టెన్త్​ ఫలితాల్లో 17 పాఠశాలల్లో జీరో రిజల్ట్ - రాష్ట్రవ్యాప్తంగా 86.69% ఉత్తీర్ణత - AP SSC RESULTS 2024

AP 10th Class Results 2024: పదో తరగతి ఫలితాల్లో రాష్ట్ర వ్యాప్తంగా 17 పాఠశాలల్లో ఉత్తీర్ణతే నమోదు కాలేదు. ఇందులో అత్యధికంగా 13 ప్రైవేటు పాఠశాలలు ఉండగా 3 ఎయిడెడ్ మరో ప్రభుత్వ పాఠశాల ఉంది. ఇక 4737 జడ్పీ ఉన్నత పాఠశాలలకు గాను 436 పాఠశాలలు నూరు శాతం ఫలితాలు సాధించాయి. గతేడాది 38పాఠశాలల్లో జీరో ఫలితాలు రాగా వాటిలో 22 ప్రైవేటు, 7 ఎయిడెడ్ మరో 5 జడ్పీ, 3 ఆశ్రమ, మరో ప్రభుత్వ పాఠశాలలు ఉన్నాయి.

AP 10th Class Results 2024:పదో తరగతి ఫలితాల్లో రాష్ట్ర వ్యాప్తంగా 17 పాఠశాలలు జీరో శాతం ఉత్తీర్ణత నమోదు చేశాయి. ఇందులో అత్యధికంగా 13 ప్రైవేటు పాఠశాలలు ఉండగా 3 ఎయిడెడ్ మరో ప్రభుత్వ పాఠశాల ఉంది. ఇక 4737 జడ్పీ ఉన్నత పాఠశాలలకు గాను 436 పాఠశాలలు నూరు శాతం ఫలితాలు సాధించాయి. గతేడాది 38 పాఠశాలల్లో జీరో శాతం ఫలితాలు రాగా వాటిలో 22 ప్రైవేటు, 7 ఎయిడెడ్ మరో 5 జడ్పీ, 3 ఆశ్రమ, మరో ప్రభుత్వ పాఠశాలలు ఉన్నాయి. నాడు-నేడు పనులతో పాఠశాలలను తీర్చిదిద్దుతున్నామని చెప్పిన ప్రభుత్వం విద్యార్థుల సామర్థ్యాలను పెద్దగా పట్టించుకోలేదని తెలుస్తోంది.

మార్చి 18 నుంచి 30వరకు ఎస్​ఎస్​సీ పరీక్షలు నిర్వహించగా ఏప్రిల్​ 1 నుంచి 8వ తేదీ వరకు పరీక్ష పత్రాల వాల్యుయేషన్​ క్యాంపులు కొనసాగాయి. రాష్ట్ర వ్యాప్తంగా 26 క్యాంపుల్లో మూల్యాంకనం జరిగింది. రాష్ట్రవ్యాప్తంగా 6,156, 615 మంది విద్యార్థులు పరీక్షలకు హాజరయ్యారు. రెగ్యులర్‌ అభ్యర్థుల ఉత్తీర్ణత శాతం 86.69% నమోదు కాగా, బాలురు 84.32%, బాలికలు 89.17% ఉత్తీర్ణత సాధించారు. బాలికల మొత్తం ఉత్తీర్ణత శాతం బాలుర కంటే 4.85% ఎక్కువగా నమోదైంది. 2803 పాఠశాలలు 100% ఉత్తీర్ణతను సాధించగా, 17 పాఠశాలలు సున్నా (0) ఫలితాలు నమోదు చేశాయి. పార్వతీపురం మన్యం జిల్లా రాష్ట్రంలో అత్యధిక శాతం అంటే 96.37% ఉత్తీర్ణత సాధించి అగ్రస్థానంలో నిలవగా, అత్యల్పంగా కర్నూలు జిల్లా అంటే 62.47% ఫలితాలతో అట్టడుగు స్థానంలో నిలిచింది. ఇక రెసిడెన్షియల్​, బీసీ సంక్షేమ పాఠశాలలు అత్యధికంగా 98.43% ఉత్తీర్ణత సాధించాయి. మొత్తం 616615మంది విద్యార్థులు పరీక్షలకు హాజరు కాగా, వీరిలో 314610 బాలురు, 302005 బాలికలు ఉన్నారు.

తెలుగు మీడియం విద్యార్థులు 161881 మందికి గాను 115060 (71.08శాతం) ఉత్తీర్ణులయ్యారు. ఇంగ్లిష్ మీడియం విద్యార్థులు 450304 మందికి గాను 15743 (92.32శాతం) ఉత్తీర్ణులయ్యారు. ఈ ఏడాది 2803 పాఠశాలలు 100% ఉత్తీర్ణత సాధించగా, 17 పాఠశాలలు 0 % ఉత్తీర్ణత నమోదు చేశాయి. అంటే ఆయా పాఠశాలల్లో చదివిన విద్యార్థులు ఒక్కరు కూడా పాస్​ కాలేదని తెలుస్తోంది.

వీటిలో ప్రభుత్వ, జిల్లా పరిషత్​, మోడల్ స్కూళ్లు, మున్సిపల్​, రెసిడెన్షియల్​, సాంఘిక, గురుకుల, కేజీబీవీ, బీసీ సంక్షేమ, ఎయిడెట్​, ప్రైవేటు, ఆశ్రమ పాఠశాలలు గతేడాది 11646 పాఠశాలలు ఉండగా 38 పాఠశాలలు జీరో ఫలితాలు నమోదు చేశాయి. 933పాఠశాలలు 100శాతం ఫలితాలు సాధించాయి. ఈ ఏడాది విడుదలైన ఫలితాల మేరకు రాష్ట్ర వ్యాప్తంగా ఆయా పాఠశాలల సంఖ్య 11645 కాగా, 17పాఠశాలలు జీరో ఫలితాలు నమోదు చేశాయి. 2803 పాఠశాలలు 100 శాతం ఫలితాలు సాధించాయి. ఎస్​ఎస్​సీ అడ్వాన్స్ సప్లిమెంటరీ పరీక్షలు మే 24నుంచి జూన్​ 3వరకు జరగనున్నాయి. ఈ నెల 23నుంచి 30 వరకు అదనపు రుసుము లేకుండా ఫీజు చెల్లించే వీలుంది. మే 1 నుంచి 23 వరకు రూ.50 అదనంగా చెల్లించి ఫీజు చెల్లించే గడువు ఉంది.