మోదీకి ఓటేయడానికి ప్రజలు సిద్ధంగా ఉన్నారు : ఈటల రాజేందర్​

Etela Rajender press meet at Malkajgiri : రాష్ట్ర ప్రజలు మోదీకి ఓటేయడానికి సిద్ధంగా ఉన్నారని మల్కాజిగిరి లోక్​సభ నియోజకవర్గ బీజేపీ అభ్యర్థి ఈటల రాజేందర్​ ధీమా వ్యక్తం చేశారు. మల్కాజిగిరిలో జరిగిన బీజేపీ సమావేశంలో ఆయన పాల్గొని ప్రసంగించారు. ఈ సందర్భంగా సీఎం రేవంత్​ రెడ్డిపై తీవ్రస్థాయిలో విమర్శలు చేశారు.

Etela Rajender press meet at Malkajgiri :2019 పార్లమెంటు ఎన్నికల్లో కరీంనగర్​లో లక్ష మెజార్టీతో బీజేపీ గెలిచిందని మల్కాజిగిరి నియోజకవర్గ బీజేపీ ఎంపీ అభ్యర్థి ఈటల రాజేందర్​ అన్నారు. కేంద్ర ప్రభుత్వాన్ని ప్రజలు ఆశీర్వాదిస్తారని తెలిపారు. ప్రజలు మోదీకి ఓటు(Vote for Modi) వేయడానికి సిద్ధంగా ఉన్నారని వివరించారు. మల్కాజిగిరిలో జరిగిన బీజేపీ సమావేశంలో ఆయన పాల్గొని ప్రసంగించారు. ఈ సందర్భంగా సీఎం రేవంత్​ రెడ్డిపై తీవ్రస్థాయిలో విమర్శలు చేశారు.

మల్కాజిగిరిలో తాను గత 32 ఏళ్లుగా నివాసం ఉంటున్నానని బీజేపీ నేత ఈటల రాజేందర్​ అన్నారు. గతంలో మల్కాజిగిరి ఎంపీగా ఉన్న ప్రస్తుత సీఎం రేవంత్​ రెడ్డి(Etela Question to CM Revanth) నియోజకవర్గానికి, ప్రజలకు ఏం చేశారో తెలుసుకోవడానికి మల్కాజిగిరి చౌరస్తా వద్ద చర్చకు రావడానికి సిద్ధంగా ఉన్నానంటూ సవాల్​ విసిరారు. ఈ నియోజకవర్గంలో ఎక్కువగా సీఎం రేవంత్​ తిరిగారా లేక తాను తిరిగానా అనేది తేల్చుకుందామా అంటూ ప్రశ్నించారు.

మళ్లీ మోదీనే పీఎం : దేశంలో మళ్లీ ప్రధాని అయ్యేది మోదీ(PM Modi)నే అని సర్వేలు, ఇంటెలిజెన్స్​ రిపోర్టులు, తాము ప్రజల మధ్య తిరిగినప్పుడు చెబుతున్నారని మల్కాజిగిరి ఎంపీ అభ్యర్థి ఈటల రాజేందర్​ అన్నారు. మల్కాజిగిరి నియోజకవర్గంలో బీఆర్​ఎస్​, కాంగ్రెస్​ పార్టీలకు అభ్యర్థులే కరవు అయ్యారని దుయ్యబట్టారు. కచ్చితంగా ఈ లోక్​సభ ఎన్నికలో మల్కాజిగిరి నియోజకవర్గం నుంచి బీజేపీనే గెలుస్తుందని ధీమా వ్యక్తం చేశారు.

Etela Rajender Fires on CM Revanth :చదువుకున్న వాళ్లను అడిగితే ఈ దఫా మోదీనే ప్రధాని అవుతారు అంటున్నారు. బస్తీలల్లో అడిగితే సామాన్య ప్రజలు అసెంబ్లీ ఎన్నికలు ఇక్కడి ఎన్నికలు, వచ్చేవి మోదీ ఎన్నికలు కదా తప్పకుండా గెలుస్తారు అంటున్నారు. బీఆర్​ఎస్​, కాంగ్రెస్​ కార్యకర్తలు కూడా ఈసారి మోదీనే ప్రధాని అవుతారని అంటున్నారని చెప్పారు.

Telangana BJP LOk Sabha Candidates List : బీజేపీ అధిష్ఠానం ప్రకటించిన మొదటి జాబితాలో 195 అభ్యర్థులకు చోటు దక్కింది. ఈ జాబితాలో తెలంగాణ నుంచి మొత్తం తొమ్మిది పేర్లను ప్రకటించారు. అందులో సిట్టింగ్​ ఎంపీలు బండి సంజయ్​, ధర్మపురి అర్వింద్​, కిషన్​ రెడ్డి ఉండగా, మల్కాజిగిరి నియోజకవర్గం నుంచి ఈటల రాజేందర్​ పేరును అధిష్ఠానం ప్రకటించింది. రెండో జాబితాలో 72 మందితో ప్రకటించగా మొత్తం ఆరు పేర్లను ఖరారు చేశారు. దీంతో 17 ఎంపీ స్థానాలకు 15 స్థానాల అభ్యర్థులను ప్రకటించి, కేవలం ఖమ్మం, వరంగల్​ స్థానాలను మాత్రమే పెండింగ్​లో ఉంచింది.