Virat Kohli London Plans : టీమ్ఇండియా స్టార్ క్రికెటర్ విరాట్ కోహ్లీ త్వరలో తన కుటుంబంతో కలిసి లండన్లో స్థిరపడాలనే ప్లాన్లో ఉన్నట్లు తెలుస్తోంది. తాజాగా ఈ విషయం గురించి కోహ్లీ చిన్ననాటి కోచ్ రాజ్కుమార్ శర్మ మాట్లాడారు. ఇటీవలె ఓ నేషనల్ మీడియాకు ఇచ్చిన ఇంటర్వ్యూలో ఆయన ఈ విషయాన్ని తెలిపారు.
"అవును, విరాట్ తన పిల్లలు అలాగే భార్య అనుష్క శర్మతో కలిసి లండన్లో సెటిల్ అవ్వాలనే ప్లాన్లో ఉన్నాడు. త్వరలో భారత్ వదిలి షిప్ట్ కానున్నాడు. అయితే, ప్రస్తుతం కోహ్లీ క్రికెట్‌తో పాటు కుటుంబంతో ఎక్కువ సమయం గడుపుతున్నాడు." అని రాజ్ కుమార్ వెల్లడించారు.
ఇప్పటికే కోహ్లీ ఫ్యామిలీ లండన్లో ఉన్న సంగతి తెలిసిందే. తన కుమారుడు అకాయ్ పుట్టిన తర్వాత నుంచి అనుష్క అలాగే కుమార్తె వామిక అక్కడే ఉన్నారు. అప్పుడప్పుడు విరాట్ వారితో టైమ్ స్పెండ్ చేసేందుకు లండన్కు వెళ్తుంటాడు.2024 టీ20 ప్రపంచ కప్ తర్వాత కూడా ఫ్యామిలీని కలిసేందుకు కోహ్లీ యూకేకు వెళ్లాడు. ఇదిలా ఉండగా, కొన్ని క్రికెట్ వర్గాల నివేదికల ప్రకారం విరాట్కు అక్కడ ఆస్తులు కూడా ఉన్నాయని తెలుస్తోంది.
2027 ప్రపంచ కప్ ఆడతాడు
మరోవైపు 2027 వన్డే ప్రపంచకప్ వరకు కోహ్లీ తన క్రికెట్ కెరీర్ను కొనసాగిస్తాడని రాజ్కుమార్ పేర్కొన్నారు. "విరాట్ కోహ్లీ తన కెరీర్‌లో అత్యుత్తమ క్రికెట్‌ను ఆడుతున్నాడు. అయితే ఆస్ట్రేలియాపై కూడా మొదటి టెస్టులో సెంచరీ చేశాడు. దీంతో రాబోయే రెండు మ్యాచ్‌లలో అతను మరో రెండు సెంచరీలు చేస్తాడన్న నమ్మకం నాకు ఉంది. అతడు ఎల్లప్పుడూ తన ఆటను ఆస్వాదిస్తాడు. ఒక ఆటగాడు తన ఆటను ఆస్వాదిస్తే మరింత అత్యుత్తమంగా ఆడగవడు. కోహ్లీ ఫామ్ గురించి ఎవ్వరూ ఆందోళన చెందాల్సిన అవసరం లేదు. క్లిష్ట పరిస్థితుల్లో ఏ రకంగా బ్యాటింగ్ చేయాలో, జట్టును ఎలా గెలిపించాలో అతడికి బాగా తెలుసు. విరాట్ ఇంకా చాలా ఫిట్‌గా ఉన్నాడు. రిటైర్ అయ్యేంత వయస్సు కూడా లేదు. అందుకే ఇంకో ఐదేళ్ల పాటు క్రికెట్ ఆడతాడని నేను గట్టిగా నమ్ముతున్నాను. 2027 ప్రపంచకప్‌లో కూడా విరాట్ ఆడతాడు." అని కోచ్ ధీమా వ్యక్తం చేశాడు.
ఇక కెరీర్ విషయానికొస్తే ఆస్ట్రేలియా టూర్లో విరాట్ ఆశించిన స్థాయిలో పెర్ఫామెన్స్ చేయలేకపోయాడు. పెర్త్‌ వేదికగా జరిగిన తొలి టెస్టులో సెంచరీ స్కోర్ చేసినప్పటికీ ఆ తర్వాతి రెండు మ్యాచ్‌ల్లో ఘోరంగా విఫలమయ్యాడు. అయితే మెల్‌బోర్న్, సిడ్నీలలో కోహ్లి కచ్చితంగా రాణిస్తాడని కెప్టెన్ రోహిత్‌ శర్మ ఆశాభావం వ్యక్తం చేశాడు.
మహిళా జర్నలిస్ట్తో కోహ్లీ వాగ్వాదం! - ఎందుకంటే?
అశ్విన్ రిటైర్మెంట్తో విరాట్ ఎమోషనల్ పోస్ట్- ఆ రోజులన్నీ గుర్తొచ్చాయట!
