మంచి మిడ్రేంజ్ ఫోన్ కోసం చూస్తున్నారా?- ఏఐ ఫీచర్లతో టాప్ మోడల్స్ మీకోసం.. ఓ లుక్కేయండి మరి! - YEAR ENDER 2024

ఫ్లాగ్షిప్కు పోటీగా మిడ్రేంజ్ ఫోన్లు- ఈ ఏడాది విడుదలైన టాప్ మోడల్స్ ఇవే!

Mid Range Smartphones with AI Features (Photo Credit- Vivo, Oneplus)

Published : 2 hours ago

Mid Range Smartphones with AI Features: ఇండియన్ మార్కెట్లో గత కొన్నేళ్లగా మిడ్రేంజ్ స్మార్ట్ఫోన్ల హవా కొనసాగుతోంది. ఐఫోన్, శాంసంగ్, గూగుల్ వంటి టాప్ బ్రాండ్ల నుంచి ఎన్నో ఫ్లాగ్షిప్ స్మార్ట్ఫోన్లు అందుబాటులో ఉన్నాయి. అయినప్పటికీ కస్టమర్లు ఫ్లాగ్షిప్ ఫోన్లను వదిలేసి మిడ్రేంజ్ ఫోన్లపైనే ఎక్కువ ఆసక్తి చూపిస్తున్నారు.

తక్కువ ధరతో మెరుగైన ఫీచర్లతో ఇవి ఫ్లాగ్షిప్ ఫోన్లకు గట్టి పోటీని ఇస్తున్నాయి. అంతేకాక ఈ మొబైల్స్లో ఎన్నో రకాల ఏఐ ఫీచర్లను కూడా జోడించడంతో మార్కెట్లో వీటి సేల్స్ ఊపందుకున్నాయి. ఇక వివో, ఒప్పో, వన్ప్లస్ వంటి బ్రాండ్ల నుంచి ఫ్లాగ్షిప్తో పాటు మిడ్రేంజ్ స్మార్ట్ఫోన్లు కూడా అందుబాటులో ఉన్నాయి. ఈ నేపథ్యంలో మీరు కూడా మంచి మిడ్రేంజ్ స్మార్ట్ఫోన్ కొనాలని చూస్తున్నారా? అయితే ఈ ఏడాది AI ఫీచర్లతో లాంఛ్ అయిన టాప్ మోడల్స్ వివరాలు మీకోసం.

ఈ ఏడాది AI ఫీచర్లతో రిలీజ్ అయిన టాప్ మిడ్-రేంజ్ స్మార్ట్ఫోన్స్ ఇవే!:

'VIVO X200' Series: స్మార్ట్ఫోన్ తయారీ సంస్థ వివో ఎంతో ఆసక్తిగా ఎదురుచూస్తున్న తన 'వివో X200' సిరీస్ మొబైల్స్ను ఎట్టకేలకూ ఇటీవలే ఇండియన్ మార్కెట్లో లాంఛ్ చేసింది. కంపెనీ ఈ సిరీస్లో 'వివో X200', 'వివో X200 ప్రో' అనే రెండు మోడల్ మొబైల్స్ను తీసుకొచ్చింది. ఈ మొబైల్స్లో 6000mAh వరకు పవర్ఫుల్ బ్యాటరీతో పాటు 200 మెగాపిక్సెల్ ప్రైమరీ కెమెరాను కూడా పొందొచ్చు. ఈ సిరీస్ రూ.65,999 ప్రారంభ ధరతో మార్కెట్లో అందుబాటులో ఉన్నాయి.

'వివో X200' సిరీస్ ఫీచర్లు:

6.67 అంగుళాల క్వాడ్-కర్వ్డ్ OLED LTPS డిస్ప్లే
120Hz వరకు వేరియబుల్ రిఫ్రెష్ రేట్
1.63mm అల్ట్రా-స్లిమ్ బెజెల్స్
200MP Zeiss APO టెలిఫోటో కెమెరా
4K HDR సినిమా పోర్ట్రెయిట్ వీడియో రికార్డ్
పవర్ఫుల్ 6000mAh బ్యాటరీ
90W స్పీడ్ ఛార్జింగ్
మీడియాటెక్ డైమెన్సిటీ 9400 చిప్‌సెట్
3nm ప్రాసెసర్ టెక్నాలజీ

Vivo V40 Pro: వివో V40 ప్రో (Review)లో AI ఎరేజర్, AI ఫోటో ఎన్‌హాన్సర్ వంటి ఏఐ ఆధారిత ఫీచర్లు ఉన్నాయి. కంపెనీ తన లేటెస్ట్ మోడల్ మొబైల్స్లో 'జెమిని AI'ని కూడా అందించింది. అంతేకాక కొన్ని లిమిటెట్ కెమెరా AI ఫీచర్లను కూడా వీటిలో తీసుకొచ్చింది.

