Sarfaraz Ahmed Leaves Pakistan:పాకిస్థాన్ క్రికెట్ జట్టు మాజీ కెప్టెన్ సర్ఫరాజ్ అహ్మద్ ఇంగ్లాండ్కు వలస వెళ్లాడు. పాకిస్థాన్ జాతీయ జట్టులో భవిష్యత్ ఉండదన్న ఉద్దేశంతో సర్ఫరాజ్ ఈ నిర్ణయం తీసుకున్నట్లు తెలుస్తోంది. ఈ నేపథ్యంలో తాజాగా కరాచి నుంచి ఫ్యామిలీతో సహా సర్ఫరాజ్ లండన్కు మకాం మర్చాడు. అయితే పాకిస్థాన్ క్రికెట్ జట్టుతో సత్సంబంధాలు కొనసాగిస్తూనే పీఎస్ఎల్ (PSL) సీజన్ 9లో ఆడనున్నట్లు సమాచారం. కాగా, పీఎస్ఎల్లో సర్ఫరాజ్ క్వాట్టా గ్లాడియేటర్స్ జట్టుకు ప్రాతినిధ్యం వహిస్తున్నాడు.
Sarfaraz International Career:36 ఏళ్ల సర్ఫరాజ్ రీసెంట్గా టెస్టు సిరీస్ కోసం ఆస్ట్రేలియా పర్యటనకు వెళ్లాడు. పెర్త్ వేదికగా జరిగిన తొలి టెస్టు మ్యాచ్లో సర్ఫరాజ్ బరిలో దిగాడు. ఈ మ్యాచ్లో కేవలం ఏడు పరుగులే చేశాడు. దీంతో అతడి స్థానాన్ని జట్టు మేనేజ్మెంట్ మహ్మద్ రిజ్వాన్తో రిప్లేస్ చేసింది. ఇక 2007లో అంతర్జాతీయ అరంగేట్రం చేసిన సర్ఫరాజ్, కెరీర్లో 54 టెస్టులు, 117 వన్డేలు, 63 టీ20 మ్యాచ్ల్లో పాకిస్థాన్ జట్టుకు ప్రాతినిధ్యం వహించాడు. టెస్టుల్లో 3031 , వన్డేల్లో 2315 , టీ20ల్లో 818 పరుగులు చేశాడు. అందులో టెస్టు (4), వన్డే (2)ల్లో కలిపి 6 సెంచరీలు ఉన్నాయి. 2006లో అండర్- 19 టోర్నీలో పాక్కు నాయకత్వం వహించిన సర్ఫరాజ్ జట్టుకు టైటిల్ అందించాడు.
Sarfaraz Captaincy:2017 ఛాంపియన్స్ ట్రోఫీలో పాకిస్థాన్కు కెప్టెన్గా వ్యవహరించాడు. ఈ టోర్నమెంట్లో సర్ఫరాజ్ పాక్ను విజేతగా నిలిపాడు. ఫైనల్లో పాకిస్థాన్, భారత్పై 180 పరుగుల తేడాతో నెగ్గింది. ఇక టీ20ల్లోనూ కెప్టెన్గా సర్ఫరాజ్ మంచి రికార్డు ఉంది. 37 మ్యాచ్ల్లో 29 సార్లు జట్టును గెలిపించిన కెప్టెన్గా నిలిచాడు.