Slowest Train in India:మన దేశంలో కశ్మీర్‌ నుంచి కన్యాకుమారి వరకు రైల్వేవ్యవస్థ పనిచేస్తోంది. పాసింజర్‌ రైళ్లు మొదలు.. అత్యంత వేగంగా ప్రయాణించే వందే భారత్‌ వరకూ అనేక రకాల రైళ్లు అందుబాటులో ఉన్నాయి. మెజార్టీ జనాలు కూడా రైలు ప్రయాణాలనే ఎంచుకుంటారు. ఇక తీర్థయాత్రలు, దూర ప్రయాణాలు అయితే చెప్పక్కర్లేదు. పండగలు, ఏదైనా ప్రత్యేక సమయాలల్లో ట్రైన్ టికెట్లకు ఫుల్ డిమాండ్ ఉంటుంది.
అయితే.. మనదేశంలో ఎన్నో రైళ్లు సూపర్ ఫాస్ట్గా నడుస్తాయి. చాలా వేగంగా గమ్యస్థానాలకు చేరుస్తాయి. అయితే.. ఫాస్ట్గా నడిచే రైల్లే కాదు.. అత్యంత నెమ్మదిగా నడిచే రైలు కూడా ఒకటి ఉంది! ఆ రైలు దాదాపు 57 స్టేషన్‌లలో ఆగుతూ.. 37 గంటలకు గానీ గమ్యస్థానానికి చేరుకోదు. ఇంత నెమ్మదిగా ఈ రైలు ప్రయాణించినా.. ఈ ట్రైన్ టికెట్లకు మాత్రం భారీ డిమాండ్ ఉంటుందట. ఇంతకీ ఆ రైలు ఏంటో? దాని ప్రత్యేకతలు ఈ స్టోరీలో చూద్దాం..
దేశంలోనే అత్యంత నెమ్మదిగా నడిచే ఆ రైలు పేరు.. "హౌరా-అమృత్సర్ మెయిల్ (13005)". ఇది దేశంలో అత్యధిక స్టాప్‌లు కలిగి ఉన్న ట్రైన్. ఈ రైలు (పశ్చిమ బెంగాల్, బిహార్‌, ఉత్తర్‌ప్రదేశ్‌, హరియాణా, పంజాబ్) ఐదు రాష్ట్రాల్లో ప్రయాణిస్తుంది. వారణాసి, లఖ్నవూ, కాన్పూర్, వంటి ప్రధాన స్టేషన్లను కలుపుతూ వెళుతుంది. అయితే.. పెద్ద స్టేషన్‌లలో కాస్త ఎక్కువ సేపు ఆగే ఈ రైలు.. చిన్న స్టేషన్‌లలో మాత్రం ఒకటీ రెండు నిమిషాలకు మించి ఆగదు. ఈ రైలుకు పశ్చిమ బెంగాల్లోని హౌరా నుంచి పంజాబ్లోని అమృత్సర్ వరకు చేరుకుంటుంది. ఈ రెండు నగరాల మధ్య ఉన్న దూరం 1,910 కిలోమీటర్లు. ఈ దూరాన్ని చేరుకోవడానికి 37 గంటల సమయం పడుతుంది.
బ్లూ, రెడ్‌, గ్రీన్ - రైల్‌ కోచ్‌ల కలర్కు ప్రత్యేక కారణం! రంగు బట్టి లగ్జరీలో తేడా!