How to use Leftover Cool Drinks: కూల్డ్రింక్స్.. ఈ పేరుకు ఉన్న పాపులారిటీ అంతా ఇంతా కాదు. ఫంక్షన్స్ అయినా, ఫ్యామిలీ, ఫ్రెండ్స్తో పార్టీలైనా, ఇంటికి అతిథులు వచ్చినా.. అందరికీ ఇవి గుర్తుకువస్తాయి. అయితే.. ఎప్పుడు తాగడానికి కూల్డింక్స్ తెచ్చుకున్నా కొన్ని సందర్భాల్లో అందులో ఎంతో కొంత డ్రింక్ మిగులుతుంది. దీంతో ఆ మిగిలిన దానిని తర్వాత తాగడానికి ఇంట్రస్ట్ చూపించరు. ఎందుకంటే ఒకసారి బాటిల్ ఓపెన్ చేసినప్పుడు దానిలోని గ్యాస్ అయిపోతుంది. దీంతో ఆ డ్రింక్ రుచి లేకుండా మారుతుంది. ఇక చేసేది ఏమి లేక మిగిలిపోయిన శీతల పానీయాలను పారేస్తుంటారు. కానీ.. పారబోయకుండా ఇంటి పనులకు ఉపయోగించవచ్చని నిపుణులు అంటున్నారు. అవేంటంటే..
మరకలు తొలగించవచ్చు: సాధారణంగా దుస్తులపై పడిన మరకలను తొలగించడం కష్టమే. కొన్ని మరకలు ఈజీగా వదిలిపోతే.. మరికొన్నింటిని వదిలించడానికి కష్టపడాల్సి వస్తుంది. ముఖ్యంగా దుస్తులపై నూనె, గ్రీజ్ మరకలు ఓ పట్టాన వదలవు. అలాంటి సమయాల్లో కూల్డ్రింక్ ఉపయోగపడుతుందని నిపుణులు అంటున్నారు. అందుకోసం మరక పడిన ప్రదేశంలో కూల్ డ్రింక్ పోసి ఓ 30 నిమిషాలు అలానే వదిలేసి ఆ తర్వాత దుస్తులను వాష్ చేస్తే మరకలు ఈజీగా పోతాయని అంటున్నారు.
టాయిలెట్ సీటు క్లీనింగ్: సాధారణంగా టాయిలెట్ సీటుపై మరకలు తొందరగా ఏర్పుడుతుంటాయి. ఇక వీటిని క్రమం తప్పకుండా క్లీన్ చేస్తే తప్పించి శుభ్రం చేయకపోతే మరకలు మరింతగా ఏర్పడి ఓ పట్టాన వదలవు. అందుకే.. టాయిలెట్ సీట్ను క్లీన్ చేయడానికి మార్కెట్లో లభించే క్లీనర్స్ యూజ్ చేస్తుంటారు. అయితే ఈసారి క్లీన్ చేసేటప్పుడు మిగిలిపోయిన కూల్డ్రింక్ను యూజ్ చేయమంటున్నారు నిపుణులు. ఇందుకోసం ఓ స్ప్రే బాటిల్‌లో శీతల పానీయాన్ని నింపి టాయిలెట్ సీట్పై స్ప్రే చేయాలి. ఓ 10 నుంచి 15 నిమిషాల తర్వాత బ్రష్‌తో క్లీన్ చేసి ఫ్లష్ చేస్తే.. టాయిలెట్ సీటుకు కొత్తదానిలా కనిపిస్తుందని అంటున్నారు.
తుప్పు వదలగొట్టడానికి: ఇనుప వస్తువులు తొందరగా తుప్పు పడుతుంటాయి. ఈ తుప్పును వదిలించాలంటే కష్టపడాల్సి వస్తుంది. ఇలాంటి సమయంలో తుప్పు పట్టిన ప్రదేశంలో కూల్ డ్రింక్‌ని చల్లి.. కాసేపటి తరవాత రుద్దితే.. మరకలు ఇట్టే పోతాయని అంటున్నారు.
