రేవంత్ రెడ్డి పదేళ్లు సీఎంగా ఉంటారు - కాంగ్రెస్లో ఏక్నాథ్ శిందేలు లేరు : మంత్రి కోమటిరెడ్డి Komatireddy Comments On CM Revanth Reddy latest : రేవంత్ రెడ్డి పదేళ్లు సీఎంగా ఉంటారని ఆర్ అండ్ బీ శాఖ మంత్రి కోమటిరెడ్డి వెంకట్ రెడ్డి స్పష్టం చేశారు. కాంగ్రెస్లో ఏకనాథ్ శిందేలు ఎవరూ లేరన్నారు. అందరం రేవంత్ రెడ్డి నాయకత్వంలో పని చేస్తున్నామని చెప్పారు. బీజేపీ మతాలు, కులాలు మధ్య చిచ్చు పెడుతుందని ధ్వజమెత్తారు. నల్గొండలోని ఈద్గా దర్గాకు వెళ్లిన మంత్రి కోమటిరెడ్డి అక్కడి ముస్లిం సోదరులతో కలిసి రంజాన్ వేడుకల్లో(Ramadan Celebrations 2024) పాల్గొన్నారు. ఈ వేడుకల్లో మంత్రి వెంట కాంగ్రెస్ పార్టీ సీనియర్ నేత జానారెడ్డి, ముఖ్య నాయకులు ఉన్నారు.
అనంతరం మంత్రి కోమటిరెడ్డి వెంకట్ రెడ్డి మాట్లాడుతూ కాంగ్రెస్లో ఏకనాథ్ శిందేలు ఎవరూ లేరని, తామంతా కలిసికట్టుగా రేవంత్ రెడ్డి నాయకత్వంలో పని చేస్తున్నామని స్పష్టం చేశారు. రేవంత్ రెడ్డి మరో పదేళ్లు సీఎంగా ఉంటారని తెలిపారు. హరీశ్రావు, మహేశ్వర్ రెడ్డి నోరు అదుపులో పెట్టుకొని మాట్లాడాలని హితవు పలికారు. బీఆర్ఎస్కు ఒక్క ఎంపీ సీటు కూడా రాదని జోస్యం చెప్పారు.
'మంత్రి పదవి ఇస్తే కాంగ్రెస్లోకి వస్తానన్నాడు - పట్టించుకోకపోయేసరికి ఇలా మాట్లాడుతున్నాడు'
Minister Komati Reddy Fires on BRS : బీఆర్ఎస్ ఒక్క సీటు గెలిస్తే తాను దేనికైనా సిద్ధమే అంటూ మంత్రి కోమటిరెడ్డి సవాల్(Komati Reddy Challenge to BRS) విసిరారు. కాంగ్రెస్ అంతర్గత విషయాలు మహేశ్వర్ రెడ్డి మాట్లాడొద్దని హెచ్చరించారు. సంజయ్ను ఎందుకు మార్చారో మహేశ్వర్ రెడ్డికి తెలుసా అంటూ మంత్రి కోమటిరెడ్డి వెంకట్ రెడ్డి ప్రశ్నించారు.
"కులాలు, మతాల మధ్య ఘర్షణలు పెట్టడం దానికి మాకు 370 నుంచి 400 సీట్లు వస్తాయని రాజకీయం చేస్తున్నారు. బీఆర్ఎస్ కార్యక్రమంలో జనాలు లేక హరీశ్రావు ప్రస్టేషన్లో ఈ ప్రభుత్వం ఎన్ని రోజులు ఉంటుందో తెలియదు అని అన్నారు. బీజేపీ నేత మహేశ్వర్ రెడ్డి కాంగ్రెస్లోనే ఐదు గ్రూపులు ఉన్నాయని చెబుతున్నారు. ఇలా విమర్శలు చేస్తున్నవారు విజ్ఞతతో మాట్లాడాలి. ఇక్కడ అందరం సీఎం రేవంత్ రెడ్డి ఆధ్వర్యంలో ఒక టీంగా పని చేస్తున్నాము. మీరు ఏక్నాథ్ శిందే అనే పదం సృష్టించారు. సీఎంగా రేవంత్ రెడ్డినే పదేళ్లు అధికారంలో ఉంటారు. బండి సంజయ్ను దించేసి కిషన్రెడ్డిని ఎందుకు అధ్యక్ష పీఠంపై కూర్చో బెట్టారో నీకు తెలుసా? మా పార్టీ అంతర్గత విషయాలు ఎప్పుడూ మాట్లాడవద్దు." - కోమటిరెడ్డి వెంకట్రెడ్డి, మంత్రి
లోక్‌సభ ఎన్నికల్లో బీఆర్ఎస్ ఒక్క సీటూ గెలవదు: మంత్రి కోమటిరెడ్డి
దానం నాగేందర్ను లక్ష లేదా రెండు లక్షల మెజారిటీతో గెలిపించుకుంటాం : మంత్రి కోమటిరెడ్డి
