Horoscope Today November 12th 2024 : నవంబర్ 12వ తేదీ (మంగళవారం) మీ రాశి ఫలం ఎలా ఉందంటే?
మేషం (Aries) :మేషరాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపారాలలో చెప్పుకోతగ్గ మార్పులేమీ ఉండవు. ఈ రోజు ఈ రాశి వారు విశేషంగా ఆధ్యాత్మికత వైపు మొగ్గుచూపుతారు. అనవసరమైన వ్యయాలు ఎక్కువ కావచ్చు. పొదుపును పెట్టుబడిగా మార్చడానికి మంచిరోజు. ధార్మిక కార్యక్రమాలలో పాల్గొంటారు. ఆరోగ్యం సామాన్యంగా ఉంటుంది. శ్రీ సుబ్రహ్మణ్య స్వామి ఆలయ సందర్శన శుభకరం.
వృషభం (Taurus) :వృషభరాశి వారికి ఈ రోజు అనుకూలంగా ఉంటుంది. వృత్తి వ్యాపారాలకు ఉపయోగపడే కొత్త పరిచయాలు ఏర్పడుతాయి. ఆర్థికంగా శుభ ఫలితాలు ఉండడంతో ఈ రోజంతా సంతోషంగా ఉంటారు. సన్నిహితులతో విహారయాత్ర చాలా సంతోషాన్నిస్తుంది. ఆరోగ్యం బాగుంటుంది. కుటుంబంలో సంతోషం నెలకొంటుంది. ఇష్ట దేవతారాధన మేలు చేస్తుంది.
మిథునం (Gemini) :మిథునరాశి వారికి ఈ రోజు ఫలవంతంగా ఉంటుంది. చేపట్టిన అన్ని పనులు విజయవంతంగా పూర్తవుతాయి. ఈ రోజు మీరు మానసికంగా ప్రశాంతంగా, శారీరకంగా దృఢంగా ఉంటారు. వృత్తిపరంగా ప్రశంసలు అందుకోవడంతో ఉత్సాహంగా ఉంటారు. ఉద్యోగంలో స్థానచలన సూచన ఉంది. సహోద్యోగులు సహకారం ఉంటుంది. ఆదాయం పెరుగుతుంది. సమాజంలో మీ ప్రతిష్ట పెరుగుతుంది. కార్యసిద్ధి హనుమ ఆలయ సందర్శన శుభకరం.
కర్కాటకం (Cancer) :కర్కాటకరాశి వారికి ఈ రోజు అదృష్టదాయకంగా ఉంటుంది. విదేశాల నుంచి శుభప్రదమైన వార్త వస్తుంది. దైవబలంతో అదృష్టవంతులవుతారు. సన్నిహితులతో ఆహ్లాదకరమైన ప్రయాణం చేసే అవకాశం ఉంది. వృత్తి పరంగా, వ్యక్తిగతంగా అన్ని విధాలా అదృష్టవంతులవుతారు. సంపదలు వృద్ధి చెందుతాయి. సమాజంలో కీర్తి ప్రతిష్టలు పెరుగుతాయి. శివారాధన శ్రేయస్కరం.
సింహం (Leo) :సింహరాశి వారికి ఈ రోజు సామాన్యంగా ఉంటుంది. ఈ రోజు ఈ రాశివారిని ఆర్థిక సమస్యలు చుట్టుముడతాయి. అనారోగ్య సమస్యలకు సంబంధించి ఖర్చులు విపరీతంగా ఉంటాయి. వృత్తి వ్యాపారాలలో ప్రణాళిక లోపిస్తుంది. తీవ్రమైన పని ఒత్తిడి ఉండవచ్చు. ఆరోగ్యం పట్ల శ్రద్ధ అవసరం. ప్రతికూల ఆలోచనలు వీడితే మంచిది. ఆదిత్య హృదయం పారాయణ మేలు చేస్తుంది.
కన్య (Virgo) :కన్యారాశి వారికి ఈ రోజు అద్భుతంగా ఉంటుంది. తారాబలం అనుకూలంగా ఉన్నందున అన్ని రంగాల వారు కెరీర్ లో దూసుకెళ్తారు. ఊహించని ధనలాభాలు ఉంటాయి. కుటుంబంలో సుఖశాంతులు వెల్లివిరుస్తాయి. ఇంట్లో శుభకార్యాలు జరిగే సూచన ఉంది. అవివాహితులకు కల్యాణ యోగం ఉంది. ఆరోగ్యం బ్రహ్మాండంగా ఉంటుంది. శ్రీ విష్ణు సహస్రనామ పారాయణ శుభకరం.
