Virat IPL Records:2024 ఐపీఎల్లో రాయల్ ఛాలెంజర్స్ బెంగళూరు ప్లేఆఫ్స్లోకి దూసుకెళ్లింది. బెంగళూరు చిన్నస్వామి స్టేడియం వేదికగా శనివారం చెన్నైతో జరిగిన మ్యాచ్లో ఆర్సీబీ 27 పరుగుల తేడాతో నెగ్గింది. ఈ దీంతో టోర్నీలో ఇరుజట్లు 7 విజయాలతో ఉన్నప్పటికీ చెన్నై (+0.392) కంటే ఆర్సీబీ (+0.459)రన్రేట్ ఎక్కువగా ఉండడం వల్ల బెంగళూరు నాకౌట్కు అర్హత సాధించింది.
అయితే ఈ సీజన్లో ఆర్సీబీ విజయాల్లో విరాట్ కీలక పాత్ర పోషిస్తున్నాడు. ప్రస్తుత సీజన్లో 14మ్యాచుల్లో 708 పరుగులు చేశాడు. ఈ క్రమంలోనే విరాట్ అరుదైన ఘనత సాధించాడు. ఐపీఎల్ చరిత్రలో రెండుసార్లు 700+ పరుగులు చేసిన తొలి భారత బ్యాటర్గా రికార్డు సృష్టించాడు. విరాట్ ఇదివరకు 2016 ఎడిషన్లో 974 పరుగులు చేశాడు.
ఈ మ్యాచ్లో నమోదైన పలు రికార్డులు
- ఈ ఐపీఎల్ సీజన్లో ఆర్సీబీ వరుసగా 6మ్యాచ్ల్లో విజయం సాధించింది. ఓ ఎడిషన్లో వరుసగా 5+ విజయాలు సాధించడం ఆర్సీబీకి ఇది నాలుగోసారి. గతంలో 2011 (7 విజయాలు), 2009లో (5 విజయాలు), 2016లో (5 విజయాలు) ఈ ఫీట్ నమోదు చేసింది. ఇందులో ప్రతిసారీ ఆర్సీబీ రన్నరప్గా నిలవడం విశేషం.
- ఒకే ఐపీఎల్లో వరుసగా 6 మ్యాచ్ల్లో ఓటమి, వరుసగా 6మ్యాచ్ల్లో విజయం నమోదు చేయడం కూడా ఇదే తొలిసారి. ఇది కూడా ఆర్సీబీకే దక్కింది.
- ఐపీఎల్లో ఒకే వేదికపై అత్యధిక పరుగులు సాధించిన ప్లేయర్గా కూడా విరాట్ రికార్డు కొట్టాడు. ఐపీఎల్ చరిత్రలో విరాట్ బెంగళూరు చిన్నస్వామి స్టేడియంలో 3040 పరుగులు నమోదు చేశాడు. సింగిల్ స్టేడియంలో అత్యధిక పరుగులు చేసిన బ్యాటర్ విరాటే. ఈ లిస్ట్లో ముంబయి స్టార్ బ్యాటర్ రోహిత్ శర్మ 2295 పరుగులతో రెండో స్థానంలో ఉన్నాడు.
- ఈ సీజన్లో 708 పరుగులు చేసిన కోహ్లీ స్ట్రైక్‌రేట్‌ 155.60. ఇప్పటి వరకు ఐపీఎల్లో అత్యధిక స్ట్రైక్‌రేట్‌ ఇదే.
- విరాట్ ఈ సీజన్లో అత్యధిక సిక్స్లు బాదిన బ్యాటర్గా నిలిచాడు. ఇప్పటివరకు 37 సిక్స్లు బాదాడు. సన్రైజర్స్ బ్యాటర్ ట్రావిస్ హెడ్ (36 సిక్స్లు) రెండో స్థానంలో ఉన్నాడు.
'విరాట్ మళ్లీ కెప్టెన్ అవ్వాలి- ధోనీలా ఇంపాక్ట్ చూపిస్తాడు!' - IPL 2024
అంపైర్పై కోహ్లీ మళ్లీ ఫైర్ - ఈ సారి ఏం జరిగిందంటే? - IPL 2024
