మీకో ఫన్నీ విషయం చెప్పనా : సెంచరీపై తిలక్ వర్మ

సెంచరీలు సాధించి మ్యాచ్​, సిరీస్ విజయంలో కీలక వ్యవహిరించిన తిలక్ వర్మ, సంజూ శాంసన్ కామెంట్స్​.

IND VS SA Tilak Varma : టీమ్ ఇండియా విజయం సాధించిన నాలుగో టీ20 మ్యాచ్​లో తిలక వర్మ(120; 47 బంతుల్లో 9 ఫోర్లు, 10 సిక్స్‌లు) తన ఆటతీరుపై ఆసక్తికర వ్యాఖ్యలు చేశాడు. గత సిరీస్‌లో తానూ డకౌట్‌ అయిన విషయాన్ని గుర్తు చేసుకున్నాడు.

"తాఫ్రికాపై వరుసగా రెండో శతకం బాదడం సంతోషంగా ఉంది. ఈ సందర్భంగా మీకో ఫన్నీ విషయం చెబుతాను. గత ఏడాది ఇదే వేదిక (జోహెన్నెస్‌బర్గ్‌)గా ఆడిన మ్యాచ్‌లో మొదటి బాల్​కే బంతికే డకౌట్‌ అయ్యాను. మరో ఛాన్స్​ వస్తే నా సత్తా నిరూపించుకోవాలని బలంగా అనుకున్నాను. ఇప్పుడు ఈ సెంచరీతో ఆ లోటు తీరింది. టీమ్ ఇండియా గెలుపొందిన ఇన్నింగ్స్‌లో కీలక పాత్ర పోషించినందుకు చాలా ఆనందంగా ఉంది. గత మ్యాచ్‌లో ఎలాంటి ప్రదర్శన చేశానో, ఇప్పుడు కూడా అవే సూత్రాలకు కట్టుబడి బ్యాటింగ్ చేశాను. కెప్టెన్ సూర్యకుమార్‌కు మరోసారి థ్యాంక్స్​ చెబుతున్నాను. సౌతాఫ్రికాలో కఠిన సవాళ్లు ఉంటాయని తెలుసు. అయితే ఈ సిరీస్‌కు ముందు గాయాల బారిన పడ్డాను. కోలుకొని తిరిగి వచ్చాక స్టేడియంలోకి అడుగు పెట్టేందుకు చాలా కష్టపడ్డాను. అందుకే, ఆ దేవుడి కోసం నా ప్లైయింగ్ కిస్​ సంబరాలను చేసుకున్నాను" అని తిలక్ వెల్లడించారు. కాగా, ఈ సిరీస్​లోని నాలుగు మ్యాచుల్లో తిలక్ 21 ఫోర్లు, 20 సిక్స్‌ల సాయంతో 280 పరుగులు సాధించాడు.