Neeraj Chopra New Coach : భారత స్టార్ జావెలిన్ త్రో ప్లేయర్ నీరజ్ చోప్రా శనివారం తన కొత్త కోచ్ పేరును వెల్లడించారు. ప్రముఖ జావెలిన్ లెజెండ్ జాన్ జెలెజ్నీ వద్ద శిక్షణ తీసుకోనున్నట్లు తెలిపారు. తన కెరీర్‌లోని ఓ ఉత్తేజకరమైన కొత్త అధ్యాయాన్ని ప్రారంభిస్తున్నట్లు పేర్కొన్నారు.
ఇక జాన్ జెలెజ్నీ కెరీర్ విషయానికి వస్తే, 1992, 1996 , 2000 ఒలింపిక్ క్రీడల్లో పసిడి పతకాన్ని ముద్దాడిన ఈ స్టార్ అథ్లెట్, ఆల్టైమ్ టాప్ 10 బెస్ట్ త్రోలలో ఐదు రికార్డులను తన ఖాతాలో వేసుకున్నాడు. అంతేకాకుండా నాలుగు సార్లు ప్రపంచ రికార్డును బ్రేక్ చేసిన ఘనత కూడా ఈయన సొంతం. 1996లో జర్మనీ వేదికగా జరిగిన ఓ ఈవెంట్లో 98.48 మీటర్లను బల్లెం విసిరి వరల్డ్ రికార్డు సృష్టించాడు. ఇప్పటి వరకు ఎవరూ దాన్ని బద్దలు కొట్టకపోవడం గమనార్హం.
Neeraj Chopra on his new coach Jan Zelezny ⚡
— The Khel India (@TheKhelIndia) November 9, 2024
Zelezny is World Record Holder (98.48m throw)
- Three times Gold Medalists at the Olympics 🏅
- Three times World Champion 🏅pic.twitter.com/lLKaabNUGZ
ఇదిలా ఉండగా, టోక్యో 2020 ఒలింపిక్స్‌లో నీరజ్ గోల్డ్ మెడల్ సాధించాడు. ఆ తర్వాత జాకుబ్ వాడ్లెజ్ రజత పతకాన్ని, విటెజ్‌స్లావ్ వెసెలీ కాంస్యాన్ని సొంతం చేసుకున్నారు. ఈ ఇద్దరికీ కోచ్గా జాన్ జెలెజ్నీ వ్యవహరించారు. ఇక రెండుసార్లు ఒలింపిక్ ఛాంపియన్ , మూడుసార్లు ప్రపంచ ఛాంపియన్గా నిలిచిన బార్బోరా స్పాటకోవాకు కూడా జాన్ జెలెజ్నీ శిక్షణ ఇచ్చారు.
పాత కోచ్కు నీరజ్ ఎమోషనల్ ఫేర్వెల్
అయితే నీరజ్ మాజీ కోచ్ బార్టోనీజ్‌ కుటుంబ కారణాల వల్ల తన కోచింగ్ కెరీర్కు ముగింపు పలికాడు. ఈ నేపథ్యంలో నీరజ్ ఎమోషనలయ్యాడు. సోషల్ మీడియాలో తన కోచ్ కోసం ఓ స్పెషల్ వీడియో షేర్ చేశాడు. నాకు మీరు గురువు కన్నా ఎక్కువ. ఓ ఆటగాడిగా, వ్యక్తిగా ఎదగడానికి మీరు నాకు ఎంతో నేర్పించారు. అంటూ భావోద్వేగానికి గురయ్యాడు.
కాగా, జర్మనీకి చెందిన 75ఏళ్ల బార్టోనిట్జ్ గత ఐదేళ్లుగా నీరజ్కు శిక్షణ ఇస్తున్నారు. తొలుత బయోమెకానిక్స్ నిపుణుడుగా వచ్చిన బార్టోనిట్జ్, ఆ తర్వాత కోచ్గా నియామకమయ్యాడు. బార్టోనిట్జ్ ఆధ్వర్యంలోనే నీరజ్ తన కెరీర్లో ఉన్నత స్థాయికి చేరుకున్నాడు. టోక్యో ఒలింపిక్స్ (2020) లో స్వర్ణం, అలాగే పారిస్ ఒలింపిక్స్ (2024) లో సిల్వర్ మెడల్ సాధించాడు.
