ఫుల్​ ఫామ్​లో యశస్వి- 500 రన్స్​ క్రాస్- ఈ ఏడాది టాప్ స్కోరర్ల లిస్ట్ ఔట్

2024 Most Runs In Cricket: 2024 సంవత్సరం తొలి వారం నుంచే క్రికెట్ ఫ్యాన్స్​కు ప్లేయర్లు మజానిస్తున్నారు. సెంచరీల మీద సెంచరీలు బాదుతూ, క్రికెట్ ప్రియులకు ఫుల్ ఎంటర్​టైన్​మెంట్ అందిస్తున్నారు. ఈ క్రమంలో ఈ ఏడాది ఇప్ప‌టిదాకా అత్య‌ధిక ప‌రుగులు సాధించిన క్రికెటర్లు ఎవ‌రో చూద్దామా?

2024 Most Runs In Cricket: 2024 అండ‌ర్- 19 వ‌ర‌ల్డ్ క‌ప్ స‌హా ఈ ఏడాది చాలా ఇంట‌ర్నేష‌నల్ క్రికెట్ మ్యాచ్​లు జ‌రిగాయి. ప్ర‌స్తుతం భారత్​- ఇంగ్లండ్ 5 మ్యాచ్​ల టెస్టు సిరీస్ కూడా జ‌రుగుతోంది. ఈ సిరీస్​లో 2-1తో టీమ్ఇండియా ఆధిక్యంలో ఉంది. మ‌రోవైపు ఆస్ట్రేలియా- పాకిస్థాన్ సిరీస్, ఆస్ట్రేలియా- న్యూజిలాండ్, శ్రీలంక- బంగ్లాదేశ్ ఇలా టాప్ దేశాలన్నీ ద్వైపాక్షిక సిరీస్​లతో క్రికెట్ లవర్స్​కు కావాల్సినంత వినోదం పంచుతున్నారు. ఈ నేపథ్యంలో ఈ ఏడాది ఇప్ప‌టి వ‌ర‌కు అత్య‌ధిక ప‌రుగులు సాధించిన ఆట‌గాళ్లెవ‌రో ఓ సారి చూద్దామా..?