తుల (Libra) :తులారాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపారాలలో తీరికలేని పనులతో అవిశ్రాంతంగా ఉంటారు. మీ కష్టానికి తగిన ప్రతిఫలాన్ని పొందుతారు. ఆర్థికంగా కలిసి వచ్చే కాలం. ఉద్యోగులు పదోన్నతులు అందుకుంటారు. నూతన వస్తువాహనాలు కొనుగోలు చేస్తారు. సమాజంలో కీర్తి ప్రతిష్టలు పెరుగుతాయి. మితిమీరిన కోపం కారణంగా కుటుంబంలో గొడవలు వస్తాయి. కోపాన్ని అదుపులో ఉంచుకుంటే మంచిది. అభయ ఆంజనేయస్వామి ఆలయ సందర్శనతో మెరుగైన ఫలితాలు ఉంటాయి.
వృశ్చికం (Scorpio) :వృశ్చికరాశి వారికి ఈ రోజు అనుకూలంగా ఉంటుంది. గత కొంతకాలంగా వేధిస్తున్న అనారోగ్య సమస్యల నుంచి విముక్తి పొందుతారు. మంచి ఆరోగ్యం, ఆనందం ఈ రోజు మీ సొంతం. చేపట్టిన పనుల్లో విజయం చేకూరుతుంది. పని ప్రదేశంలో మీ మాటకు విలువ పెరుగుతుంది. నూతన బాధ్యతలు స్వీకరిస్తారు. వ్యాపారంలో పోటీని, సవాళ్లను సమర్థవంతంగా ఎదుర్కొంటారు. శివారాధన మేలు చేస్తుంది.
ధనుస్సు (Sagittarius) :ధనుస్సురాశి వారికి ఈ రోజు సామాన్యంగా ఉంటుంది. తీవ్రమైన అనారోగ్య సమస్యలు, చికాకు, కోపావేశాలతో ఈ రోజంతా అసహనంగా ఉంటారు. వృత్తి వ్యాపారాలలో ఆశించిన ప్రయోజనాలు ఉండకపోవచ్చు. వైద్య ఖర్చుల నిమిత్తం అధిక ధనవ్యయం ఉండవచ్చు. కోపాన్ని అదుపులో పెట్టుకోని, ప్రతికూల ఆలోచనలకు దూరంగా ఉండడం అవసరం. నవగ్రహ శ్లోకాలు పఠిస్తే మంచిది.
మకరం (Capricorn) :మకరరాశి వారికి ఈ రోజు మిశ్రమ ఫలితాలు ఉంటాయి. అన్ని రంగాల వారు వృత్తి పరంగా లక్ష్య సాధన కోసం తీవ్రంగా శ్రమిస్తారు. ఫలితాలు ఆలస్యం కావచ్చు. నిరాశ చెందకండి. ఆరోగ్యం పట్ల శ్రద్ధ అవసరం. ఖర్చులు అదుపులో ఉంచుకొని పొదుపుపై దృష్టి సారిస్తే మంచిది. కుటుంబ వ్యవహారాలలో సంయమనం పాటించడం అవసరం. శనిస్తోత్ర పారాయణ మేలు చేస్తుంది.
కుంభం (Aquarius) :కుంభరాశి వారికి ఈ రోజు సామాన్యంగా ఉంటుంది. వృత్తి పరంగా, వ్యక్తిగతంగా సరైన నిర్ణయాలు తీసుకోవడంలో విఫలం అవుతారు. అవనసరపు ఖర్చులు తగ్గించుకోండి. కుటుంబ సభ్యులతో జాగ్రత్తగా మాట్లాడకపోతే వాగ్వివాదాలు రావచ్చు. విద్యార్ధులు తమ చదువుల పైన దృష్టి సారించాలి. అదనపు ఆదాయం కోసం చేసే ప్రయత్నాలు సఫలం కావడానికి కొంత సమయం పడుతుంది. ఓర్పు వహించాలి. శ్రీలక్ష్మీ గణపతి ఆలయ సందర్శన శుభకరం.
మీనం (Pisces) :మీనరాశి వారికి ఈ రోజు మిశ్రమ ఫలితాలు ఉంటాయి. అనుకున్నది జరగలేదని అసంతృప్తితో ఉంటారు. వృత్తి వ్యాపారాలలో తరచూ ఏర్పడే ఆటంకాలతో జీవితం నిరాశపూరితంగా అనిపిస్తుంది. క్లిష్ట పరిస్థితులలో కుటుంబ సభ్యుల మద్దతు ఉంటుంది. ఆధ్యాత్మిక, ధార్మిక కార్యక్రమాలలో పాల్గొంటారు. శ్రీ లక్ష్మీనారాయణుల ఆలయ సందర్శన శుభకరం.
