గార్డ్​నర్ ఆల్​రౌండ్ షో- బోణీ కొట్టిన గుజరాత్

బోణీ కొట్టిన గుజరాత్ జెయింట్స్- యూపీ వారియర్స్ ఓటమి

Gujarat Giants vs UP Warriorz WPL 2025 :2025 డబ్ల్యూపీఎల్​లో గుజరాత్ జెయింట్స్​ బోణీ కొట్టింది. ఆదివారం యూపీ వారియర్స్​తో జరిగిన మ్యాచ్​లో గుజరాత్ 6 వికెట్ల తేడాతో నెగ్గింది. యూపీ నిర్దేశించిన 144 పరుగుల లక్ష్యాన్ని గుజరాత్ 18 ఓవర్లలో 4 వికెట్లు కోల్పోయి ఛేదించింది. గార్డ్​నర్ (52 పరుగులు) హాఫ్ సెంచరీతో రాణించింది. చివర్లో హర్లీన్ డియోల్ (34* పరుగులు), డాటిన్ (33* పరుగులు) ఆకట్టుకున్నారు. యూపీ బౌలర్లలో సోఫీ 2, గ్రేస్ హరీస్, మెక్ గ్రాత్ తలో 1 వికెట్ దక్కించుకున్నారు.

స్వల్ప లక్ష్య ఛేదనలో గుజరాత్ 2 పరుగులకే 2 వికెట్లు కోల్పోయి కష్టాల్లో పడింది. ఓపెనర్ బెత్ మూనీ (0), హేమలత (0) పరుగుల ఖాతా తెరవకుండానే పెవిలియన్ చేరారు. ఈ దశలో వాల్వార్ట్ (22 పరుగులు), గార్డ్​నర్​తో కలిసి భాగస్వామ్యం నిర్మించింది. మూడో వికెట్​కు వీళ్లిద్దరూ 55 పరుగుు జోడించి విజయానికి పునాది వేశారు. 8.3 ఓవర్​ వద్ద వాల్వార్ట్​ను సోఫీ క్లీన్​బౌల్డ్​ చేసింది. తర్వాత 86 పరుగుల వద్ద గార్డ్​నర్ కూడా పెవిలియన్ చేరింది. తర్వాత క్రీజులోకి వచ్చిన హర్లీన్, డాటిన్ నిలకడగా రాణించి మ్యాచ్​ పూర్తి చేశారు.

అంతకుముందు బ్యాటింగ్ చేసిన యూపీ వారియర్స్ నిర్ణీత 20 ఓవర్లలో 9 వికెట్ల నష్టానికి 143 పరుగులు చేసింది. కెప్టెన్ దీప్తి శర్మ (39 పరుగులు) రాణించింది. ఉమా ఛెత్రి (24 పరుగులు), అలన కింగ్ (19 పరుగులు) ఫర్వాలేదనిపించారు. గుజరాత్ బౌలర్లలో ప్రియా మిశ్రా 3, అషిలీ గార్డ్​నర్, డాటిన్ తలో 2, కేశవీ గౌతమ్ 1 వికెట్ దక్కించుకున్నారు.