PKBS vs RR IPL 2024 :ఐపీఎల్లో సీజన్ 17లో భాగంగా శనివారం జరిగిన పోరులో రాజస్థాన్ రాయల్స్దే పై చేయిగా నిలిచింది. నిర్దిష్ట ఓవర్లలో ఆ జట్టు 3 వికెట్ల తేడాతో పంజాబ్ కింగ్స్‌పై గెలిచింది. కేశవ్ మహరాజ్ (2/23), అవేష్ ఖాన్ (2/34), బౌల్ట్ (1/22) కట్టుదిట్టంగా బౌలింగ్‌ చేయడం వల్ల తొలుత పంజాబ్ 147/8కే పరిమితమైంది. అశుతోష్‌ (31); టాప్ స్కోరర్గా నిలిచాడు. ఇక స్వల్ప లక్ష్యాన్ని రాజస్థాన్ 19.5 ఓవర్లలో 7 వికెట్లు కోల్పోయి ఛేదించింది. యశస్వి జైస్వాల్ (39); టాప్ స్కోరర్గా నిలవగా, ఆఖర్లో హెట్‌మయర్‌ (27*) అత్యంత కీలక ఇన్నింగ్స్‌ ఆడాడు.
అంతకుముందు బ్యాటింగ్ చేసిన పంజాబ్ నిర్ణీత 20 ఓవర్లలో 8 వికెట్ల నష్టానికి 147 పరుగులు చేసింది. ఓపెనర్లు అథర్వ టైడే (15 పరుగులు), జానీ బెయిర్ స్టో (15 పరుగులు) విఫలమయ్యారు. వన్డౌన్లో వచ్చిన ప్రభ్సిమ్రన్ సింగ్ (10), శామ్ కర్రన్ (6), శశాంక్ సింగ్ (9) కూడా చెప్పుకోదగ్గ స్కోర్లు నమోదు చేయలేదు. జితేశ్ శర్మ (29 పరుగులు), లివింగ్స్టోన్ (21 పరుగులు) ఫర్వాలేదనిపించారు. చివర్లో అశుతోశ్ శర్మ (31 పరుగులు, 16 బంతుల్లో) రాణించడం వల్ల పంజాబ్ ఆ మాత్రమ స్కోరైనా చేయగలిగింది. ఇక రాజస్థాన్ బౌలర్లలో కేశవ్ మహారాజ్ 2, ఆవేశ్ ఖాన్ 2, ట్రెంట్ బోల్ట్, కుల్దీప్ సేన్, యుజ్వేంద్ర చాహల్ తలో వికెట్ దక్కించుకున్నారు.
రాజస్థాన్ రాయల్స్ (తుది జట్టు): సంజు శాంసన్ (వికెట్ కీపర్), రియాన్ పరాగ్, ధ్రువ్ జురెల్, షిమ్రాన్ హెట్మెయర్, రోవ్‌మన్ పావెల్, తనుష్ కొటియన్, కేశవ్ మహరాజ్, ట్రెంట్ బౌల్ట్, అవేష్ ఖాన్, కుల్దీప్ సేన్, యుజ్వేంద్ర చాహల్