ధర్మరాజు అక్షయ పాత్రను పొందిందెక్కడో తెలుసా? - Akshaya Patra Story

Akshaya Patra Story : పాండవులు మాయాజూదంలో ఓడినప్పుడు 14 సంవత్సరాలు అరణ్యవాసం చేయాల్సి వచ్చింది. పాండవులు ఒకసారి ఆకలిదప్పులతో అలమటిస్తూ కాశీ ప్రాంతానికి చేరుకున్నారంట. సమయంలో ధర్మరాజు కాశీలోని సూర్యభగవానుడిని ఉపాసించి ఆ స్వామి నుంచి 'అక్షయ పాత్ర' వరంగా పొందినట్లు స్కాందపురాణంలో ద్వారా తెలుస్తోంది. ఆ కథను ఇప్పుడు తెలుసుకుందాం.

Akshaya Patra Story : స్మరించినంత మాత్రాన్నే మోక్షాన్ని ప్రసాదించే కాశీ పట్టణంలో ఎన్నో విశేషాలు. జీవితంలో ఒక్కసారైనా కాశీ క్షేత్రాన్ని దర్శించాలని ఆధ్యాత్మిక గ్రంధాలు చెబుతున్నాయి. అతి ప్రాచీన దేవాలయాలకు నిలయమైన కాశీలో 12 సూర్య దేవాలయాలున్నాయి. ఒక్కో దేవాలయంలో ఒక్కో పేరుతో సూర్యుడు పూజలందుకుంటున్నాడు. ఈ క్రమంలో 'ద్రౌపద్యాదిత్యుడు'గా సూర్యభగవానుడు పూజలందుకునే ఆలయ విశేషాలను ఈ కథనంలో తెలుసుకుందాం.

ద్రౌపద్యాదిత్యుడుగా సూర్యభగవానుడు
కాశీలోని 12 సూర్య దేవాలయాల్లో ఒకదానిలో ద్రౌపద్యాదిత్యుని ఆలయం వెనుక ఓ ఆసక్తికరమైన కథనం ఉంది. స్కాందపురాణంలోని కాశీఖండంలో ప్రకారం ఇక్కడ ద్రౌపది సూర్యభగవానుని ప్రతిష్టించినట్లుగా తెలుస్తోంది. ఆ విశేషాలేమిటో తెలుసుకుందాం.

ఆకలి దప్పులతో అలమటించిన పాండవులు
పూర్వం పాండవులు మాయాజూదంలో ఓడినప్పుడు 14 సంవత్సరాలు అరణ్యవాసం చేయాల్సి వచ్చింది. అరణ్యవాసం సమయంలో పాండవులు ఒకసారి ఆకలిదప్పులతో అలమటిస్తూ కాశీ ప్రాంతానికి చేరుకున్నారంట! ఆ సమయంలో ఏమి చేయాలో దిక్కుతోచని ద్రౌపది ఆహార ప్రదాత, ప్రత్యక్ష భగవానుడైన సూర్యభగవానుడి మూర్తిని ప్రతిష్ఠించి పూజించడం వలన పాండవులకు ఆకలిదప్పుల నుంచి విముక్తి లభించిందని అంటారు.

అందుకే ద్రౌపద్యాదిత్యుడు
ద్రౌపది ప్రతిష్టించి, పూజించిన కారణంగానే ఇక్కడ సూర్యభగవానుడు ద్రౌపద్యాదిత్యుడుగా పూజలందుకుంటున్నాడు.

ధర్మరాజు అక్షయపాత్ర పొందిన ప్రదేశం
పాండవ అగ్రజుడు ధర్మరాజు ద్రౌపద్యాదిత్యుడినే ఉపాసించి ఆ స్వామి నుంచి 'అక్షయ పాత్ర' వరంగా పొందినట్టు స్కాందపురాణంలోని 'కాశీఖండం' ద్వారా మనకు తెలుస్తోంది.

ఆకలి బాధలు పోగొట్టే క్షేత్రం
కాశీలోని ద్రౌపద్యాదిత్యుని దర్శించి పూజిస్తే జీవితంలో ఆకలి బాధలు ఉండవని భక్తుల విశ్వాసం. కాశీకి వెళ్ళినప్పుడు తప్పకుండా ద్రౌపద్యాదిత్యుని దర్శిద్దాం తరిద్దాం.

ముఖ్య గమనిక :పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. అంతే కానీ, వీటిలో ఎలాంటి శాస్త్రీయ ఆధారాలు లేవనే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.

ప్రతి వ్యక్తికి జీవితంలో గురువు మార్గదర్శకుడు. భగవంతుని అనుగ్రహం పొందాలంటే అది గురువుతోనే సాధ్యం. భగవంతుడి చేరే మార్గాన్ని చూపేది కూడా గురువే. అయితే ఒకరిని మనం గురువుగా స్వీకరించిన తర్వాత ఆ గురువు పట్ల భక్తి శ్రద్ధలు ఒక్కటే ఉంటే సరిపోదు. వారి పట్ల ఎప్పటికీ సడలని విశ్వాసం తప్పనిసరిగా ఉండాలి. గురువు పట్ల మనకు ఉన్న విశ్వాసాన్ని పరీక్షించడానికి వాళ్లు ఎన్నో పరీక్షలు పెడుతూ ఉంటాడు. వాటన్నంటిని తట్టుకొని గురువు పాదాలను విడవకుండా పట్టుకోవాలన్న నీతిని చెప్పే విష్ణు దత్తుడిని కథను తెలుసుకోవాలంటే ఇక్కడ క్లిక్ చేయండి.