Nani Paradise Movie : నేచురల్ స్టార్ నాని- దర్శకుడు శ్రీకాంత్ ఓదెల కాంబోలో తెరకెక్కుతున్న లేటెస్ట్ సినిమా 'ది పారడైజ్'. ఫుల్ మాస్ యాక్షన్ ఎంటర్టైనర్గా ఇది రూపొందుతుంది. తాజాగా మేకర్స్ అప్డేట్ ఇచ్చారు. ముందునుంచి ప్రచారం సాగుతున్నట్లుగానే ఈ సినిమాకు అనిరుధ్ రవిచందర్ సంగీతం అందించనున్నారని మేకర్స్ అనౌన్స్ చేశారు. ఈ మేరకు మ్యూజిక్ డైరెక్టర్ను ఫిక్స్ చేస్తూ ఓ పోస్టర్ రిలీజ్ చేశారు.
కాగా, ఫీమేల్ లీడ్ కోసం కూడా మేకర్స్ భారీ స్థాయిలోనే ప్లాన్ చేస్తున్నారు. బాలీవుడ్ హీరోయిన్ను ఎంపికచేయనున్నారని తెలుస్తోంది. ఈ సినిమా కోసం బాలీవుడ్ హీరోయిన్లు జాన్వీ కపూర్, శ్రద్ధా కపూర్ను మేకర్స్ సంప్రదించినట్లు టాక్ నడుస్తోంది. ఎస్‌ ఎల్ వీ సినిమాస్‌ పతాకంపై సుధాకర్‌ చెరుకూరి ఈ సినిమాను నిర్మిస్తున్నారు. నాని కెరీర్లో ఇది అత్యంత భారీ బడ్జెట్ సినిమాగా రూపొందనుందని టాక్.
We are on our hattrick :)
— Nani (@NameisNani) February 2, 2025
This will be Epic.#Paradise is N’Ani’Odela Film Now.
Welcome on board dear @anirudhofficial ♥️ pic.twitter.com/rxlJeX5ol7
రెండో సినిమా
నాని- శ్రీకాంత్ కాంబోలో ఇది రెండో సినిమా. వీరిద్దరి కాంబోలో 2023లో వచ్చిన 'దసరా' బాక్సాఫీస్ వద్ద భారీ విజయం అందుకుంది. ఈ సినిమాతో నాని రూ.100 కోట్ల క్లబ్లో చేరిపోయారు. కీర్తిసురేశ్‌, దీక్షిత్‌ శెట్టి ప్రధాన పాత్రల్లో కనిపించారు. ఈ సినిమా నాని కెరీర్ లోనే బిగ్గెస్ట్‌ హిట్‌గా నిలిచింది. తెలంగాణలోని సింగ‌రేణి స‌మీపంలో వీర్లపల్లి అనే ప్రాంతం చుట్టూ నడిచే కథ ఇంది. ప్రస్తుతం ఈ చిత్రం ఓటీటీ ప్లాట్ ఫామ్ 'నెట్‌ ఫ్లిక్స్‌'లో స్ట్రీమింగ్‌ అవుతోంది.
