Mumbai Indians IPL 2024 : ఐపీఎల్ 17 సీజన్లో ముంబయి ఇండియన్స్ ఆటతీరు అంతంతమాత్రంగా ఉంది. సీనియర్ ప్లేయర్లు, దూకుడుగా ఆడే యంగ్స్టర్స్ అంతా కూడా ఈ సీజన్లో పేలవ ఫామ్ను కనబరుస్తున్నారు. సోమవారం రాజస్థాన్తో జరిగిన మ్యాచ్లోనూ ఈ జట్టు గట్టు ఎక్కలేకపోయింది. నిర్ణీత 20 ఓవర్లలో తొలుత బ్యాటింగ్ చేసిన ముంబయి 9 వికెట్ల నష్టానికి 179 పరుగులు చేసింది. అయితే ఇదే లక్ష్యాన్ని రాజస్థాన్ ఒకే వికెట్ కోల్పోయి 18.4 ఓవర్లలో ఛేదించింది.
ఇదిలా ఉండగా, ఈ తాజాగా ఓటమి వల్ల ప్లే ఆఫ్స్లో తమ అవకాశాలను మరింత క్లిష్టం చేసుకుంది ముంబయి జట్టు. ఇప్పటివరకు ఎనిమిది మ్యాచ్లు ఆడిన హార్దిక్ సేన అందులో మూడింట మాత్రమే గెలుపొందింది. పాయింట్స్ టేబుల్‌లో ఏడో స్థానంతో సరిపెట్టుకుంది.
అయితే ఈ సీజన్లో ముంబయి మరో 6 మ్యాచ్‌లే ఆడాల్సి ఉంది. దీంతో ప్లే ఆఫ్స్ చేరాలంటే ఈ ఆరు మ్యాచ్‌ల ఆ జట్టుకు కీలకం కానుంది. అన్నింటిలోనూ గెలవాల్సిందే. ఒక్క మ్యాచ్లో ఓడినా కూడా రన్‌రేట్లో మార్పులు వచ్చే అవకాశాలు ఉన్నాయి. కానీ ప్లేఆఫ్స్ ఛాన్స్ ఉంది. కానీ రెండింట్లో ఓడితే మాత్రం ఇక ప్లేఆఫ్స్ ఆశలు వదులుకోవాల్సిందే.