పదో తరగతి విద్యార్థులకు బిగ్ అలర్ట్ - మార్కుల విధానంలో భారీ మార్పులు

పదో తరగతి మార్కుల విధానంలో మార్పులు - ఇకపై 100 మార్కులకు ఎగ్జామ్స్ - ఇంటర్నల్​ మార్కుల విధానం పూర్తిగా రద్దు

Telangana Govt changed Tenth Class Marks System : పదో తరగతిలో గ్రేడ్ పద్ధతిని తొలగిస్తూ పాఠశాల విద్యాశాఖ ఉత్తర్వులు జారీ చేసింది. 2024-25 విద్యా సంవత్సరం నుంచి గ్రేడింగ్ పద్ధతికి బదులుగా ఫలితాలు మార్కుల రూపంలో ఇవ్వనున్నట్టు స్పష్టం చేసింది. ఇక ఇంటర్నల్ మార్క్​ల విధానాన్ని సైతం తొలగిస్తున్నట్టు ఉత్తర్వుల్లో పేర్కొంది. గతంలో పదో తరగతి విద్యార్థులకు 20 ఇంటర్నల్ మార్కులు, 80 మార్కులకు ఫైనల్ పరీక్షలు నిర్వహించే వారు. ఇకపై ఈ ఉద్ధతికి స్వస్తి పలుకుతూ 100 మార్కులకు ఫైనల్ పరీక్షలు నిర్వహించనున్నట్టు స్పష్టం చేసింది.

దీంతో పాటు ఆన్సర్ షీట్​లోనూ మార్పులు చేస్తున్నట్టు పాఠశాల విద్యాశాఖ పేర్కొంది. 24 పేజీల బుక్​ లెట్​ను విద్యార్థులకు అందించనునట్టు పేర్కొంది. ఫిజిక్స్, బయాలజీ సబ్జెక్టులకు 12 పేజీల బుక్ లెట్స్ ఇవ్వనున్నట్టు తెలిపింది. ఈ మేరకు విద్యార్థులకు సమాచారం ఇవ్వాలని జిల్లా విద్యా శాఖ అధికారులు, ప్రిన్సిపళ్లను ఆదేశించింది.