Fastest Bowl In Women Cricket:2024 డబ్ల్యూపీఎల్ రసవత్తరంగా సాగుతోంది. పురుషుల ఐపీఎల్కు దాదాపు సమానంగా డబ్ల్యూపీఎల్ కూడా వినోదాన్ని పంచుతోంది. ఈ క్రమంలో మహిళ క్రికెట్ చరిత్రలో పలు రికార్డులు నమోదవుతున్నాయి. రీసెంట్గా జరిగిన ముంబయి- దిల్లీ మ్యాచ్లో ఓ వరల్డ్ రికార్డ్ నమోదైంది. ముంబయి బౌలర్ షబ్నిమ్ ఇస్మాయిల్ మహిళల క్రికెట్లో అత్యంత వేగవంతమైన బంతి సంధించిన క్రికెటర్గా నిలిచింది.
తొలి ఇన్నింగ్స్ మూడో ఓవర్ వేసేందుకు ముంబయి కెప్టెన్ హర్మన్ప్రీత్ కౌర్, షబ్నిమ్కు బంతినిచ్చింది. ఈ ఓవర్లో రెండో బంతిని షబ్నిమ్ 132.1 kmph స్పీడ్తో సంధించింది. మెరుపు వేగంతో దూసుకొచ్చిన బంతిని క్రీజులో ఉన్న దిల్లీ బ్యాటర్ మెగ్ లానింగ్ ఆడలేకపోయింది. దీంతో బంతి ఆమె ప్యాడ్ను తాకింది. వెంటనే ఎల్బీడబ్ల్యూకి ముంబయి ప్లేయర్లు అప్పీల్ చేసినా అంపైర్ నాటౌట్గా ప్రకటించాడు. ఇక ఈ మ్యాచ్లో షబ్నిమ్ ఓ వికెట్ దక్కించుకుంది. జోరుమీదున్న దిల్లీ ఓపెనర్ షఫాలీ వర్మ (28 పరుగులు, 12 బంతుల్లో)ను ఔట్ చేసింది.
ఇక మ్యాచ్ తర్వాత రికార్డు గురించి షబ్నమ్ను ఆడగ్గా, 'బౌలింగ్ చేస్తుండగా బిగ్స్ర్కీన్ను చూడను' అని సమాధానం ఇచ్చింది. 16 ఏళ్ల కెరీర్లో షబ్నమ్ 317 వికెట్లు పడగొట్టింది. గతంలో కూడా ఫాస్టెస్ట్ డెలివరీ రికార్డ్లు షబ్నమ్పైనే ఉన్నాయి. ఈమె 2016లో వెస్టిండీస్‌పై 128.0 kmph, 2022 మహిళల వరల్డ్కప్లో ఇంగ్లాండ్పై 127.4 kmph, న్యూజిలాండ్పై 127.1 వేగంతో బంతిని విసిరింది. తాజాగా షబ్నమ్ 130+ kmph మార్క్ అందుకొని ఈ ఫీట్ సాధించిన తొలి మహిళా క్రికెటర్గా రికార్డ్ సృష్టించింది. కాగా, మహిళల క్రికెట్లో ఫాస్టెస్ట్ బాల్ లిస్ట్లో టాప్- 5లో నాలుగు షబ్నమ్వే.