ఆ విద్యుత్ లైన్‌కు మరమ్మతులు చేయాలంటే - ప్రాణాలు ఫణంగా పెట్టాల్సిందే!

కొండను తవ్వేసిన గుర్తుతెలియని వ్యక్తులు - కరెంటు సమస్యలు రిపేర్‌ చేయడానికి ఇబ్బందులు - కొండపైకి అతి కష్టంగా ఎక్కుతున్న విద్యుత్తు సిబ్బంది

Staff Facing Difficulties in Carrying Out Electrical Repairs :అదో కొండ. పైన 33కేవీ విద్యుత్ లైన్ స్తంభం ఉంది. గతంలో ఎలాంటి మరమ్మతులు వచ్చినా చేయడానికి సిబ్బంది కొండపైకి ఎక్కడం సులువుగానే ఉండేది. ఈ మధ్య కాలంలో కొందరు స్వార్థపరులు మొరం కోసం ఇలా కొండను తవ్వేయడంతో సిబ్బందికి కష్టాలు మొదలయ్యాయి.

కొండపైకి అతి కష్టంగా ఎక్కుతున్న విద్యుత్తు సిబ్బంది (ETV Bharat)

పైకి వెళ్లడానికి వీల్లేని దుర్భర స్థితిలో నిచ్చెనను అంచెలంచెలుగా వేసుకుని తాడుతో ఒకరికొకరు సాయం చేసుకుంటూ సాహసం చేయాల్సిన పరిస్థితి వచ్చింది. ఏ మాత్రం పట్టు తప్పినా ప్రమాదమే. ఆదిలాబాద్ జిల్లా నేరడిగొండ మండలం కుప్టి ఘాట్ వద్ద ఉన్న ఈ విద్యుత్ లైన్‌లో జంపర్ చెడిపోయింది. దానికి ఆదివారం మరమ్మతులు చేసేందుకు వెళ్లిన సిబ్బంది, ఇలా అవస్థలు పడి సమస్యను పరిష్కరించారు.