ఇతర ఫీచర్లు:

డిస్ప్లే: 6.78-అంగుళాల AMOLED
ఫ్రంట్ కెమెరా: 50MP
చిప్‌సెట్: మీడియాటెక్ డైమెన్సిటీ 9200+
బ్యాటరీ: 5500mAh
RAM+స్టోరేజ్: 12GB/512GB
ఛార్జింగ్: 80W
వెనక కెమెరా: 200MP+50MP+50MP
OS: ఆండ్రాయిడ్ 14
ధర: రూ.49,999 నుంచి ప్రారంభం.

OnePlus Nord 4: 'వన్ప్లస్ నార్డ్ 4' అనేది AI స్మార్ట్‌ఫోన్. ఇది ఫొటో ఎడిటింగ్కు చాలా బాగా ఉపయోగపడుతుంది. అంతేకాక ఈ ఫోన్లో AI ఎరేజర్ 2.0, AI స్మార్ట్ కటౌట్ 2.0, AI క్లియర్ ఫేస్, AI స్పీక్, AI సమ్మరీ, AI రైటర్, రికార్డింగ్ సమ్మరీ, AI లింక్ బూస్ట్ వంటి ఫీచర్లు ఉన్నాయి.

ఈ మొబైల్లో హైలెట్ ఫీచర్ ఏంటంటే 'AI స్పీక్'. ఇది మనం ఏదైనా వెబ్ పేజ్లోని టెక్స్ట్ను చదవాల్సి వచ్చినప్పుడు మీకు కావాలంటే దాన్ని చదివి వినిపిస్తుంది. అంతేకాక ఈ ఫీచర్ మనకు టెక్ట్స్ను చదివి వినిపిస్తున్న సమయంలో దాని వాయిస్ జెండర్, రీడింగ్ స్పీడ్ రెండింటినీ మార్చుకునే అవకాశం కూడా ఉంటుంది.

'వన్ప్లస్ నార్డ్ 4' స్మార్ట్ఫోన్లో తీసుకొచ్చిన 'AI రైటర్' ఫీచర్.. ఇ-మెయిల్స్, వ్యాసాలు, రివ్యూస్తో పాటు టెక్స్ట్ మెసెజ్లను కూడా క్రియేట్ చేయగలదు. ఈ ఫీచర్ను ఏ టెక్స్ట్ ఫీల్డ్లో అయినా యాక్టివేట్ చేయొచ్చు.

ఇతర ఫీచర్లు:

డిస్ప్లే: 6.74-అంగుళాల AMOLED
ఫ్రంట్ కెమెరా: 16MP
చిప్‌సెట్: స్నాప్‌డ్రాగన్ 7+ Gen 3
బ్యాటరీ: 5500mAh
RAM+ స్టోరేజీ: 8GB/ 256GB
ఛార్జింగ్: 100W
వెనక కెమెరా: 50MP+8MP
OS: ఆండ్రాయిడ్ 14
ధర: రూ.29,999 నుంచి ప్రారంభం.

Oppo Reno 12 5G: మార్కెట్లో AI ఫీచర్లతో అందుబాటులో ఉన్న మిడ్-రేంజ్ స్మార్ట్ఫోన్లలో 'ఒప్పో రెనో 12 ప్రో' ఒకటి. ఇందులో AI స్టూడియో, AI టూల్‌బాక్స్, స్మార్ట్ స్క్రీన్‌షాట్‌లు, AI ఎరేజర్ 2.0, AI పర్ఫెక్ట్ షాట్, AI బెస్ట్ ఫేస్, AI రైటర్, AI క్లియర్ వాయిస్, AI లింక్ బూస్ట్, బెకన్ లింక్ టెక్ వంటి అనేక AI ఫీచర్లు ఉన్నాయి.

వీటిలోని 'AI క్లియర్ వాయిస్' ఫీచర్ని వినియోగించడం ద్వారా మీరు కాల్‌ మాట్లాడుతున్న సమయంలో అవతలి వ్యక్తి వాయిస్‌ని మరింత స్పష్టంగా వినవచ్చు. ఇది కమ్యూనికేషన్ను మరింత మెరుగుపర్చేందుకు బ్యాక్గ్రౌండ్ నాయిస్ను ఫిల్టర్ చేస్తుంది. అంతేకాక ఈ మొబైల్లో మరికొన్ని AI ఫీచర్లు ఉన్నాయి. కానీ అవి ఫోటోగ్రఫీకి సంబంధించిన AI సామర్థ్యాలు కాబట్టి అది కెమెరా సెక్షన్లో పార్ట్ అవుతాయి.

ఇతర ఫీచర్లు: