Election Bettings in Andhra Pradesh :ఆంధ్రప్రదేశ్ అసెంబ్లీ ఎన్నికల పోలింగ్‌ తేదీ దగ్గరపడటంతో బెట్టింగ్ గ్యాంగ్‌లు జోరు పెంచాయి. పార్టీలు, నేతలు గెలుపుకోసం సర్వశక్తులు ఒడ్డుతుంటే, అదే స్థాయిలో బెట్టింగ్ టీమ్స్‌ స్పీడ్ పెంచాయి. ఊరించే ఆప్షన్లు బుకీలు పందెం రాయళ్ల ముందు ఉంచుతున్నారు. ఇటీవల వచ్చిన జాతీయ, ప్రాంతీయ మీడియా సంస్థల సర్వేలు ఆధారంగా బెట్టింగ్ చేస్తున్నారు. ఉమ్మడి ఆంధ్రప్రదేశ్‌లో కడప, భీమవరం, సిద్ధిపేట, పొద్దటూరులు సత్తామార్కెట్‌కు ప్రధాన అడ్డాలు. నేషనల్‌ ఎక్సేంజ్‌, సెవన్‌హిల్స్‌, కవర్స్‌, పొలిటికల్ బెట్టింగ్. కామ్‌, బుకీష్‌.కామ్‌ వంటి వెబ్‌సైట్లలో ఫంటర్లు ఆప్షన్లు ఇస్తారు.
భీమవరం, కడప బెట్టింగ్ బ్యాచ్‌లు సొంతంగా సర్వేలు చేసుకుని వాటి ఆధారంగా సత్తా మార్కెట్‌లో ట్రెండ్స్ నడుపుతున్నాయి. బెట్టింగ్ యాప్స్‌ అన్నీ తెలుగుదేశం కూటమి మ్యాజిక్‌ మార్క్‌దాటి ప్రభుత్వాన్ని ఏర్పాటు చేస్తుందన్న అంచనాకు వచ్చాయి. ఎన్డీయే కూటమి 95 -105 మధ్య సీట్లు సాధిస్తుందనే అంచనాతో బెట్టింగ్ చేస్తోంది. అందుకే ఏ పార్టీ అధికారంలోకి వస్తుందనే ఆప్షన్‌లో బెట్టింగ్ చాలా తక్కువగా ఉంది. ఎక్కువగా సీట్ల సంఖ్యపైనే బెట్టింగ్ చేస్తున్నారు. కానీ కడప బెట్టింగ్ టీమ్‌ మాత్రం వైఎస్సార్సీపీ 70-74 గ్యారెంటీగా గెలుస్తోందనే విశ్వాసాన్ని ఉంచి పందెం కాస్తున్నాయి.
Betting on YSRCP and TDP :అదే సమయంలో YSRCP రాయలసీమలో 30-33మార్క్‌ చేరుకుంటుందని బెట్టింగ్ చేస్తున్నారు. గోదావరి జిల్లాల్లో YSRCP భారీగా నష్టపోతుందని అక్కడ కేవలం 11సీట్ల లోపే ఉంటాయన్నది పందెంరాయుళ్ల అంచనా. ఉమ్మడి గుంటూరు, ప్రకాశం, విశాఖ, ఉభయగోదావరిజిల్లాలు తెలుగుదేశం కూటమికి పట్టం కడతాయని లెక్కిస్తున్నారు. ఉమ్మడి కడప, కర్నూలు జిల్లాలు, అరకు పార్లమెంట్‌ పరిధిలో వైఎస్సార్సీపీ ఎక్కువ సీట్లు సాధిస్తుందని పందెంరాయుళ్ల లెక్క.