Lava Yuva 2 5G Launched: ప్రస్తుతం ఇండియన్ మార్కెట్లో హై-స్పీడ్ కనెక్టివిటీకి డిమాండ్ పెరుగుతోంది. దీంతో కస్టమర్ల అభిరుచికి అనుగుణంగా మార్కెట్లోకి కొత్త కొత్త 5G స్మార్ట్ఫోన్లను తీసుకొచ్చేందుకు స్మార్ట్ఫోన్ తయారీ కంపెనీలు ఆసక్తిని చూపిస్తున్నాయి. ఈ క్రమంలో ఇప్పటికే దేశీయ మార్కెట్లో చాలానే 5G స్మార్ట్ఫోన్లు ఎంట్రీ ఇచ్చాయి. ఈ క్రమంలో తాజాగా మరో కొత్త 5G స్మార్ట్ఫోన్ మార్కెట్లో లాంఛ్ అయింది. దేశీయ మొబైల్‌ తయారీ కంపెనీ 'లావా యువ 2 5G' పేరుతో దీన్ని తీసుకొచ్చింది.
మార్బుల్ ఫినిష్తో ఆకర్షణీయమైన డిజైన్తో కంపెనీ దీన్ని బడ్జెట్ ధరలోనే రిలీజ్ చేసింది. అంతేకాక ఏడాదిలోపు ఫోన్‌లో ఏదైనా సమస్య తలెత్తితే సర్వీస్ సెంటర్‌కు వెళ్లాల్సిన పని లేకుండా నేరుగా ఇంటికే వచ్చి సర్వీస్‌ను అందిస్తామని కంపెనీ చెబుతోంది. డ్యూయల్ సిమ్‌తో తీసుకొచ్చిన ఈ స్మార్ట్ఫోన్ ఆండ్రాయిడ్‌ 14 ఆధారంగా పనిచేస్తుంది. లావా రిటైల్‌ స్టోర్ల ద్వారా ఈ స్మార్ట్ఫోన్ను కొనుగోలు చేయొచ్చు. ఈ సందర్భంగా దీని ధర, ఫీచర్లు, స్పెసిఫికేషన్లపై మరిన్ని వివరాలు తెలుసుకుందాం రండి.
'Lava Yuva 2 5G' ఫీచర్లు:
- డిస్ప్లే: 6.67 అంగుళాల హెచ్‌డీ + స్క్రీన్
- బ్రైట్‌నెస్‌: 700నిట్స్‌
- రీఫ్రెష్‌ రేటు: 90Hz
- ప్రాసెసర్: UNISOC T760
- బ్యాటరీ: 5000mAh
- 18W వైర్డ్‌ ఛార్జింగ్‌ సదుపాయం
'Lava Yuva 2 5G' కెమెరా సెటప్: ఈ కొత్త లావా యువ 2 5G స్మార్ట్ఫోన్ కెమెరా విషయానికొస్తే.. ఇందులో 50MP మెయిన్ కెమెరా, 2MP సెన్సర్‌ ఉంది. సెల్ఫీల కోసం దీని ముందువైపు 8MP కెమెరా అందించారు. నోటిఫికేషన్ వస్తే ఈ కెమెరా చుట్టూ ఉన్న లైట్ బ్లింక్ అవుతుంది.
కనెక్టివిటీ ఫీచర్లు:
- 3.5mm ఆడియో జాక్‌
- బ్లూటూత్‌ 5.2
- యూఎస్‌బీ టైప్‌- సి పోర్ట్‌
'Lava Yuva 2 5G' కలర్ ఆప్షన్స్: దేశీయ మార్కెట్లో ఇది రెండు కలర్ ఆప్షన్లలో అందుబాటులో ఉంది.
- మార్బుల్ బ్లాక్‌
- మార్బుల్ వైట్‌
వేరియంట్స్: కంపెనీ ఈ స్మార్ట్ఫోన్ను కేవలం ఒక్క వేరియంట్లోనే తీసుకొచ్చింది.
- 4GB + 128GB
ధర:
- 4GB + 128GB వేరియంట్ ధర: రూ.9,499
'విశ్వంలో డార్క్ ఎనర్జీ అనేదే లేదు- ఆ సిద్ధాంతాలు తప్పు'- వీడిన అతిపెద్ద మిస్టరీ!
అత్యాధునిక ఫీచర్లతో 2025 హోండా యూనికార్న్- ధర కూడా పెరిగిందిగా!- ఇప్పుడెంతంటే?
వాట్సాప్లో మీకు బ్లూ కలర్ సర్కిల్ కన్పిస్తుందా?- దీని ఉపయోగాలు తెలిస్తే షాకే!- ఎలా వాడాలంటే?
పవర్ఫుల్ ఫీచర్లతో రెడ్మీ నుంచి 5G స్మార్ట్ఫోన్- టీజర్ చూశారా?