1. య‌శ‌స్వి జైస్వాల్: టీమ్ఇండియా యంగ్ ఓపెన‌ర్ య‌శ‌స్వి జైస్వాల్ ఈ లిస్టులో ముందున్నాడు. అత‌ను ఈ ఏడాది రెండు ఫార్మాట్​లలో 10 ఇన్నింగ్స్​ల్లో 645 ప‌రుగులు సాధించాడు. గతేడాదే ఇంట‌ర్నేష‌న‌ల్ క్రికెట్లో అరంగేట్రం చేసిన ఈ 22 ఏళ్ల కుర్రాడు ప్ర‌స్తుతం ఇంగ్లండ్​తో జ‌రుగుతున్న టెస్టు సిరీస్​లో అద‌ర‌గొడుతున్నాడు. 3 మ్యాచ్​ల్లో రెండింటిలో డ‌బుల్ సెంచ‌రీ చేసి రికార్డు సృష్టించాడు.
2. కేన్ విలియ‌మ్సన్: న్యూజిలాండ్ స్టార్ ప్లేయర్ కేన్ విలియ‌మ్స‌న్ ఈ ఏడాది అంతర్జాతీయ క్రికెట్​లో రఫ్పాడిస్తున్నాడు. ఇప్పటికే 6 ఇన్నింగ్స్​ల్లో ఆడి 486 ర‌న్స్ కొట్టాడు. అందులో రీసెంట్​గా సౌతాఫ్రికాతో ముగిసిన రెండు మ్యాచ్​ల టెస్టులో రెచ్చిపోయాడు. ఏకంగా 403 పరుగులతో సిరీస్​లో టాప్​ స్కోరర్​గా నిలిచాడు.
3. నిస్సంక‌: శ్రీలంక‌ ఆట‌గాడు పాథుమ్ నిస్సంక‌ ఈ ఏడాది 6 ఇన్నింగ్స్​లో 479 ప‌రుగులు సాధించాడు. ప్రస్తుతం అఫ్గానిస్థాన్​తో జ‌రుగుతున్న వ‌న్డేలో డ‌బుల్ సెంచ‌రీ చేసి ప్ర‌పంచ క్రికెట్ దృష్టిని ఆక‌ర్షించాడు. పైగా లంక త‌ర‌ఫున తొలి ద్విశ‌త‌కం చేసిన క్రికెట‌ర్ గా రికార్డు సృష్టించాడు.
4. రోహిత్ శ‌ర్మ‌: టీమ్ఇండియా కెప్టెన్ రోహిత్ శర్మ ఈ జాబితాలో మూడో స్థానంలో నిలిచాడు. హిట్​మ్యాన్ 11 ఇన్నింగ్స్​లో 416 స్కోర్ సాధించాడు. ప్రస్తుతం ఇంగ్లాండ్​తో జరుగుతున్న టెస్టు సిరీస్​ మూడో మ్యాచ్​లో శతకంతో అదరగొట్టాడు.
5. కెండెల్ క‌దొవాకీ ఫ్లెమింగ్: క్రికెట్ ప్రియుల‌కు ప‌రిచ‌యం లేని జపాన్ ప్లేయర్​ కెండెల్ క‌దొవాకీ ఫ్లెమింగ్ 9 ఇన్నింగ్స్​లో 411 ర‌న్స్ కొట్టాడు. ఇటీవ‌ల ముగిసిన అండ‌ర్- 19 వ‌రల్డ్ క‌ప్​లో ఫ్లెమింగ్ ఈ పరుగులు నమోదు చేశాడు.
6. ఇబ్రహీమ్ జర్దాన్: అఫ్గానిస్థాన్ స్టార్ బ్యాటర్ ఇబ్రహీమ్ జర్దాన్ ఈ ఏడాది కూడా అత్యుత్తమ ఫామ్ కొనసాగిస్తున్నాడు. 12 ఇన్నింగ్స్​ల్లో 378 పరుగులు బాదాడు.
7. ర‌చిన్ ర‌వీంద్ర‌: న్యూజిలాండ్ యంగ్ టాలెంటెడ్ ఓపెన‌ర్ ర‌చిన్ ర‌వీంద్ర అరంగేట్రం చేసిన అన‌తి కాలంలోనే మంచి పేరు తెచ్చుకున్నాడు. 2024లో 6 ఇన్నింగ్స్​లు ఆడి 370 రన్స్ బాదాడు. కాగా, గ‌తేడాది జ‌రిగిన వ‌న్డే వ‌ర‌ల్డ్ క‌ప్​లో రచిన్ కివీస్ జట్టుకు కీలకంగా వ్యవహరించాడు.
8. కుశాల్ మెండిస్: మ‌రో శ్రీలంక‌న్ ఆట‌గాడు కుశాల్ మెండిస్ కూడా ఈ లిస్టులో ఉన్నాడు. మెండిస్ 13 ఇన్నింగ్స్​లో 359 పరుగులు చేశాడు.
9. శుభ్​మ‌న్ గిల్: టీమ్ఇండియా మ‌రో యంగ్ ఓపెన‌ర్ శుభ్ మ‌న్ గిల్ కూడా 2024లో ఫర్వాలేదనిపిస్తున్నాడు. అతడు ఇప్పటివరకూ 9 ఇన్నింగ్స్​లో గిల్ 321 ప‌రుగులు చేశాడు. ఇంగ్లాండ్​తో జ‌రుగుతున్న సిరీస్​లో మొద‌ట్లో విఫ‌ల‌మై విమ‌ర్శ‌లు ఎదుర్కొన్న గిల్, మూడో మ్యాచ్ లో కీలక ఇన్నింగ్స్​ ఆడాడు.
10. సదీర సమరవిక్రమ: శ్రీలంక బ్యాటర్ సదీర సమరవిక్రమ 12 ఇన్నింగ్స్​లో 315 పరుగులు చేశాడు.

అయితే ఏడాది ప్రారంభమై రెండు నెలలైనా కాకముందే జైశ్వాల్ అప్పడే 500+ పరుగులతో టాప్​లో ఉన్నాడు. ఈ లెక్కన ఈ ఏడాది క్యాలెండర్ ఆఫ్ ది ఇయర్​ (1000 పరుగులు)ను జైశ్వాల్ ఈజీగా అందుకుంటాడు. మరోవైపు విలియమ్సన్, రోహిత్ శర్మ ఖాతాలో కూడా మరో 1000 పరుగుల ఏడాది చేరడం పక్కా!