Yashasvi Jaiswal Border Gavaskar Trophy : ఆస్ట్రేలియాతో జరుగుతున్న బోర్డర్ - గావస్కర్ ట్రోఫీలో భారత యంగ్ బ్యాటర్ యశస్వి జైస్వాల్ దూకుడుగా ఆడుతున్నాడు. తొలి టెస్టు రెండో ఇన్నింగ్స్‌లో సెంచరీతో చెలరేగిపోయాడు. తొలి ఇన్నింగ్స్‌లో డకౌట్ అయిన జైస్వాల్, రెండో ఇన్నింగ్స్‌లో మాత్రం 205 బంతుల్లో సెంచరీ బాదేశాడు. అయితే తన కెరీర్‌లో ఇది నాలుగో శతకం కావడం విశేషం. ఈ క్రమంలో ఏకంగా 8 రికార్డులను యశస్వి సొంతం చేసుకున్నాడు. మరో ఓపెనర్ కేఎల్ రాహుల్‌తో (77) కలిసి తొలి వికెట్‌కు 201 పరుగులు జోడించాడు. అనంతరం రాహుల్ పెవిలియన్‌కు చేరాడు.
ఈ సెంచరీతో జైస్వాల్ సాధించిన రికార్డులు ఇవే :
- మొదటి 15 టెస్టుల్లో 1500+ పరుగులు స్కోర్ చేసి తొలి ఆసియా బ్యాటర్గా రికార్డు.
- ఆస్ట్రేలియాలో ఆడిన మొదటి టెస్టులోనే శతకం బాదిన మూడో టీమ్ఇండియా క్రికెటర్గా ఘనత.
- ఇన్నింగ్స్‌ పరంగా అత్యంత ఫాస్ట్గా 1500+ పరుగులు చేసిన రెండో భారతీయ బ్యాటర్గా రికార్డు. 28 ఇన్నింగ్స్‌ల్లో జైస్వాల్ ఈ ఘనతను అందుకున్నాడు. అయితే అంతకుముందు ఈ లిస్ట్లో ఛతేశ్వర్ పుజారా ఉన్నాడు. అతడు కూడా 28 ఇన్నింగ్స్‌ల్లోనే ఈ మార్క్‌ను అందుకొన్నాడు.
- ఆసీస్పై సెంచరీ చేసిన రెండో యంగెస్ట్‌ ఓపెనర్‌గా యశస్వి చరిత్రకెక్కాడు. 22 ఏళ్ల 330 రోజుల వయసులో జైస్వాల్ ఈ రికార్డు సాధించాడు. అతడి కంటే ముందు ఈ జాబితాలో కేఎల్ రాహుల్ (22 ఏళ్ల 263 రోజులు) ఉన్నాడు.
- భారత్ తరఫున 23 ఏళ్ల వయసులోపే టెస్టుల్లో అత్యధిక సెంచరీలు బాదిన ఐదో బ్యాటర్ జైస్వాల్ (4). ఇక సచిన్ అందరికంటే ఎక్కువగా 8 సెంచరీలు చేశాడు.
- ఆస్ట్రేలియాలో ఆ జట్టుపై చివరిసారిగా సెంచరీ నమోదు చేసిన బ్యాటర్ కేఎల్ రాహుల్. అయితే 2014-15 సీజన్‌లో అతడు ఈ ఘనత సాధించగా, ఇప్పుడు ఆ రికార్డును జైస్వాల్ తన ఖాతాలో వేసుకున్నాడు.
- యశస్వి కంటే ముందు జైసింహా (1967-68), దిగ్గజ మాజీ క్రికెటర్ సునీల్ గావస్కర్ (1977-78) సాధించారు. ఈ ముగ్గురూ రెండో ఇన్నింగ్స్‌లోనే చేయడం విశేషం.
- 23 ఏళ్లు నిండకముందే ఒకే క్యాలెండర్‌ ఇయర్‌లో అత్యధిక టెస్టు సెంచరీలు చేసిన లిస్ట్లో యశస్వి ఐదో బ్యాటర్గా రికార్డుకెక్కాడు. ఇక ఈ ఏడాది యశస్వి 3 శతకాలు బాదాడు. అయితే అందరికంటే సునీల్ గావస్కర్ (1971లో 4 సెంచరీలు) సాధించాడు.
