈ స్మార్ట్‌ఫోన్ డస్ట్​ అండ్ వాటర్ రెసిస్టెన్సీతో IP53 రేటింగ్‌ను కలిగి ఉంది. ఇది 33W ఫాస్ట్ ఛార్జింగ్‌ సపోర్ట్​తో 5,000mAh బిగ్​ బ్యాటరీతో వస్తోంది. ఈ ఫోన్​ డ్యూయల్ సిమ్ (నానో) సపోర్ట్​తో ఆండ్రాయిడ్ 14లో రన్ అవుతుంది.

టెక్నో కెమన్ 30S ధర:8GB RAM, 256GB స్టోరేజీతో దాని టాప్-ఆఫ్-లైన్ వేరియంట్ ధర PKR 59,999 అంటే సుమారు రూ.18,200గా కంపెనీ నిర్ణయించింది. అయితే ప్రస్తుతం టెక్నో తన 6GB + 128GB, 8GB + 128GB RAM, స్టోరేజ్ కాన్ఫిగరేషన్ మోడల్‌ల ధరను వెల్లడించలేదు.

కంపెనీ ప్రస్తుతం పాకిస్థానీ మార్కెట్‌లో టెక్నో కెమన్ 30ఎస్‌ను రిలీజ్ చేసింది. సమాచారం ప్రకారం.. ఈ స్మార్ట్‌ఫోన్‌ను సెలెస్టియల్ బ్లాక్, డాన్ గోల్డ్, నెబ్యులా వైలెట్ కలర్ ఆప్షన్స్​లో కంపెనీ వెబ్‌సైట్ ద్వారా పాకిస్థాన్‌లో విక్రయిస్తున్నారు. ఇందులో గమనించదగ్గ విషయం ఏంటంటే ఈ కొత్త టెక్నో కెమన్ 30ఎస్ మొబైల్​ను ఇండియాలో విడుదల చేస్తారా?లేదా? అనే విషయంపై కంపెనీ ఎలాంటి సమాచారం ఇవ్వలేదు.