Virat Kohli Ranji Trophy 2025 : టీమ్ఇండియా సీనియర్ బ్యాటర్ విరాట్ కోహ్లీ దాదాపు 13ఏళ్ల తర్వాత రంజీ మ్యాచ్ ఆడనున్నాడు. గురువారం దిల్లీ- రైల్వేస్ మధ్య జరగనున్న మ్యాచ్లో విరాట్ బరిలోకి దిగుతున్నాడు. ఈ మ్యాచ్కు దిల్లీ అరుణ్ జైట్లీ స్టేడియం వేదిక కానుంది. ఈ నేపథ్యంలో తమ అభిమాన స్టార్ను చూసేందుకు విరాట్ ఫ్యాన్స్ భారీగా స్టేడియానికి చేరుకున్నారు. దీంతో అక్కడి వాతావరణం ఇంటర్నేషనల్ మ్యాచ్ను తలపించేలా సందడిగా మారింది.
ఎలాగైన విరాట్ బ్యాటింగ్ చూడాల్సిందేనని వేల సంఖ్యలో అభిమానులు గురువారం ఉదయాన్నే స్టేడియానికి చేరుకున్నారు. సుమారు 2 కిలోమీటర్ల మేర క్యూలో నిల్చున్నారు. 'RCB', 'RCB' నినాదాలుతో అక్కడి పరిసరాలు కోలాహలంగా మారాయి. స్టేడియం గేట్ నెం16 వద్ద అభిమానులు బారులు తీరారు. దీనికి సంబంధించిన వీడియోలు సోషల్ మీడియాలో వైరల్గా మారాయి.
A 2KM long queue outside Arun Jaitley Stadium to watch Virat Kohli. 🤯pic.twitter.com/Yx5w4DlI9H
— Mufaddal Vohra (@mufaddal_vohra) January 30, 2025
విరాట్ ఎఫెక్ట్
ఒక డొమెస్టిక్ మ్యాచ్కు ఇంత భారీ సంఖ్యలో ప్రేక్షకులు స్టేడియానికి రావడం చాలా అరుదు. వేలాది మంది అడియెన్స్ను చూస్తుంటే, ఇంటర్నేషనల్ మ్యాచ్ జరుగుతుందా? అన్న సందేహం కలుగడం పక్కా! అయితే ఇదంతా 'విరాట్ మేనియా' అంటూ ఫ్యాన్స్ సోషల్ మీడియాలో ట్రెండ్ చేస్తున్నారు.
THE LEGACY OF VIRAT KOHLI 🐐 pic.twitter.com/PR5AeddsAP
— Johns. (@CricCrazyJohns) January 30, 2025
ఊహించిన దానికంటే ఎక్కువ
అయితే ఈ మ్యాచ్లు దాదాపు 10వేల మంది వస్తారని దిల్లీ క్రికెట్ అసోసియేషన్ ముందుగా అంచనా వేసింది. కానీ, తెల్లవారుజామునుంచే అభిమానలు స్టేడియానికి క్యూ కట్టారు. దీంతో క్రౌడ్ను స్టేడియం సిబ్బంది కంట్రోల్ చేయలేకపోయింది. అయితే మ్యాచ్కు ఫ్రీ ఎంట్రీ అని ప్రకటించడం వల్ల కూడా ఇంత భారీ క్రౌడ్ హాజరైంది.
'RCB RCB' chants at the Arun Jaitley Stadium in Delhi. 🌟pic.twitter.com/NVzL5pAGlX
— Mufaddal Vohra (@mufaddal_vohra) January 30, 2025
అభిమానులకు గాయాలు! భారీగా అభిమానులు రావడం వల్ల స్టేడియం వద్ద స్వల్ప తోపులాట జరిగింది. ఈ క్రమంలో పలువురు అభిమానులకు స్వల్ప గాయాలైనట్లు తెలుస్తోంది.
దూసుకొచ్చిన అభిమాని
మ్యాచ్ జరుగుతుండగా ఓ అభిమాని సెక్యూరిటీని దాటుకొని మైదానంలో దూసుకొచ్చాడు. విరాట్ కోహ్లీ వద్దకు చేరుకొని తన పాదాలకు మొక్కాడు. వెంటనే అప్రమత్తమైన సిబ్బంది అతడిని బయటకు తీసుకెళ్లింది.
CRAZY CROWD TO WITNESS VIRAT KOHLI. 🤯 pic.twitter.com/nGlJcr7K9x
— Mufaddal Vohra (@mufaddal_vohra) January 30, 2025
రంజీ బరిలో 'విరాట్'- సింగిల్ క్లిక్తో కోహ్లీ డొమెస్టిక్ రికార్డులు తెలుసుకోండి!
12 ఏళ్ల తర్వాత రంజీల్లోకి కోహ్లీ ఎంట్రీ - స్టేడియం వద్ద టైట్ సెక్యూరిటీ - ఆ రెండింటిపై ఫుల్ ఫోకస్!
