IP69 రేటింగ్​.. ప్రీమియం డైమండ్ డిజైన్​తో రియల్​మీ ఫోన్- వేడి నీటిలో ముంచినా కూడా నో ఫికర్!

అద్భుతమైన ఫీచర్లతో రియల్​మీ స్మార్ట్​ఫోన్ లాంఛ్- కేవలం రూ. 14,999లకే.. బ్యాంక్ ఆఫర్లు కూడా..!

Realme 14x 5G Launched In India:రియల్‌మీ ఎట్టకేలకు భారత్​లో తన '14x 5G' స్మార్ట్‌ఫోన్‌ను లాంఛ్ చేసింది. కంపెనీ ఈ ఫోన్​ను IP69 రేటింగ్​తో ప్రీమియం డైమండ్ డిజైన్​లో తీసుకొచ్చింది. దీంతో ఈ మొబైల్​ను వేడి​ నీటిలో ముంచినా కూడా ఏం కాదని రియల్​మీ చెబుతోంది. ఇలాంటి ఎన్నో అద్భుతమైన ఫీచర్లతో కంపెనీ దీన్ని కేవలం రూ. 14,999 ప్రారంభ ధరతోనే రిలీజ్ చేసింది. అంతేకాక ఈ మొబైల్​పై ప్రారంభ ఆఫర్​ను కూడా ప్రకటించింది. ఈ సందర్భంగా ఈ కొత్త 'రియల్​మీ 14x 5G' స్మార్ట్​ఫోన్ ధర, ఫీచర్లతో పాటు బ్యాంక్​ ఆఫర్స్ వంటి మరిన్ని వివరాలు తెలుసుకుందాం రండి.

స్పెసిఫికేషన్స్ అండ్ ఫీచర్స్:

• డిస్​ప్లే:6.67-అంగుళాల HD+
• రిఫ్రెష్ రేట్‌:120Hz
• రిజల్యూషన్: 1604 x 720 పిక్సెల్
• పీక్​ బ్రైట్‌నెస్‌:625 నిట్స్
• బ్యాటరీ:6,000mAh
• ప్రాసెసర్:ఆక్టా-కోర్ మీడియాటెక్ డైమెన్సిటీ 6300
• 8GB వరకు RAM అండ్ 128 GB స్టోరేజ్
• 45W ఫాస్ట్ ఛార్జింగ్ సపోర్ట్‌

కెమెరా సెటప్: ఈ ఫోన్ 4Kలో వీడియోలను షూట్ చేయగల f/1.8 ఎపర్చర్‌తో 50MP మెయిన్ కెమెరాతో డ్యూయల్ రియర్ కెమెరా సెటప్‌తో వస్తుంది. ఈ ఫోన్​లో సెల్ఫీలు, వీడియో కాల్స్​ కోసం 8MP ఫ్రంట్-ఫేసింగ్ కెమెరా ఉంది.

వేరియంట్స్: ఈ 'రియల్​మీ 14x' 5G మొబైల్​ మార్కెట్లో రెండు వేరియంట్లలో లభిస్తుంది.

• 6GB RAM + 128 GB
• 8GB RAM + 128 GB

కలర్ ఆప్షన్స్: కంపెనీ ఈ మొబైల్​ను మూడు కలర్ ఆప్షన్లలో తీసుకొచ్చింది.

• జ్యువెల్ రెడ్
• గోల్డెన్ గ్లో
• క్రిస్టల్ బ్లాక్

ప్రీమియం మొబైల్స్​లో మాత్రమే అందించే IP69 రేటింగ్, మిలిటరీ గ్రేడ్ షాక్ రెసిస్టెంట్ ఫీచర్లను కంపెనీ ఈ మొబైల్​లో అందించింది. ఈ కొత్త రియల్​మీ 14x స్మార్ట్​ఫోన్​ Android 14 ఆధారంగా Realme UI 5పై రన్ అవుతుంది. అంతేకాక ఇది హై-రెస్ ఆడియో సర్టిఫికేషన్‌కు కూడా సపోర్ట్ చేస్తుంది.

ధర:

• 6GB RAM + 128 GB స్టోరేజ్ వేరియంట్ ధర: రూ. 14,999
• 8GB RAM + 128 GB స్టోరేజ్ వేరియంట్ ధర: రూ. 15,999

డిస్కౌంట్స్ ఇవే!:ఈ కొత్త 5G స్మార్ట్​ఫోన్ ఇప్పటికే ఫ్లిప్‌కార్ట్, రియల్​మీ అధికారిక వెబ్‌సైట్​లో కొనుగోలు చేసేందుకు అందుబాటులో ఉంది. కంపెనీ వీటి సేల్స్​లో అన్ని బ్యాంక్ క్రెడిట్, డెబిట్ కార్డ్‌లపై రూ. 1,000 తగ్గింపును, ఆరు నెలల పాటు నోకాస్ట్‌ EMI సదుపాయాన్ని పొందొచ్చని ప్రకటించింది. దీంతోపాటు రూ.1049 విలువైన ఏడాది వారెంటీని ఉచితంగా అందిస్తోంది. అయితే ఈ డిస్కౌంట్స్ డిసెంబర్ 18 అంటే ఇవాళ్టి నుంచి డిసెంబర్ 22, 2024 వరకు కొనుగోలు చేసిన కస్టమర్లకు మాత్రమే అందుబాటులో ఉండనున్నట్లు తెలిపింది.