Horoscope Today November 24th 2024 : నవంబర్ 23వ తేదీ (ఆదివారం) మీ రాశి ఫలం ఎలా ఉందంటే?
మేషం (Aries) : మేషరాశి వారికి ఈ రోజు అనుకూలంగా ఉంటుంది. సిరిసంపదలు వృద్ధి చెందుతాయి. అన్ని రంగాల వారు విజయపధంలో పయనిస్తారు. చేపట్టిన అన్ని పనులు సకాలంలో పూర్తవుతాయి. మీ కార్యదీక్షకు, సమర్ధతకు ప్రశంసలు లభిస్తాయి. సమాజంలో గౌరవ ప్రతిష్టలు పెరుగుతాయి. ఆరోగ్యం బ్రహ్మాండంగా ఉంటుంది. శ్రీలక్ష్మీ దేవి ఆరాధన శ్రేయస్కరం.
వృషభం (Taurus) : వృషభ రాశి వారికి ఈ రోజు అనుకూలంగా ఉంటుంది. మీపై మీకు సంపూర్ణ ఆత్మ విశ్వాసం ఉంటుంది. బలమైన సంకల్పం, సాహసంతో వృత్తి పరంగా, వ్యక్తిగతంగా విజయపధంలో పయనిస్తారు. వ్యాపారాల్లో నూతన శిఖరాలు అధిరోహిస్తారు. ఇక మీకు సర్వత్రా విజయమే! పితృ సంబంధమైన ఆస్తి వ్యవహారాలు కలిసి వస్తాయి. పిల్లల భవిష్యత్తు కోసం పొదుపు చేస్తారు. ఆర్థికంగా ఊహించని లాభాలు ఉంటాయి. పోటీ పరీక్షలకు తయారవుతున్న విద్యార్థులకు మంచి సమయం. శ్రీలక్ష్మీ గణపతి ఆలయ సందర్శన శుభకరం.
మిథునం (Gemini) : మిథునరాశి వారికి ఈ రోజు ఫలవంతంగా ఉంటుంది. అన్ని రంగాలవారికి ఈ రోజు కొత్త పనులు, ఒప్పందాలు చేసుకోడానికి అనుకూలమైన సమయం. ఆత్మవిశ్వాసంతో పనిచెయ్యండి. ప్రభుత్వ రంగంలో పని చేసే ఉద్యోగులకు ఉన్నతాధికారులు సహకారం ఉంటుంది. పదోన్నతులు పొందే అవకాశం ఉంది. కొందరి ప్రవర్తన మనస్తాపం కలిగిస్తుంది. గొడవలకి, వివాదాలకి దూరంగా ఉండండి. మోసపూరిత ఆర్థిక విషయాల్లో జాగ్రత్త వహించండి. శివారాధన శ్రేయస్కరం.
కర్కాటకం (Cancer) : కర్కాటక రాశి వారికి ఈ రోజు మిశ్రమ ఫలితాలు ఉంటాయి. సానుకూల ఆలోచనలతో, స్ఫూర్తిదాయక మాటలతో రోజు ప్రారంభిస్తే అంతా మంచి జరుగుతుంది. భవిష్యత్ ప్రణాళిక రూపొందించుకునే పనిలో ఉంటారు. ఒక ప్రణాళిక ప్రకారం పని చేయడం వలన అన్ని పనులు సకాలంలో పూర్తవుతాయి. ఈ రోజు చేపట్టిన పనులన్నీ మంచి ప్రయోజనాలు చేకూరుస్తాయి. ఆరోగ్యం బాగుంటుంది. ఇష్ట దేవతారాధన శుభప్రదం.
సింహం (Leo) : సింహ రాశి వారికి ఈ రోజు శుభప్రదంగా ఉంటుంది. ఈ రోజు మీరు తీసుకునే నిర్ణయాలు అత్యంత కీలకమైనవి . చక్కని ఆత్మ విశ్వాసంతో నిర్ణయం వేగంగా చేసినా, అది సరైన నిర్ణయం అయి ఉండేలా చూసుకోండి. పితృ సంబంధమైన, పెద్దల ఆస్తి వ్యవహారాల్లో కొన్ని లాభాలు అందుతాయి. సమాజంలో గౌరవం లభిస్తుంది. ఆత్మ విశ్వాసం సుగుణం అయితే, గర్వం ఒక దుర్గుణం. దీన్నించి దూరంగా ఉండాలి. ఆరోగ్యం పట్ల జాగ్రత్త వహించండి. ఆదిత్య హృదయం పారాయణ మేలు చేస్తుంది.
కన్య (Virgo) : కన్యా రాశి వారికి ఈ రోజు మిశ్రమ ఫలితాలు ఉంటాయి. ముఖ్యంగా వ్యాపారస్తులు భాగస్వామ్య వ్యాపారాలకు దూరంగా ఉండటం మంచిది. వ్యాపారంలో ఎదురయ్యే సవాళ్ళను సమర్థవంతంగా ఎదుర్కొంటారు. ఉద్యోగులకు ఆశించిన ప్రయోజనాలు ఉంటాయి. సమాజంలో పేరు ప్రతిష్టలు పెరుగుతాయి. విద్యార్థులు చదువులో రాణిస్తారు. కొత్తగా ప్రారంభించే పనులు ఈ రోజు వాయిదా వేస్తే మంచిది. శ్రీ ఆంజనేయస్వామి ఆలయ సందర్శనతో మెరుగైన ఫలితాలు ఉంటాయి.
