KKR VS SRH IPL 2024 :ఐపీఎల్‌ 17వ సీజన్లో భాగంగా శనివారం జరిగిన హోరాహోరీ మ్యాచ్లో సన్రైజర్స్ హైదరాబాద్పై కోల్కతా నైట్ రైడర్స్ విజయం సాధించింది. హైదరాబాద్ జట్టు 4 పరుగుల తేడాతో కోల్కతా నైట్‌రైడర్స్‌ చేతిలో ఓటమి చెందింది. అసలు సన్రైజర్స్ లక్ష్యం 208. 17 ఓవర్లకు ఆ జట్టు 149/5 స్కోరు చేసింది. అంటే మరో మూడు ఓవర్లలో 60 పరుగులు చేయాల్సిన అవసరం ఉంది. దీంతో ఈ సీజన్ను ఓటమితోనే పెట్టనుందని హైదరాబాద్ ఫ్యాన్స్ అంతా ఓ అంచనాకు వచ్చేశారు. కానీ అంతలోనే హెన్రిచ్ క్లాసెన్ ఒత్తిడిలోనూ సిక్సర్ల మోత మోగిస్తూ విధ్వంసాన్ని సృష్టించాడు. దీంతో ఆఖరి 5 బంతుల్లో 7 పరుగులతో సమీకరణం తేలికైపోయింది. ఇక సన్రైజర్స్ గెలుపు లాంఛనమే అందరూ భావించారు. కానీ మ్యాచ్ మళ్లీ రివర్స్ అయింది. ఆఖరి 5 బంతుల్లో హర్షిత్ అద్భుతం చేశాడు. కేవలం 2 పరుగులే సమర్ఫించుకుని 2 వికెట్లు తీశాడు. దీంతో మ్యాచ్ కోల్కతా ఖాతాలోకి వెళ్లిపోయింది. హైదరాబాద్కు వేదనే మిగిలింది.
మొదట టాస్ ఓడి బ్యాటింగ్కు దిగిన కోల్కతా నైట్ రైడర్స్ టీమ్ 7 వికెట్లు కోల్పోయి 208 పరుగుల భారీ స్కోరును సాధించింది. ఆండ్రి రసెల్‌ (25 బంతుల్లో 3×4, 7×6 సాయంతో 64 నాటౌట్‌) సంచలన ఇన్నింగ్స్ ఆడాడు. ఫిల్‌ సాల్ట్ (40 బంతుల్లో 3×4, 3×6 సాయంతో 54) కూడా రాణించాడు. అలా భారీ సిక్సర్లతో విరుచుకుపడి స్కోరు బోర్డును పరుగులెత్తించారు. హైదరాబాద్ బౌలర్లలో నటరాజన్ (3/32), మయాంక్ మార్కండే (2/39) వికెట్లు తీశారు.
అనంతరం లక్ష్య ఛేదనలో సన్రైజర్స్ కాస్త తడబడ్డప్పటికీ ఆ తర్వాత ధనా ధన్ ఇన్నింగ్స్తో చెలరేగిపోయింది. వరుస బౌండరీలతో మైదానాన్ని బ్యాటర్లు హోరెత్తించారు. పవర్‌ ప్లే పూర్తయిన సమయానికి 65/1 స్కోర్ చేసిన హైదరాబాద్ జట్టు, ప్రత్యర్థులు వేసే బంతులను ఆచితూచి ఆడుతూ వచ్చింది. దీంతో 111 పరుగులు స్కోర్ చేసిన సమయానికి నాలుగు వికెట్లు మాత్రమే కోల్పోయింది. హెన్రిచ్ క్లాసెన్ (29 బంతుల్లో 8×6 సాయంతో 63) అసాధారణ ఇన్నింగ్స్ ఆడి జట్టు స్కోరును ముందుకు తీసుకెళ్లాడు. కానీ ఆఖరి ఓవర్లో హర్షిత్ (3/33) గొప్పగా బౌలింగ్ చేసి కోల్‌కతాకు విజయాన్ని కట్టబెట్టాడు. దీంతో సన్రైజర్స్ జట్టు 7 వికెట్లకు 204 పరుగులే చేయగలిగింది.