Realme C75: రియల్మీ తన కొత్త 'C75' స్మార్ట్‌ఫోన్ను లాంఛ్ చేసింది. కంపెనీ ఈ మొబైల్ను వియత్నాంలో రెండు కలర్ ఆప్షన్స్లో రిలీజ్ చేసింది. ఈ ఫోన్ 6.72-అంగుళాల IPS LCDని కలిగి ఉంది. ఇది మీడియాటెక్ Helio G92 Max ప్రాసెసర్‌తో పనిచేస్తుంది. రియల్మీ త్వరలో దీన్ని గ్లోబల్ మార్కెట్లో రిలీజ్ చేసే అవకాశం ఉంది. ఈ సందర్భంగా రియల్మీ C75 మొబైల్ ధర, ఫీచర్లు, స్పెసిఫికేషన్లపై మరిన్ని వివరాలు తెలుసుకుందాం రండి.
రియల్మీ C75 ఫీచర్లు: ఈ కొత్త 'రియల్మీ C75' మొబైల్లో 6.72-అంగుళాల IPS LCDని అమర్చారు. ఇది పూర్తి HD ప్లస్ రిజల్యూషన్, 90Hz రిఫ్రెష్ రేట్‌ను కలిగి ఉంది. ఈ స్మార్ట్‌ఫోన్‌లో మీడియాటెక్ Helio G92 Max చిప్‌సెట్ను అమర్చారు. ఈ ఫోన్ సాలిడ్ బిల్డ్ క్వాలిటీతో మంచి లుక్లో కన్పిస్తుంది. ఇది ఆర్మర్‌షెల్ టెంపర్డ్ గ్లాస్ స్క్రీన్‌తో ఇంపాక్ట్-అబ్సోర్బింగ్ డిజైన్‌ను కలిగి ఉంది. దీంతో ఇది కిందపడినా అంత సులభంగా దీనికి ఏం కాదని, ఈ ఫోన్ డ్రాప్‌లను తట్టుకోగలదని రియల్మీ తెలిపింది. వాటర్ అండ్ డస్ట్ ప్రొటెక్షన్తో ఈ ఫోన్ ఫోన్ IP69 రేటింగ్‌తో వస్తుంది. అంతేకాక దీనిలోని మిలిటరీ-గ్రేడ్ షాక్ రెసిస్టెన్స్ MIL-STD-810H సర్టిఫికేషన్ ఫోన్‌కు అదనపు మన్నికను అందిస్తుంది.
45W ఫాస్ట్ ఛార్జింగ్ సపోర్ట్: 'రియల్మీ C75' మొబైల్ కెమెరా సెటప్ను పరిశీలిస్తే.. ఇది వెనకవైపు 50-మెగాపిక్సెల్ ప్రైమరీ కెమెరాను కలిగి ఉంది. అదే సమయంలో ముందు భాగంలో 8 మెగాపిక్సెల్ సెల్ఫీ కెమెరాను అందించారు. ఈ స్మార్ట్‌ఫోన్ ఆండ్రాయిడ్ 14 బేస్డ్ రియల్మీ UI 5.0 పై రన్ అవుతుంది. ఈ ఫోన్ 6,000mAh బ్యాటరీని కలిగి ఉంది. ఇది 45W ఫాస్ట్ ఛార్జింగ్‌కు సపోర్ట్ చేస్తుంది. అంతేకాక ఇది రివర్స్ ఛార్జింగ్‌కు కూడా సపోర్ట్ చేస్తుంది. కాబట్టి ఇది పవర్ బ్యాంక్‌గా పని చేస్తుంది. దీంతో మీరు ఈ ఫోన్ నుంచి ఇతర డివైజ్లను కూడా ఛార్జ్ చేయొచ్చు.
కలర్ ఆప్షన్స్:
- లైట్నింగ్ గోల్డ్
- బ్లాక్ స్టార్మ్ నైట్
ధర:
- 8GB RAM + 256GB స్టోరేజీ వేరియంట్ ధర: VND 6,490,000 (దాదాపు రూ. 21,600)
- 8GB RAM + 512GB వెర్షన్ ధర: VND 7,490,000 (దాదాపు రూ. 24,900)
వన్ప్లస్ నుంచి కొత్త ఫోన్లు వచ్చేస్తున్నాయ్- వీటి స్పెషాలిటీ ఏంటో తెలుసా?
