How to Make Bengali Chicken Curry : చాలా మందికి చికెన్ అంటే ఎంతో ఇష్టం. అయితే.. చికెన్తో ఎప్పుడూ ఓకేలా కాకుండా వెరైటీ కోరుకునే వారి కోసం సూపర్ రెసిపీ తీసుకొచ్చాం. అదే బెంగాలీ స్టైల్ చికెన్ కర్రీ. ఈ స్టోరీలో చెప్పిన విధంగా చికెన్ కర్రీ వండితే రుచి అద్దిరిపోతుంది. మరి ఇక ఆలస్యం చేయకుండా బెంగాలీ స్టైల్ చికెన్ కర్రీ ఎలా వండాలో ఓ లుక్కేయండి.
కావాల్సిన పదార్థాలు :
- చికెన్ - అర కేజీ
- అల్లం వెల్లుల్లి పేస్ట్ - టేబుల్స్పూన్
- పెరుగు - 2 టేబుల్స్పూన్లు
- బంగాళా దుంపలు-3
- ఉల్లిపాయలు-3
- పసుపు-పావు టీస్పూన్
- కారం-3 టేబుల్స్పూన్లు
- ఆవాల నూనె-4 టేబుల్స్పూన్లు
- ఉప్పు - రుచికి సరిపడా
- గరం మసాలా - టీస్పూన్
- జీలకర్ర పొడి- అరటీస్పూన్
- పంచదార- అరటీస్పూన్
- బిర్యానీ ఆకులు-2
- లవంగాలు-4
- యాలకులు-4
- దాల్చిన చెక్క-1
- నీరు సరిపడా
తయారీ విధానం :
- ముందుగా బంగాళదుంపలపైన చెక్కు తీసుకుని శుభ్రంగా కడగాలి. తర్వాత వీటిని కాస్త పెద్ద ముక్కలుగా కట్ చేసుకోవాలి.
- అలాగే ఉల్లిపాయలను సన్నగా కట్ చేయాలి. ఇందులో కొన్ని మిక్సీ గిన్నెలో వేసి మెత్తగా పేస్ట్ చేసుకోవాలి.
- ఇప్పుడు చికెన్ మ్యారినేట్ చేయడం కోసం ఒక మిక్సింగ్ బౌల్ తీసుకోండి. ఇందులో చికెన్ వేయండి. తర్వాత పసుపు, కొద్దిగా కారం, రుచికి సరిపడా ఉప్పు, ఉల్లిపాయ పేస్ట్, అల్లం వెల్లుల్లి పేస్ట్, కొద్దిగా ఆవాల నూనె వేసి బాగా మిక్స్ చేయండి. ఈ మిశ్రమాన్ని గంటపాటు అలా వదిలేయండి.
- తర్వాత స్టౌపై పాన్ పెట్టండి. ఇందులో ఆవాల నూనె వేసి వేడి చేయండి. (మీకు అచ్చం బెంగాలీ స్టైల్ చికెన్ కూర రుచి రావాలంటే.. ఆవాల నూనె మాత్రమే యూజ్ చేయాలి.)
- నూనె వేడయ్యాక కట్ చేసిన పొటాటో ముక్కలు వేయండి. ఇందులో కొద్దిగా ఉప్పు, పసుపు వేసి 5 నిమిషాలు వేయించి ప్లేట్లోకి తీసుకోండి.
- ఇప్పుడు అదే నూనెలో బిర్యానీ ఆకులు, లవంగాలు, యాలకులు, దాల్చిన చెక్క వేయండి. తర్వాత ఉల్లిపాయ ముక్కలు వేసి ఫ్రై చేయండి.
- అలాగే కొద్దిగా చక్కెర వేయండి. ఉల్లిపాయలు వేగిన తర్వాత పసుపు, కారం, జీలకర్ర పొడి వేసి మిక్స్ చేయండి. కొన్ని నీళ్లు పోసి మసాలా మిశ్రమం చిక్కగా మారిన తర్వాత.. మ్యారినేట్ చేసుకున్న చికెన్ వేసి కలపండి.
- ఇప్పుడు గిన్నెపై మూతపెట్టి 5 నిమిషాలు మగ్గించుకోండి. తర్వాత పెరుగు వేసి మిక్స్ చేయండి. అలాగే ఫ్రై చేసుకున్న బంగాళదుంపలు వేసి కలపండి.
- తర్వాత గ్లాసు నీళ్లు పోసి కలిపి మూత పెట్టండి.
- ఇప్పుడు మీడియం ఫ్లేమ్లో కర్రీ పైన నూనె తేలెంత వరకు ఉడికించుకోండి.
- ఆయిల్ సేపరెట్ అయిన తర్వాత గరం మసాలా వేసి మిక్స్ చేయండి. ఒక రెండు నిమిషాల తర్వాత స్టౌ ఆఫ్ చేసుకుంటే సరిపోతుంది.
- ఘుమఘుమలాడే రుచికరమైన బెంగాలీ స్టైల్ చికెన్ కర్రీ రెడీ.
ఇవి కూడా చదవండి :
సూపర్ టేస్ట్తో బిహారీ స్టైల్ "స్పైసీ చికెన్ మసాలా కర్రీ" - ఇలా చేశారంటే ఒక్క ముక్క మిగలదు!
తమిళనాడు స్టైల్ "చికెన్ చింతామణి" రెసిపీ - ఈ సండే విందు అద్దిరిపోతుంది!
