మార్కెట్లోకి కొత్త ప్రీమియం బైక్- చూపుతిప్పుకోనివ్వని డిజైన్‌తో అగ్రెసివ్ లుక్!- ధర ఎంతో తెలిస్తే షాకే!

కవాసకి నుంచి అదిరిపోయే బైక్- ధర, ఫీచర్లు ఇవే..!

2025 Kawasaki Ninja ZX-4RR:ప్రీమియం మోటార్‌సైకిల్ తయారీ సంస్థ కవాసకి ఇండియా తన 2025 కవాసకి నింజా ZX-4RRని భారత మార్కెట్లో లాంచ్ చేసింది. ఇంటర్నేషనల్ మార్కెట్లో ఈ బైక్​ను పరిచయం చేసిన కవాసకి వెంటనే దీన్ని ఇండియన్ మార్కెట్లో రిలీజ్ చేసింది. మూడు సరికొత్త కలర్ ఆప్షన్స్​లో కంపెనీ ఈ బైక్​ను తీసుకొచ్చింది. ఈ సందర్భంగా దీని ధర, ఫీచర్లపై పూర్తి వివరాలు తెలుసుకుందాం రండి.

ఇంజిన్: ఈ కొత్త 2024 కవాసకి నింజా ZX-4RR బైక్​లో అదే పాత 399cc, లిక్విడ్-కూల్డ్, ఇన్‌లైన్-ఫోర్ ఇంజిన్​ ఉంటుంది. ఈ ఇంజిన్ 14,500rpm వద్ద 77bhp శక్తిని, 13,000rpm వద్ద 39Nm టార్క్‌ను జనరేట్ చేస్తుంది. రామ్ ఎయిర్‌తో అయితే ఈ పవర్ 14,500rpm వద్ద 80bhpకి చేరుకుంటుంది. పీక్​ టార్క్​ కోసం ఈ ఇంజిన్​ను​ 6-స్పీడ్ గేర్‌బాక్స్‌తో జత చేశారు.

2025 Kawasaki Ninja ZX-4RR (Kawasaki)

స్టైలింగ్: ఈ బైక్ స్టైలింగ్ పరిశీలిస్తే ఇది షార్ప్ ఫెయిరింగ్, ట్విన్-LED హెడ్‌లైట్స్, అప్​స్వెప్ట్​ టెయిల్​తో అగ్రెసివ్ లుక్​లో కన్పిస్తుంది. బాడీవర్క్ కింద హై-టెన్సిల్ స్టీల్ ట్రేల్లిస్ ఫ్రేమ్ ఉంటుంది. దీని సస్పెన్షన్​ను USD ఫోర్క్, బ్యాక్-లింక్ మోనోషాక్ ద్వారా రూపొందిచారు.

ఇతర ఫీచర్లు: ఈ బైక్​లో 17-అంగుళాల చక్రాలు అమర్చారు. బ్రేకింగ్ కోసం ముందు భాగంలో 290 మిమీ డ్యూయల్ డిస్క్ బ్రేక్, వెనక భాగంలో 220 మిమీ డిస్క్ బ్రేక్‌లు అందించారు. ఈ కొత్త 2024 కవాసకి నింజా ZX-4RR మోటార్​సైకిల్ బరువు 189 కిలోలు, గ్రౌండ్ క్లియరెన్స్ 135 మిమీ ఉంటుంది.

2025 Kawasaki Ninja ZX-4RR (Kawasaki)

రైడ్ మోడ్స్:ఈ మోటార్‌సైకిల్‌లో నాలుగు రైడ్ మోడ్స్​ ఉన్నాయి.

• స్పోర్ట్
• రోడ్
• రెయిన్
• కస్టమ్

ఇది ట్రాక్షన్ కంట్రోల్, డ్యూయల్-ఛానల్ ABSతో వస్తుంది. అంతేకాక కలర్ TFT డిస్​ప్లేతో దీని సెట్టింగ్​లను సర్దుబాటు చేసుకోవచ్చు. 2025 కవాసకి నింజా ZX-4RR పరిమిత సంఖ్యలో మాత్రమే అందుబాటులో ఉంటుంది. మార్కెట్లో దీని బుకింగ్స్ ఇప్పటికే ప్రారంభమయ్యాయి.

2025 Kawasaki Ninja ZX-4RR (Kawasaki)

కలర్ ఆప్షన్స్:

• లైమ్ గ్రీన్
• ఎబోనీ
• బ్లిజార్డ్ వైట్

ఈ బైక్ ధర దాని ప్రీవియస్ మోడల్​ కంటే రూ. 32,000 ఎక్కువగా ఉంటుంది. అయితే ఈ కొత్త కలర్ ఆప్షన్స్​ తప్ప.. కొత్త బైక్​లో ఎలాంటి మార్పులూ లేవు.

ధర: కంపెనీ ఈ మోటార్​సైకిల్​ను రూ. 9.42 లక్షల ఎక్స్-షోరూమ్ ధరతో విడుదల చేసింది.