ఫ్లోర్ క్లీనింగ్: కొన్నిసార్లు సిమెంట్ ఫ్లోర్ లేదా టైల్స్‌పై నూనె లేదా గ్రీజు మరకలు ఏర్పడతాయి. వీటిని తుడిచినా జిడ్డు మరకలు అనేవి తొందరగా పోవు. అలాంటి సమయంలో వాటిమీద కూల్ డ్రింక్స్ స్ప్రే చేసి కొద్దిసేపటి తర్వాత ఓ వస్త్రంతో తుడిస్తే.. జిడ్డు మరకలు పోవడంతో పాటు నేల తళతళలాడుతూ మెరుస్తుందని అంటున్నారు.
అద్దాలను మెరిపించవచ్చు: సాధారణంగా మనం ఇళ్లలో ఉపయోగించే అద్దాలపై దుమ్ము, ధూళి పేరుకుపోతుంటాయి. వీటిని ఎంత క్లీన్ చేసినా అద్దం మాత్రం స్పష్టంగా కనిపించదు. అటువంటప్పుడు ఆ అద్దాలపై కొద్దిగా కూల్డ్రింక్ను స్ప్రే చేసి ఓ 5 నిమిషాల తర్వాత తడి క్లాత్, ఆపై పొడి క్లాత్తో తుడిస్తే అద్దాలు మెరిసిపోతాయని అంటున్నారు. కారు విండ్షీల్డ్ క్లీనింగ్కు ఇది ఉపయోగపడుతుందని చెబుతున్నారు.
ట్యాప్స్: కిచెన్, బాత్రూమ్లో యూజ్ చేసే ట్యాప్స్పై నీళ్లు, సబ్బు నీళ్లు పడి మరకలు పడుతుంటాయి. దీంతో ఇవి అంత మంచిగా కనిపించవు. ఇక వీటిని క్లీన్ చేయడానికి చాలా మంది బయట లభించే క్లీనర్స్ ఉపయోగిస్తుంటారు. అయితే వాటి బదులు కూల్డ్రింక్స్ను యూజ్ చేయమంటున్నారు నిపుణులు. అందుకోసం కూల్డ్రింక్స్ను ట్యాప్స్ మీద స్ప్రే చేసి కొద్దిసేపటి తర్వాత క్లీన్ చేస్తే మరకలు పోయి మెరుస్తాయని అంటున్నారు.
మాడిన గిన్నెలు: వంట చేసే క్రమంలో కొన్నిసార్లు గిన్నెలు మాడుతుంటాయి. ఇక వాటిని రుద్దాలంటే తల ప్రాణం తోకకు వస్తుంది. ఇలాంటి సమయంలో మాడిన గిన్నెలో కూల్డ్రింక్స్ పోసి రాత్రి మొత్తం అలానే ఉంచి.. మరుసటి రోజు ఉదయం వాటిని క్లీన్ చేస్తే మాడిన మరకలు మొత్తం పోతాయని అంటున్నారు.
బబుల్గమ్ అతుక్కుంటే: మనం నడుస్తున్నప్పుడు షూస్ లేదా చెప్పులకు బబుల్గమ్ అంటుకుంటుంది. ఇక దానిని తొలగించాలంటో కొద్దిగా కష్టమే. అలాంటప్పుడు బబుల్గమ్ అంటుకున్న ప్రదేశంలో కూల్డ్రింక్స్ పోసి కొద్దిసేపటి తర్వాత తీస్తే ఈజీగా ఉడిపోతాయంటున్నారు.
Note: నిపుణులు, సోషల్ మీడియాలోని సమాచారం ప్రకారం వీటిని అందిస్తున్నాము. కూల్డ్రింక్స్తో వీటిని క్లీన్ చేయాలా వద్దా అనేది మీ వ్యక్తిగతం.
కిచెన్ క్లీనింగ్ ఇబ్బందిగా ఫీల్ అవుతున్నారా? - ఇలా చేశారంటే ఎప్పుడూ తళతళా మెరుస్తుంది!
డోర్ మ్యాట్స్ ఇలా క్లీన్ చేయండి - ఎంతటి మురికివైనా నిమిషాల్లో కొత్తవాటిలా మారుతాయి!
