Threatening Phone calls To Pawan kalyan :ఏపీ ఉపముఖ్యమంత్రి పవన్‌కల్యాణ్ను చంపేస్తామని బెదిరింపు ఫోన్ కాల్ రావడం కలకలం సృష్టించింది. మంత్రి పేషీకి ఓ ఆగంతుకుడి నుంచి ఈ బెదిరింపు ఫోన్ కాల్స్ వచ్చినట్లు తెలుస్తోంది. అభ్యంతరకర భాషతో ఆగంతుకుడు హెచ్చరిస్తూ సందేశాలు పంపాడు. వెంటనే అప్రమత్తమైన పేషీ అధికారులు బెదిరింపు కాల్స్, సందేశాలను పవన్కల్యాణ్ దృష్టికి తీసుకెళ్లారు. బెదిరింపు కాల్స్ విషయాన్ని పవన్ కల్యాణ్ పేషీ సిబ్బంది పోలీసులకు తెలిపారు. దీంతో పోలీసులు ముమ్మర దర్యాప్తు చేపట్టారు.
డీజీపీకి హోంమంత్రి అనిత ఫోన్ :డిప్యూటీ సీఎం పవన్కల్యాణ్ పేషీకి బెదిరింపు కాల్స్ వచ్చిన విషయంపై వెంటనే స్పందించిన హోంమంత్రి అనిత డీజీపీ ద్వారక తిరుమలరావుతో ఫోన్లో మాట్లాడి వివరాలను తెలుసుకున్నారు. ఆగంతుకుడి నుంచి పవన్ పేషీకి రెండుసార్లు కాల్స్ వచ్చాయని డీజీపీ ఆమెకు తెలిపారు. ఆగంతుకుడిని వెంటనే పట్టుకుని కఠిన చర్యలు తీసుకోవాలని మంత్రి డీజీపీకి ఆదేశాలు జారీ చేశారు.