Iphone Stolen Device Protection : ఐఫోన్ అంటేనే భద్రతకు మారుపేరు. అందుకే రేటు ఎక్కువగా ఉన్నా సరే ఐఫోన్ను కొనుగోలు చేసేందుకు చాలా మంది ఇష్టపడతారు. అందుకే యాపిల్ కంపెనీ ఐఫోన్ భద్రతను మరింత రెట్టింపు చేస్తూ, ఇటీవలే iOS 17.3 సాఫ్ట్వేర్ అప్డేట్ తీసుకొచ్చింది. ఇందులో 'స్టోలెన్ డివైస్ ప్రొటెక్షన్' ఫీచర్ను కూడా అందుబాటులోకి తెచ్చింది. ఒక వేళ మీ ఐఫోన్ను ఎవరైనా దొంగిలించినా, మీ ఫోన్లోని డేటాను వారు యాక్సెస్ చేయకుండా నిరోధిస్తుంది. ఫలితంగా మీ ప్రైవసీకి ఎలాంటి భంగం కలుగకుండా ఉంటుంది.
పాస్వర్డ్ తెలిసినా ఉపయోగించలేరు
ఐఫోన్లో స్టోలెన్ డివైస్ ప్రొటెక్షన్ ఆన్ చేసుకుంటే, ఐఫోన్ మీ ఇల్లు, కార్యాలయాలను ఎప్పటికప్పుడు ట్రాక్ చేస్తుంటుంది. ఒకవేళ ఎవరైనా మీ ఫోన్ను దొంగిలిస్తే, వాళ్లు దానిని తెరవడానికి ఫేస్ఐడీ లేదా టచ్ ఐడీ స్కాన్ తప్పనిసరి ఉపయోగించాల్సి వస్తుంది. ఒకవేళ వాళ్లకు పాస్వర్డ్ తెలిసినా మీ డేటాను యాక్సెస్ చేయలేరు.
అలాగే దొంగిలించిన వ్యక్తి, మీ యాపిల్ ఐడీని మార్చాలనుకున్పపుడు దాదాపు గంట సేపు వేచి ఉండాల్సి వస్తుంది. ఆ తర్వాత మళ్లీ ఫేస్ ఐడీ, టచ్ ఐడీ ఇవాల్సి ఉంటుంది. దీని వల్ల డేటా యాక్సెస్ చేయటం లేదా పాస్వర్డ్ మార్చటం లాంటివి చేయలేరు.
ఎక్ట్రా వెరిఫికేషన్
మన ఐఫోన్లో కొన్ని సెట్టింగ్స్ మార్చుకోవాలంటే లేదా ఏదైనా డేటాను యాక్సెస్ చేయాలనుకున్నా, ఎక్స్ట్రా వెరిఫికేషన్ అవసరం ఉంటుంది. ఉదాహరణకు సఫారీలో సేవ్ చేసుకున్న పాస్వర్డ్స్, నగదు చెల్లింపులు సమాచారన్ని యాక్సెస్ చేయటం, లాస్ట్ మోడ్ను ఆఫ్ చేయడం, కొత్త యాపిల్ డివైజ్ను సెట్ చేయడానికి ఫోన్ని ఉపయోగించటం, కొత్త యాపిల్ కార్డ్ కోసం దరఖాస్తు చేయటం, అలానే యాపిల్ కార్డ్ నంబర్ను చూడటం లాంటి వాటి కోసం అదనపు వెరిఫికేషన్ అవసరం అవుతుంది. దీని వల్ల యాపిల్ ఐడీ, పాస్వర్డ్ని మార్చుకోవటం లేదా యాపిల్ ఐడీ అకౌంట్ సైన్అవుట్ చేయడం కష్టమవుతుంది. దీంతో మీ ఐఫోన్ దొంగతనానికి గురైనా, డేటా మాత్రం సురక్షితంగా ఉంటుంది.
స్టోలెన్ డివైజ్ ప్రొటెక్షన్ ఎలా ఆన్ చేసుకోవాలి
ఫోన్లో స్టోలెన్ డివైజ్ ప్రొటెక్షన్ ఫీచర్ను ఆన్ చేసుకోవాలంటే, టూ ఫ్యాక్టర్ అథంటికేషన్ను ఆన్ చేసి ఉంచుకోవాలి. తరువాత డివైజ్ పాస్కోడ్ను ఎంటర్ చేయాలి. తరువాత ఫేస్ ఐడీ లేదా టచ్ ఐడీ ఎంటర్ చేయాలి. తరువాత Find Myలోకి వెళ్లి Significant Locations (Location Services)ను ఎనేబుల్ చేసుకోవాలి. తరువాత స్టోలెన్ డివైజ్ ప్రొటెక్షన్ ఆన్ చేసుకోవాలి.
గోల్డెన్ ఛాన్స్ - ఈ పోస్ట్ ఆఫీస్ స్కీమ్లో ఇన్వెస్ట్ చేస్తే మీ డబ్బులు డబుల్!
మీ లైఫ్ స్టైల్కు - ఏ క్రెడిట్ కార్డు మంచిదో తెలుసా?
