IND VS BAN First Test Live Streaming : దాదాపు ఆరు నెలల తర్వాత టీమ్ ఇండియా సుదీర్ఘ ఫార్మాట్‌ ఆడుతోంది. చెన్నై వేదికగా బంగ్లాదేశ్‌తో తొలి టెస్ట్ ఆడుతోంది. ఇందులో భాగంగా టాస్‌ గెలిచిన బంగ్లాదేశ్ బౌలింగ్ ఎంచుకుంది. దీంతో భారత్ మొదట బ్యాటింగ్కు దిగింది. రీసెంట్గానే పాకిస్థాన్‌ను ఓడించిన బంగ్లాదేశ్ మరో సంచలన విజయం అందుకోవాలని ఉవ్విళ్లూరుతోంది. మరోవైపు ప్రపంచ టెస్టు ఛాంపియన్‌షిప్‌ ఫైనల్‌కు చేరుకునేందుకు మార్గం సుగమం చేసుకోవాలనే పట్టుదలతో ఉంది టీమ్ ఇండియా.
తుది జట్లు ఇవే:
భారత్: రోహిత్‌ శర్మ (కెప్టెన్‌), యశస్వి జైస్వాల్, శుభ్‌మన్ గిల్, విరాట్ కోహ్లీ, రిషభ్ పంత్, కేఎల్ రాహుల్, రవీంద్ర జడేజా, రవిచంద్రన్ అశ్విన్, బుమ్రా, సిరాజ్, ఆకాశ్‌దీప్‌
బంగ్లాదేశ్: నజ్ముల్‌ శాంటో (కెప్టెన్‌), షాద్మన్ ఇస్లామ్‌, జాకిర్‌ హసన్, మొమినుల్, ముష్ఫికర్ రహీమ్‌, షకీబ్, లిటన్‌ దాస్, మెహిదీ మిరాజ్, నహిద్‌ రాణా, హసన్ మహ్మద్, తస్కిన్‌ అహ్మద్‌
టీమ్ ఇండియాదే ఆధిప‌త్యం - ఇరు జట్ల బ‌లాబ‌లాలను చూసుకుంటే బంగ్లాదేశ్‌పై టీమ్ఇండియాదే ఆధిప‌త్యం. ఇప్ప‌టివ‌ర‌కు టీమ్ఇండియా, బంగ్లాదేశ్ మ‌ధ్య 13 టెస్ట్ మ్యాచులు జ‌ర‌గగా, అందులో 11 మ్యాచుల్లో భారత జట్టు విజయం సాధించింది. వ‌ర్షం కార‌ణంగా రెండు టెస్టు మ్యాచులు రద్దయ్యాయి. టీమ్ఇండియాపై బంగ్లాదేశ్ ఇప్ప‌టివ‌ర‌కు బోణీ చేయలేదు.