తుల (Libra) : తులారాశి వారికి ఈ రోజు అదృష్టదాయకంగా ఉంటుంది. అన్ని రంగాల వారికి ఈ రోజు అదృష్టం కలిసి వచ్చి తమ తమ రంగాలలో విజయం సాధిస్తారు. చిన్ననాటి స్నేహితులను కలుసుకొని విహారయాత్రలకు వెళ్తారు. వ్యాపారులకి విపరీతమైన లాభాలు ఉంటాయి. ఊహించని ధనలాభాలు ఉంటాయి. కుటుంబంలో సుఖశాంతులు నెలకొంటాయి. ఆరోగ్యం సహకరిస్తుంది. ఇష్ట దేవతారాధన శుభప్రదం.
వృశ్చికం (Scorpio) : వృశ్చిక రాశి వారికి ఈ రోజు అనుకూలంగా ఉంటుంది. తారాబలం అనుకూలంగా ఉన్నందున ఇంట్లో బయటా శాంతి సౌఖ్యాలు లభిస్తాయి. వైవాహిక జీవన సౌఖ్యం లభిస్తుంది. జీవిత భాగస్వామితో మంచి సాన్నిహిత్యం పెరుగుతుంది. తల్లిదండ్రులు, రక్త సంబంధీకులు, స్నేహితుల నుంచి లబ్ధి కలుగుతుంది. మీ పిల్లలు సాధించిన ఘనతకి ఆనందిస్తారు. పదోన్నతి, పరపతి, ప్రశంసలతో ఈ రోజంతా ఆనందంగా గడిచిపోతుంది. వ్యాపారవేత్తలు వ్యాపార నిమిత్తం చేసే ప్రయాణాలు విజయవంతమవుతాయి. ఆరోగ్యం బాగుంటుంది. శ్రీ విష్ణు సహస్రనామ పారాయణ శుభకరం.
ధనుస్సు (Sagittarius) : ధనుస్సు రాశి వారికి ఈ రోజు మిశ్రమ ఫలితాలు ఉంటాయి. గత కొంతకాలంగా వేధించిన అనారోగ్య సమస్యలు తగ్గు ముఖం పట్టి ఆరోగ్యంగా ఉంటారు. వృత్తి పరంగా ఎదురయ్యే సమస్యల కారణంగా మానసిక ఆందోళనకు గురవుతారు. నిరాశ చెందకండి. త్వరలోనే మంచి రోజులు వస్తాయి. ఉద్యోగులు పని ప్రదేశంలో, ఉన్నతాధికారులతో అప్రమత్తంగా ఉండాలి. ఎవరితోనూ వాదనల్లోకి దిగవద్దు. నవగ్రహ శ్లోకాలు పఠిస్తే మెరుగైన ఫలితాలు ఉంటాయి.
మకరం (Capricorn) : మకర రాశి వారికి ఈ రోజు మిశ్రమ ఫలితాలు ఉంటాయి. వృత్తి వ్యాపార ఉద్యోగాలలో ఆశించిన ఫలితాలు ఉంటాయి. న్యాయ సంబంధ అంశాలు, కోర్టు వ్యవహారాల్లో వ్యతిరేక ఫలితాలు ఉంటాయి. వ్యాపారంలో ఆర్థికపరంగా నష్టాలు సంభవిస్తాయి. షేర్ మార్కెట్లో పెట్టుబడులు పెట్టినవారికి భారీ నష్టాలు ఉండవచ్చు. ఈశ్వరుని ఆలయ సందర్శన మేలు చేస్తుంది.
కుంభం (Aquarius) : కుంభ రాశి వారికి ఈ రోజు అనుకూలంగా ఉంటుంది. కుటుంబ శ్రేయస్సు కోసం, కుటుంబ సభ్యుల సంతోషం కోసం కృషి చేస్తారు. కీలక వ్యవహారాల్లో తొందరపాటు నిర్ణయాలు తగదు. ఉద్యోగంలో నూతన బాధ్యతలు స్వీకరిస్తారు. సమాజంలో పరపతి పెరుగుతుంది. ఆర్ధికంగా శుభ ఫలితాలు ఉంటాయి. స్వల్ప అనారోగ్య సమస్యలు ఉండవచ్చు. సూర్య ఆరాధన శ్రేయస్కరం.
మీనం (Pisces) : మీన రాశి వారికి ఈ రోజు ప్రోత్సాహకరంగా, సంతోషకరంగా ఉంటుంది. మీరు వేసే ప్రతి అడుగు మిమ్మల్ని ఆనంద సాగరంలో ముంచెత్తుతుంది. మీ నిర్ణయాలకీ, మీ వైఖరికి మీరే ఆశ్చర్యపోతారు. ముఖ్యంగా మీ శత్రువులు అసూయ చెందేలా ఉన్నతిని సాధిస్తారు. అన్ని రంగాల వారు వృత్తిలో పైచేయి సాధిస్తారు. గృహశాంతి లభిస్తుంది. ఆరోగ్యం బాగుంటుంది. చేపట్టిన పనులన్నీ చకచకా అయిపోతాయి. మాతృ వర్గం నుంచి శుభ వర్తమానం వస్తుంది. శ్రీ వేంకటేశ్వర స్వామి ఆలయ సందర్శన శుభకరం.
