మార్కెట్లోకి మరో లగ్జరీ ఈవీ.. సింగిల్ ఛార్జ్​తో 473కి.మీ రేంజ్..!

త్వరలో మెర్సిడెస్ బెంజ్ 'G 580 EV' లాంఛ్- ఫీచర్లు చూస్తే ఫిదా..!

Mercedes-Benz G 580 EV:మార్కెట్లోకి మరో లగ్జరీ కారు ఎంట్రీ ఇచ్చేందుకు రెడీగా ఉంది. మెర్సిడెస్-బెంజ్ ఇండియా తన EQ టెక్నాలజీతో 'G 580 EV'ని మార్కెట్లో విడుదల చేయబోతున్నట్లు తెలిపింది. కంపెనీ ఈ కారును 9 జనవరి 2025న భారత మార్కెట్లోకి విడుదల చేయబోతోంది. ఇది సింగిల్ ఛార్జ్‌పై 473 కిమీల రేంజ్​ను అందిస్తుందని కంపెనీ చెబుతోంది. EQ టెక్నాలజీతో ఈ కొత్త 'G 580 EV' అనేది ఐకానిక్ G-క్లాస్ ఆల్-ఎలక్ట్రిక్ వెర్షన్ కారు. ఇది క్వాడ్-మోటార్ ఆల్-వీల్ డ్రైవ్ పవర్‌ట్రెయిన్‌ను కలిగి ఉంది.

డిజైన్ అండ్ ఎక్స్​టీరియర్: స్టాండర్డ్ ఇంటర్నల్ కంబస్టన్ G-క్లాస్ వెర్షన్‌తో పోలిస్తే దీనిలో కొన్ని కాస్మెటిక్ మార్పులు చేశారు. దీని ముందు భాగంలో ఫోర్-స్టాట్​ గ్రిల్​ ఒక క్లోజ్డ్ ప్యానెల్​తో ఇండియాలోకి వస్తుంది. అయితే గ్లోబల్ మార్కెట్​ కస్టమర్లుకు మాత్రం చుట్టూ లైట్లతో EQ-స్టైల్ బ్లాంక్డ్​- అవుట్ గ్రిల్​ అందుబాటులో ఉంటుంది. ​ఎ-పిల్లర్‌తో పాటు క్లాడింగ్‌లో మార్పులతో పాటు బంపర్‌లలో కూడా స్వల్ప మార్పులతో ఇది వస్తుంది.

Mercedes-Benz G 580 EV Front Profile (Photo Credit- Mercedes-Benz)

దీని వెనక భాగంలో ఒక రూఫ్-మౌంటెడ్ స్పాయిలర్, వెనక చక్రాల ఆర్జ్​లపై ఎయిర్ కర్టెన్​ ఉంది. అంతేకాక ఇది స్క్వేర్ స్టోరేజీ బాక్స్​తో రీప్లేసింగ్ బూట్-మౌంటెడ్ స్పేర్ వీల్​ ఉంది. దీనిలో ఛార్జింగ్ కేబుల్స్, టూల్స్​తో పాటు అనేక ఇతర వస్తువులను ఉంచొచ్చు.

Mercedes-Benz G 580 EV Dashboard (Photo Credit- Mercedes-Benz)

ఇంటీరియర్:దీని ఇంటీరియర్ విషయానికొస్తే ICE వెర్షన్ G-క్లాస్‌తో పోలిస్తే ఇందులో పెద్దగా మార్పు లేదు. దాని డ్యాష్‌బోర్డ్‌లో రెండు 12.3 అంగుళాల డిజిటల్ డిస్‌ప్లేలు ఇన్‌స్టాల్ అయి ఉన్నాయి. ICE మోడల్​తో పోలిస్తే దీని డిస్‌ప్లేపై EQ-స్పెసిఫిక్ గ్రాఫిక్స్, ట్రెడిషనల్ థ్రీ-లాక్ట్డ్​ డిఫెరెన్షియల్ స్విచ్​లు ఉన్నాయి. 'ట్యాంక్ టర్న్' ఫీచర్, లో రేంజ్ యాక్టివ్ చేసేందుకు వీటిని రీప్లేస్ చేశారు.

Mercedes-Benz G 580 EV Rear Profile (Photo Credit- Mercedes-Benz)

పవర్‌ట్రెయిన్: ఈ మెర్సిడెస్ బెంజ్ 'G 580 EV'లో క్వాడ్-మోటార్ ఆల్-వీల్-డ్రైవ్ సిస్టమ్ ఉంది. దీని కారణంగా ఇది 579 bhp శక్తిని, 1,164 Nm అద్భుతమైన టార్క్‌ను అందిస్తుంది. దీని మోటార్.. కారుఅండర్ ఫ్లోర్‌లో అమర్చిన 116 kWh బ్యాటరీ ప్యాక్ నుంచి శక్తిని పొందుతుంది.

Mercedes-Benz G 580 EV Rear Seat Interior (Photo Credit- Mercedes-Benz)

ఈ కారును ఒక్కసారి ఛార్జ్ చేస్తే గరిష్టంగా 473 కిలోమీటర్ల రేంజ్‌ను అందజేస్తుందని మెర్సిడెస్ పేర్కొంది. పనితీరు పరంగా.. మెర్సిడెస్ 4.7 సెకన్లలో 0-100 kmph వేగాన్ని అందుకుంటుంది. ఇది 'AMG G 63' కంటే 0.4 సెకన్లు తక్కువ. ఇది కాకుండా దీని టాప్​ స్పీడ్ గంటకు 180 కిలోమీటర్లకు పరిమితం.

Mercedes-Benz G 580 EV Side Profile (Photo Credit- Mercedes-Benz)

ఛార్జింగ్:ఈ ఎలక్ట్రిక్ SUV 11 kW AC ఛార్జింగ్, 200 kW DC ఫాస్ట్ ఛార్జింగ్‌కు సపోర్ట్ చేస్తుంది. ఆఫ్-రోడ్ సామర్థ్యం విషయానికొస్తే.. G 580 EV డిపార్చర్ యాంగిల్స్‌ను కలిగి ఉందని, ఇది వరుసగా 32 డిగ్రీలు, 30.7 డిగ్రీల అప్రోచ్, 35 డిగ్రీల వరకు సైడ్​వార్డ్ స్లోబ్స్​తో డ్రైవ్ చేయగలదని కంపెనీ తెలిపింది. SUV బ్రేక్‌ఓవర్ యాంగిల్ 20.3 డిగ్రీలు, దాని ఫోర్డింగ్ డెప్త్ 850 మిమీ.