EAPCET Schedule Release in Telangana: రాష్ట్రంలో ఇంజినీరింగ్‌, అగ్రికల్చర్‌, ఫార్మసీ కోర్సుల్లో ప్రవేశాలకు నిర్వహించే ఈఏపీ సెట్ నిర్వహణకు షెడ్యూల్ విడుదలైంది. ఈ నెల 21న నోటిఫికేషన్ ఇవ్వనున్నట్టు తెలంగాణ ఉన్నత విద్యామండలి(Board of Education), ఈఏపీసెట్ కన్వీనర్ డీన్ కుమార్ ప్రకటించారు. ఈ మేరకు తెలంగాణ ఉన్నత విద్యామండలిలో జరిగిన సమావేశంలో ఉన్నత విద్యామంలి ఛైర్మన్ ప్రొఫెసర్ లింబాద్రి, జేఎన్ టీయూహెచ్ వీసీ కట్టా నర్సింహారెడ్డి, సెట్ కమిటీ ఛైర్మన్ ఎస్ కే మహమూద్, ఈఏపీసెట్ కన్వీనర్ డీన్ కుమార్ సహా పలువురు హాజరయ్యారు.
TS EAPCET Notification 2024 : ఇక ఈ నెల 21న నోటిఫికేషన్ ఇచ్చి, 26 నుంచి ఆన్లైన్ దరఖాస్తులు స్వీకరించనున్నట్టు ఈ సందర్భంగా ప్రకటించారు. ఏప్రిల్ 6వ తేదీ వరకు విద్యార్థులు ఆన్లైన్లో దరఖాస్తు చేసుకోవచ్చని పేర్కొన్న ఈఏపీ సెట్ కన్వీనర్ డీన్ కుమార్(EAPCET Convener Dean Kumar), మే 9వ తేదీ నుంచి 12వ తేదీ వరకు పరీక్షలు నిర్వహించనున్నట్టు ప్రకటించారు.
ఉద్యోగ పరీక్షల ఫలితాల విడుదలపై సర్కార్ కసరత్తు - ఈ నెలలోనే ఆ రిజల్ట్స్!
TS EAMCET 2024 :పీజీఈ సెట్కు సంబంధించిన షెడ్యూల్ను సైతం ఉన్నత విద్యా మండలి ఖరారు చేసింది. మార్చి 12న నోటిఫికేషన్ ఇవ్వనున్నట్టు తెలిపింది. మార్చి 16 నుంచి మే 10వ తేదీ వరకు ఆన్లైన్లో దరఖాస్తు చేసుకోవచ్చని ప్రకటనలో పేర్కొంది. జూన్ 6 నుంచి 9 వరకు పీజీఈసెట్ పరీక్షలు(PGCET Exams) నిర్వహించనున్నట్టు స్పష్టం చేసింది. ఇటీవల ఎంసెట్ పేరును ఈఏపీసెట్గా మార్చిన సంగతి తెలిసిందే.