ఒక్క క్లిక్​తో "ఇందిరమ్మ ఇళ్ల" స్టేటస్ - ఫోన్​లోనే ఇలా చెక్​ చేసుకోండి!

-ఇందిరమ్మ ఇళ్ల స్టేటస్​ కోసం ప్రభుత్వం కొత్త వెబ్​సైట్​ -జస్ట్​ ఒక్క క్లిక్​తో స్టేటస్​ చెక్​ చేసుకోవచ్చు!

How to Check the Indiramma Indlu Status: ​ఇందిరమ్మ ఇళ్లకు సంబంధించి కీలక అప్​డేట్​ వచ్చింది. ఇందిర‌మ్మ ఇండ్ల కోసం ద‌ర‌ఖాస్తు చేసుకున్న అభ్యర్థులు త‌మ అప్లికేషన్​ స్టేటస్​ ఏ దశలో ఉంది? సర్వే చేశారా లేదా? ఇల్లు మంజూరు అయ్యిందా లేదా? ఏ లిస్ట్​లో వచ్చింది? అనే వివరాలు తెలియక ఆందోళన చెందుతున్నారు. ఈ క్రమంలోనే కేవలం​ ఒక్క క్లిక్​తోనే ఈ వివరాలు తెలుసుకునేందుకు ప్రభుత్వం వెబ్‌సైట్ క్రియేట్ చేసింది. మరి ఆ వెబ్​సైట్​ ద్వారా ఎలా చెక్​ చేసుకోవాలో ఈ స్టోరీలో చూద్దాం.

జనవరి 26వ తేదీన రిపబ్లిక్ డే సందర్భంగా ఇందిరమ్మ ఇళ్ల పథకాన్ని ముఖ్యమంత్రి రేవంత్​ రెడ్డి ప్రారంభించిన సంగతి తెలిసిందే. ఈ పథకం ప్రారంభానికి ముందే అర్హుల జాబితాను ప్రకటించింది. అయితే గ్రామసభల్లో ప్రకటించిన లిస్ట్​లో చాలా మంది పేర్లు రాకపోవటంతో మళ్లీ దరఖాస్తు చేసుకునే అవకాశాన్ని కల్పించింది. ఆన్‌లైన్‌ వేదికగా ఇందిరమ్మ ఇళ్లకు దరఖాస్తు ప్రక్రియ ప్రారంభించగా, క్షేత్రస్థాయిలో సర్వేలు చేసి రిపోర్టులు పంపించగా చాలా మందికి ఇళ్లు మంజూరయ్యాయి. అయితే మంజూరైన విషయం గానీ, ఏ జాబితాలో పేరు ఉందన్న విషయం చాలా మందికి తెలియక ఆందోళన చెందుతున్నారు. ఈ క్రమంలోనే ఇందిర‌మ్మ ఇండ్ల కోసం ద‌ర‌ఖాస్తు చేసుకున్న అభ్యర్థులు వారి స్టేటస్​ చూసుకునేందుకు ప్రభుత్వం వెబ్​సైట్​ క్రియేట్​ చేసింది. ఆధార్ నెంబ‌ర్ లేదా మొబైల్ నంబ‌ర్ లేదా రేష‌న్ కార్డు నెంబర్‌ లేదా అప్లికేషన్ నెంబర్ సాయంతో ఫోన్​లో స్టేటస్ చెక్​ చేసుకోవచ్చు.​

ఎలా చెక్ చేసుకోవాలంటే..

• ముందుగా ఇందిరమ్మ ఇళ్ల అధికారిక వెబ్​సైట్​ ఓపెన్​ చేయాలి. https://indirammaindlu.telangana.gov.in/applicantSearch
• సెర్చ్​ బై ఆధార్‌ నెంబర్/ ఫోన్‌ నెంబర్/ రేషన్‌ కార్డు/ అప్లికేషన్​ నెంబర్‌ సెలెక్ట్​ చేసుకోవాలి.
• నెంబర్‌ ఎంటర్ చేసి Go పై క్లిక్​ చేయగానే ద‌ర‌ఖాస్తుకు సంబంధించిన అన్ని వివ‌రాలు కనిపిస్తాయి.
• ఈ వివరాల్లోనే ఇందిరమ్మ ఇల్లు మంజూరైందా లేదా? ఏ లిస్టులో వచ్చింది? ఏ దశలో ఉంది? ఇలా అన్ని అంశాలు ఉంటాయి.
• ఒకవేళ ద‌ర‌ఖాస్తుదారులకు ఏమైనా అభ్యంత‌రాలు ఉన్నా సరే ఈ వెబ్‌సైట్ ద్వారానే ప్రభుత్వానికి తెలపాల్సి ఉంటుంది.

టోల్​ ఫ్రీ నెంబర్​: ఇందిరమ్మ ఇళ్ల స్కీమ్​కు సంబంధించిన ఫిర్యాదులు, సమస్యలు రిజిస్ట్రర్ చేసుకునేందుకు ప్రభుత్వం టోల్ ఫ్రీ నెంబర్​ను కూడా తీసుకువచ్చింది. సందేహాలు నివృత్తి చేయడం, ఫిర్యాదుల స్వీకరణ కోసం 040-29390057 టోల్ ఫ్రీ నెంబర్​ను ప్రభుత్వం అందుబాటులోకి తీసుకువచ్చింది. ఈ నెంబర్​కు కాల్ చేసి వివరాలు తెలుపొచ్చు.