ICC T20I Rankings :అంతర్జాతీయ క్రికెట్ కౌన్సిల్ బుధవారం విడుదల చేసిన టీ20 ర్యాంకింగ్స్లో టీమ్ఇండియా యంగ్ ప్లేయర్లు తిలక్ వర్మ, వరుణ్ చక్రవర్తి సత్తా చాటారు. బ్యాటింగ్ విభాగంలో తిలక్ కెరీర్ బెస్ట్ ర్యాంక్ దక్కించుకున్నాడు. ప్రస్తుతం తిలక్ 832 రేటింగ్ పాయింట్స్తో రెండో స్థానంలో కొనసాగుతున్నాడు. ఆసీస్ స్టార్ బ్యాటర్ ట్రావిస్ హెడ్ (855 రేటింగ్స్) అగ్రస్థానంలో ఉన్నాడు. ఇక పేలవ ఫామ్తో సతమతమౌతున్న టీమ్ఇండియా టీ20 కెప్టెన్ సూర్యకుమార్ యాదవ్ 763 రేటింగ్స్తో 4వ స్థానంలో కొనసాగుతున్నాడు.
టాప్ 5 బ్యాటర్లు
- ట్రావిస్ హెడ్ (ఆస్ట్రేలియా)- 855 రేటింగ్స్
- తిలక్ వర్మ (భారత్)- 832 రేటింగ్స్
- ఫిల్ సాల్ట్ (ఇంగ్లాండ్)- 782 రేటింగ్స్
- సూర్యకుమార్ యాదవ్ (భారత్)- 763 రేటింగ్స్
- జాస్ బట్లర్ (ఇంగ్లాండ్)- 749 రేటింగ్స్
మరోవైపు బౌలింగ్ విభాగంలో మిస్టరీ స్పిన్నర్ వరుణ్ చక్రవర్తి దూసుకొచ్చాడు. ఏకంగా 25 స్థానాలు ఎగబాకి, కెరీర్ బెస్ట్ ర్యాంక్ దక్కించుకున్నాడు. ఇంగ్లాండ్ సిరీస్లో నిలకడగా రాణిస్తున్న వరుణ్ ప్రస్తుతం 679 రేటింగ్స్తో 5వ స్థానంలో నిలిచాడు. భారత్ నుంచి మరో స్పిన్నర్ అక్షర్ పటేల్ 5స్థానాలు మెరుగుపర్చుకున్నాడు. ప్రస్తుతం అక్షర్ 645 రేటింగ్స్తో 11వ స్థానంలో ఉన్నాడు. కాగా, ఇంగ్లాండ్ సీనియర్ స్పిన్నర్ ఆదిల్ రషీద్ మళ్లీ అగ్రస్థానానికి చేరుకున్నాడు. 718 రేటింగ్స్తో రషీద్ టాప్లో కొనసాగుతున్నాడు. మరోవైపు ఇంగ్లాండ్ పేసర్ జోఫ్రా ఆర్చర్ 13స్థానాలు మెరుగుపర్చుకున్నాడు. అతడు 666 రేటింగ్స్తో 6వ ప్లేస్ దక్కించుకున్నాడు.
టాప్ 5 బౌలర్లు
- ఆదిల్ రషీద్ (ఇంగ్లాండ్)- 718 రేటింగ్స్
- ఆకీల్ హొసెన్ (వెస్టిండీస్)- 707 రేటింగ్స్
- వానిందు హసరంగ (శ్రీలంక) - 698 రేటింగ్స్
- ఆడమ్ జంపా (ఆస్ట్రేలియా)- 694 రేటింగ్స్
- వరుణ్ చక్రవర్తి (భారత్) - 679 రేటింగ్స్
