BCCI Central Contract 2024 :బీసీసీఐ తాజాగా టీమ్ఇండియా ప్లేయర్లకు సంబంధించిన కొత్త యాన్యువల్ కాంట్రాక్ట్ను ప్రకటించింది. ఇందులో భాగంగా 11 మంది యంగ్ ప్లేయర్లను ఈ లిస్ట్లో యాడ్ చేయగా, కొంతమంది సీనియర్లు మాత్రం ఈ జాబితాలో స్థానం దక్కించుకోలేకపోయారు. దీంతో ఆ ప్లేయర్ల కెరీర్ పాక్షికంగా ముగిసినట్లేనంటూ క్రిటిక్స్ చర్చలు మొదలెట్టారు. అంతే కాకుండా ఈ రిజల్ట్తో ఆ ప్లేయర్లు ఇక రిటైర్మెంట్ ప్రకటించే సూచనలు కనిపిస్తున్నాయని అంటున్నారు. ఇంతకీ ఆ స్టార్స్ ఎవరంటే ?
శిఖర్ ధావన్: 2022 డిసెంబర్లో భారత జట్టు తరపున తన చివరి మ్యాచ్ ఆడాడు టీమ్ఇండియా వెటరన్ ప్లేయర్ శిఖర్ ధావన్. అయితే ఆ తర్వాత అతడిపై సెలక్టర్లు అంతగా ఇంట్రెస్ట్ చూపించలేదు. దీంతో ధావన్ ప్రస్తుతం ఏ రూపంలోనూ జట్టులో లేడు. అయితే ఇప్పుడు సెంట్రల్ కాంట్రాక్ట్ నుంచి బీసీసీఐ మినహాయించడం వల్ల అతడి పునరాగమనంపై అనుమానాలు వ్యక్తమవుతున్నాయి.
ఛతేశ్వర్ పుజారా:ఇక తాజా కాంట్రెక్ట్లో చోటు దక్కించుకోని క్రికెటర్లలో స్టార్ ప్లేయర్ ఛతేశ్వర్ పుజారా పేరు కూడా ఉంది. వరల్డ్ టెస్ట్ ఛాంపియన్‌షిప్ 2023 ఫైనల్స్ తర్వాత టీమ్ఇండియాకు దూరమైన పుజారా, ప్రస్తుతం రంజీలో తన సత్తా చాటుతున్నాడు. శతకాలు బాది సంచలనాలు క్రియేట్ చేస్తున్నాడు. ఇంగ్లాండ్ టెస్ట్ సిరీస్లో భాగంగా టీమ్ఇండియా తుది జట్టులోకి పుజారాను ఎంపిక చేస్తారని అందరూ అనుకున్నారు. కానీ అది జరగలేదు. ఇప్పుడీ సెంట్రల్ కాంట్రాక్ట్ నుంచి కూడా అతడ్ని తప్పించారు. దీంతో పుజారా కెరీర్ ముగిసిందంటూ ఫ్యాన్స్ ఆందోళన చెందుతున్నారు.
అజింక్యా రహానే : టీమ్ఇండియా మాజీ వైస్ కెప్టెన్ అజింక్యా రహానేను కూడా బీసీసీఐ ఈ వార్షిక కాంట్రాక్ట్కు ఎంపిక చేయలేదు. గతేడాది ఐపీఎల్ తర్వాత భారత జట్టులోకి వచ్చిన రహానే, 2023 డబ్ల్యూటీసీ ఫైనల్స్లో సత్తా చాటాడు. ఇక వెస్టిండీస్‌ టూర్లోనూ అతడు వైస్ కెప్టెన్‌గా బాధ్యతలు నిర్వర్తించాడు. అయితే, దీని తర్వాత అకస్మాత్తుగా జట్టుకు దూరమయ్యాడు. మరోవైపు రంజీల్లోనూ రహానే పేలవంగానే ఆడుతున్నాడు.