Ruturaj Gaikwad CSK :చెన్నై సూపర్ కింగ్స్ కెప్టెన్ రుతురాజ్ గైక్వాడ్ తాజాగా ఓ అరుదైన రికార్డును సాధించారు. చిదంబరం స్టేడియం వేదికగా సోమవారం కోల్కతా నైట్రైడర్స్తో జరిగిన మ్యాచ్లో హాఫ్ సెంచరీ నమోదు చేసిన ఈ యంగ్ క్రికెటర్ తద్వారా గత ఐదు ఏళ్లలో హాఫ్ సెంచరీ చేసిన తొలి చెన్నై సూపర్ కింగ్స్ కెప్టెన్గా చరిత్రకెక్కాడు. అంతే కాకుండా ఈ సీజన్‌లో రుతురాజ్ గైక్వాడ్‌కు ఇదే తొలి హాఫ్ సెంచరీ కావడం విశేషం.
గత సీజన్ వరకు చెన్నై సారథిగా ఉన్న ధోనీ కెప్టెన్గా తన చివరి హాఫ్ సెంచరీని 2019లో నమోదు చేశాడు. ఆ సీజన్‌లో అతడు మూడు హాఫ్ సెంచరీలు బాదాడు. ఆ తర్వాత నుంచి గత ఐదేళ్లుగా ఈ స్టార్ క్రికెటర్ కెప్టెన్గా ఒక్క హాఫ్ సెంచరీ కూడా కొట్టలేదు. దీంతో ఇప్పుడు ఈ రికార్డు రుతురాజ్ను వరించింది.
ఇక మ్యాచ్ విషయానికి వస్తే - రెండు వరుస ఓటముల తర్వాత చెన్నై సూపర్ కింగ్స్ మళ్లీ గెలుపు బాట పట్టింది. తాజాగా జరిగిన మ్యాచ్లో కోల్కతా జట్టుపై 7 వికెట్ల తేడాతో నెగ్గింది. కేకేఆర్ జట్టు నిర్దేశించిన 138 పరుగుల టార్గెట్ను చెన్నై జట్టు 3 వికెట్లు కోల్పోయి 17.4 ఓవర్లలో ఛేదించింది. కెప్టెన్, ఓపెనర్ రుతురాజ్ గైక్వాడ్ (67*) హాఫ్ సెంచరీతో అదరగొట్టగా, చివరిలో వచ్చిన శివమ్ దూబే (28) రాణించాడు. మరోవైపు కేకేఆర్ బౌలర్లలో వైభవ్ అరోరా 2, సునీల్ నరైన్ 1 వికెట్ దక్కించుకున్నారు.