Rahul Gandhi Election Campaign in Telangana Today :తెలంగాణలో ఇప్పటికే అసెంబ్లీ ఎన్నికల్లో బోణీ కొట్టి మంచి ఊపుమీదున్న కాంగ్రెస్ పార్లమెంటు ఎన్నికలపై దృష్టి పెట్టింది. సార్వత్రిక ఎన్నికల్లో ఈసారి ఎలాగైనా అత్యధిక లోక్సభ స్థానాలు కైవసం చేసుకోవాలని చూస్తోంది. ఈ నేపథ్యంలో కాంగ్రెస్ అగ్రనేతలు రాహుల్ గాంధీ, ప్రియాంక గాంధీ, మల్లిఖార్జున ఖర్గేలు రాష్ట్రానికి ప్రచారానికి రానున్నారు. ఈ క్రమంలో ఏఐసీసీ అగ్రనేత రాహుల్ గాంధీ నేడు తెలంగాణలో ఎన్నికల ప్రచారంలో పాల్గొననున్నారు.
మొదటగా సాయంత్రం 4 గంటలకు నర్సాపూర్లో నిర్వహించే కాంగ్రెస్ జన జాతర సభలో పాల్గొనున్నారు. అనంతరం సాయంత్రం 6 గంటలకు ఎల్బీనగర్ సరూర్ నగర్ స్టేడియంలో జన జాతర సభకు హాజరు కానున్నారు. ఈ సభలకు రాహుల్గాంధీతో పాటు ముఖ్యమంత్రి రేవంత్ రెడ్డి పాల్గొననున్నారు.
తెలంగాణలో ప్రజా ప్రభుత్వం ఉంది - కేంద్రంలో కూడా ఏర్పాటు చేస్తాం : రాహుల్ గాంధీ - Rahul Gandhi Speech at Nirmal
Congress Leaders Tour schedule In Telangana :మరోవైపు ప్రియాంక గాంధీ, మల్లిఖార్జున ఖర్గే, సీఎం రేవంత్ రెడ్డి ఎక్కడెక్కడ పాల్గొంటారో పీసీసీ షెడ్యూల్ విడుదల చేసింది. ఈ నెల పదో తేదీన మధ్యాహ్నం 12 గంటలకు ఏఐసీసీ అధ్యక్షుడు మల్లిఖార్జున్ ఖర్గే హైదరాబాద్‌లో మీడియాతో మాట్లాడతారు. ఆ తరువాత సాయంత్రం 4 గంటలకు నకిరేకల్‌లో జన జాతర సభకు హాజరవుతారు. పదో తేదీన ఉదయం 10 గంటలకు పటాన్చెరు కార్నర్ మీటింగ్లో సీఎం రేవంత్ రెడ్డి పాల్గొంటారు. సాయంత్రం 4 గంటలకు మక్తల్ కార్నర్ మీటింగ్లో ఉంటుంది.
అదే రోజు సాయంత్రం 6 గంటలకు షాద్ నగర్ కార్నర్ సమావేశంలో ప్రియాంక గాంధీలతో కలిసి సభలో సీఎం పాల్గొంటారని పేర్కొంది. ఈ నెల 11 న ఏఐసీసీ అగ్రనేత ప్రియాంక గాంధీ ఉదయం 11 గంటలకు కామారెడ్డి, మద్యాహ్నం 1 గంటకు తాండూరు ఎన్నికల సభల్లో పాల్గొంటారు. ఈ క్రమంలో కాంగ్రెస్ నేతలు, కార్యకర్తలు ఫుల్ జోష్ మీద ఉన్నారు. రానున్న మూడు రోజులు అగ్రనేతలు రాష్ట్రంలో పర్యటిస్తుండటంపై కాంగ్రెస్ శ్రేణుల్లో నూతనోత్తేజం కనిపిస్తోంది. మే 11 సాయంత్రం 5 గంటలకు ఎన్నికల ప్రచారం ముగియనుంది.
మెజార్టీ సీట్లే లక్ష్యంగా కాంగ్రెస్ ఎన్నికల ప్రచారం - జాతీయ నాయకులతో బహిరంగ సభలు - Lok Sabha Elections 2024
తెలంగాణలో కాంగ్రెస్ అగ్రనేతల సుడిగాలి ప్రదర్శన - ఆ రెండు రోజులు రాహుల్, ప్రియాంక గాంధీలు ఫుల్ బిజీ - Rahul Priyanka Gandhi Campaign Ts
